Skuridôn

Un di kes problemas más difísil di nos ténpu ta ser sertamenti labirintu konplikadu di teorias.

Indubitavelmenti, pa es ténpus li, skolas séudu-ezotérista y séudu-okultista dja multiplika dimás pa li, pa lá y pa kolá.

Merkadoria di almas, di livros y di teorias é terível, é raru kel ki, na teia di tantu ideia kontraditóriu, ta konsigi atxa verdadiiramente kaminhu sigretu.

Kuzé más gravi di tudu es li é fasinason inteletivu; ten tendénsia pa nutrí rigorozamenti na forma inteletual ku tudu kel ki ta txiga na menti.

Vagabundus di inteletu ka ta kontenta más ku kel libraria suzjetivu y di tipu jeral ki ta abunda na merkadu di livros, má gósi y pa piora más situason, es ta atxa ta intupidu ku séudu-ezoterismu y séudu-okultismu baratu ki ta abunda na tudu lugar sima matu.

Rezultadu di tudu es giria é konfuzon y dezorientason manisfesta di malandrus di inteletu.

Constantimenti N ta resebi kartas y livros di tudu tipu; remitentis, sima sénpri, ta interóga-m sobri es skola ô kel skola, sobri tal livru ô kel livru, N ta limita-m a responde kel ki ta ben: Deixa bu pregisa mental; Bu ka ten pa bu ta preokupa ku vida di otu; dizintegra bu jó animal di kuriozidade; bu ka debe ta preokupa ku skolas di otus; torna sériu; konxi-bu mésmu; studa-bu mésmu; observa-bu mésmu, etc., etc., etc.

Realmenti kel ki inportanti é konxi-bu mésmu profundamenti na tudu nível di menti.

Sombra é inkonsiénsia; lus é konsiénsia; nu debe permiti ki lus ta penetra na nos sombra; óbviamente lus ten poder pa vensi sombra.

Desgrasadamente, gentis ta atxa ta trankadu dentru di ambienti fétidu y imundu di ses própiu menti, ta adora ses kéredu Égu.

Gentis ka kre da kónta ki es ka é donu di ses própiu vida, sertamenti kada pessoa ta kontroladu di dentru pa monti otu algen, N kre referi na forma enfátiku a tudu kel múltiplisidade di jó ki nu ta leba dentru.

Ostensivelmenti kada un di kes jó li ta poi na nos menti kuzé ki nu debe pensa, na nos boka kuzé ki nu debe flaba, na nos korason kuzé ki nu debe sinti, etc.

Na es kondisons, personalidade humana ka é más ki un robô guvernadu pa diferentis algen ki ta disputa supremasia y ki ta aspira na kontroli supremu di sentrus kapital di mákina orgánika.

Na nómi di verdadi, nu ten ki afirma solenimenti ki kel pobre animal inteletual enganozamenti txomadu ómi, mésmu ki el ta atxa ta ten bon ékilíbriu, el ta vive na un dezequilíbriu psikolójiku konpletu.

Mamíferu inteletual di manera ninhun é unilateral, si el fósi el ta ser equilibradu.

Animal inteletual é desgrasadamente multilateral y es sta dimonstradu té ki farta.

Kuma ki umanóidi rasional ta pode ser equilibradu? Pa ki ta izisti ékilíbriu perfetu, é meste konsiénsia disperta.

Só lus di konsiénsia dirijidu ka di ángulus, má na forma plena sentral sobri nós mésmu, ta pode kaba ku kontrastis, ku kontradisons psikolójiku y stabelese na nós verdaderu ékilíbriu interior.

Si nu disolve tudu kel konjuntu di jó ki na nos interior nu ta leba, ta ben dizperta di konsiénsia y, sima sekuénsia ô koroláriu, ékilíbriu verdaderu di nos própiu psikis.

Dezafortudamenti, gentis ka kre da kónta di inkonsiénsia ki es ta vive; es ta durmi profundamenti.

Si gentis staba dizperta, kada kun ta sinti ses prósmu na ses mésmu.

Si gentis staba dizperta, nos prósmu ta sinti-nu na ses interior.

Enton óbviamente gerra ka ta izisti y téra interu ta ser na verdadi un paraízu.

Lus di konsiénsia, ta da-nu verdaderu ékilíbriu psikolójiku, ta ben stabelese kada kuza na se lugar, y kel ki antis ta entraba na konfliktu íntimu ku nós, di fetu ta fika na se sítio adekuadu.

É tal inkonsiénsia di multitudis ki es nem é kapaz di atxa relason ki ta izisti entri lus y konsiénsia.

Inkuestionavelmenti lus y konsiénsia é dus aspetu di mésmu kuza; undi ki ten lus, ten konsiénsia.

Inkonsiénsia é sombra y kes útimu li ta izisti na nos interior.

Só através di auto-obzervason psikolójiku nu ta permiti ki lus ta penetra na nos própiu sombra.

“Lus ben na sombra má sombra ka konprende-l”.