Es Kaulzal

Múltiplos elementus subjetivu ki ta konstitui ego ten raízes kausal.

Kes “eu” kauzas sta ligadu na leis di Kauza y Efeitu. Klaramenti, ka pode izisti kauza sen efeitu, ni efeitu sen kauza; isu é inkustionável, indubitável.

Ta ser inkonsíbivel iliminason di vários elementus dizumanu ki nu ta transporta na nos interior si nu ka eliminaba radikalmenti kes kauzas intrínsekus di nos difetus psikolójikus.

Klaramenti, kes “eu” kauzas sta íntimamenti asosiadu ku certus dívidas Kármikus.

Só lamentason más profundu y kes respetivus negósios ku sinhoris di lei, pode da-nu alegria di konsigi dizintegrason di tudu kes elementus kausal ki na un manera ô otu pode konduzi-nu na iliminason difinitivu di kes elementus indizijável.

Kes kauzas intrínsekus di nos erus, sertamenti pode ser iradikadu di se mésmu grasa na trabadjus efizientis di Kristu Intimu.

Klaramenti, kes “eu” kauzas ta kustuma ten konplisidadis spantozamenti difísil.

Izenplu: Un studanti izoterista pode ser inganadu pa se instrutor y na sigénsia tal neófito ta torna-se sétiku. Na kazu konkretu li, “eu” kauza ki ta orijina tal erru, só ta pode dizintegra-se através di supremu lamentason íntimu y ku negosiasaun izotériku mutu spesial.

Kristu íntimu drentu di nos mésmu ta trabadja intensivamenti iliminandu na bazi di trabadjus konsienti y sufrimentus voluntárius tudu kes kauzas sekretus di nos erus.

Sinhor di perfeisons debe vive na nos profundidades íntimus tudu drama kósmiku.

Un ta asombra óra ki ta kontempla na mundu kausal tudu torturas pa ki Sinhor di Perfeisons ta pasa.

Na mundu kausal Kristu sekretu ta pasa pa tudu amarguras indizível di se Via krusis.

Indubitavelmenti Pilatos ta lava mon y ta djistifika ma na fin ta kondena adorável na morti di krus.

Ta rezulta straordináriu pa inisiadu vidente subida na Kalváriu.

Indubitavelmenti konsiénsia solar integradu ku Kristu Intimu, krusifikadu na krus majestoza di kalváriu, ta pronunsia frazis terível ki pa seres umanus ka ten manera di konprende.

Frazis final (Pai nhô na bu mon mi ta inkumenda nha spiritu), ta siguidu di raius y tronus y grandi kataklismus.

Posteriurmenti Kristu íntimu dipôs di dizkravason ta dipozitadu na se Santu Sepulkru.

Através di morti Kristu íntimu ta mata pa morti. Mutu más tardi na ténpu Kristu íntimu debe risusita na nos.

Inkustionavelmenti risureson Krístiku ta ben transforma-nu radikalmenti.

Kualker Mestre Risusitadu ta posui podéris straordinárius sobri fogu, ar, águas y tera.

Indubitavelmenti kes Mestres Risusitadus ta adquiri inmortalidadi, ka só psikolójiku ma tanbê korporal.

Jizus El Gran Kabir inda ta vive ku mésmu korpu fiziku ki el teneba na tera Santa; El Konde San Germán ki ta transmutaba chonbu na oru y ta fazeba diamantis di más bon kualidadi durante seklus XV, XVI, XVII, XVIII, etc., inda ta vive tanbê.

El enigmátiku y poderózu Konde Cagliostro ki mutu ta asombraba Europa ku se podéris durante seklus XVI, XVII y XVIII é un Mestre Risusitadu y inda ta konserva se mésmu korpu fiziku.