Meditason

Na vida, único k importa é mudansa radikal, total i definitivu; kel más é frankamenti ka ten nem un inportánsia.

Meditason ta resultadu fundamental óras ki nu kre dja sinseramenti kel mudansa la.

Di ninhun manera nu ka ta deseja meditason intrisindenti, sipirfisial i vanu.

Nu meste torna sériu i dexa pa un banda txeu tolisi ki ten pa li na siudoizoterizmu i siudo-okultizmu baratu.

Ten ki sabe ser sériu, ten ki sabe muda si é ki na rialidadi nu ka kre fadjadu na trabadju izotériku.

Ken ki ka sabe medita, kel sipirfisial, kel intonsu, nunka ka pode disolve Ego; el ta ser sénpri un lenhu impotenti entri mar furiozu di vida.

Difetu diskubridu na terenu di vida prátiku, debe ser konprendidu profundamenti através di téknika di meditason.

Material didátiku pa meditason ta atxadu izatamenti na diferenti eventus ô sirkuénsia diáriu di vida prátiku, es é inkontrovértivel.

Gentis ta protesta sénpri kontra eventus dizagradável, nunka es ka ta sabe odja utilidadi di kel eventus la.

Nu en bes di proesta kontra sirkuénsia dizagradável, nu debe extrai di mesmu, através di meditason, elementus útil pa nu kresimentu anímiku.

Meditason di fundu sobri tal ô kel sirkuénsia agradável ô dizagradável, ta permiti-nu sinti na si mésmu sabor, rezultadu.

É nesesáriu faze un plena diferensiasion piskológiku entri kel ki é sabor trabadju i sabor vida.

En tudu kazu, pa sinti na si mésmu sabor trabadju, ta rizulta inveson total di atitudi ku ki normalmenti ta toma sirkuénsia di izisténsia.

Ningen ka pode gosta di sabor trabadju enkuantu ki el ta komete erru di identifiká ku diferenti eventus.

Sertamenti identifikason ta inpidi debidu apresiasion piskológiku di eventus.

Óras ki un ta identifiká ku tal ô kel akontesimentu, di ninhun manera el ka ta konsigi extrai di mesmu elementus útil pa auto-diskubrimentu i kresimentu interior di konsiénsia.

Trabajador Izoterista ki ta volta pa identifikason dipôs di perde guarda, ta volta pa sinti sabor vida en bes di sabor trabadju.

Es ta indika ma atitudi piskológiku invertidu antis, volta pa si stadu di identifikason.

Kualker sirkuénsia dizagradável debe ser rikonstruidu pa méiu di imajinason konsienti através di téknika di meditason.

Rikonstruson di kualker sena ta permiti-nu verifica pa si mésmu i en forma direta intervenson di vários eus partisipanti na mesmu.

Ezénplu: Un sena di julus amorozu; na el ta intervéni eus di raiba, julus i mésmu ódiu.

Konprende kada un di kes eus la, kada un di kes fatoris la, ta inplika di fetu profunda refleuson, konsentrason, meditason.

Markadu tendénsia pa kulpa otus é óbizi, óbstaklu pa konprenson di nos própius erus.

Dizgrasadameti ta rizulta tarefa txeu difísil distrui na nos tendénsia pa kulpa otus.

En nomi di verdadi nu ten ki fla ma nos é úniku kulpadu di diferenti sirkuénsia dizagradável di vida.

Diferenti eventus agradável ô dizagradável ta izisti ku nos ô sen nos i ta repiti mekanikamenti en forma kontínuu.

Partindo di es prinsípiu, ninhun prubléma ka pode ten un soluson final.

Prublémas é di vida i si tiñaba un soluson final vida ka ta ser vida ma mórti.

Enton pode ten mudifikason di sirkuénsia i di prublémas, mas nunka es ka ta dexa di repiti i jamás es ka ta ten un soluson final.

Vida é un roda ki ta jira mekanikamenti ku tudu sirkuénsia agradável i dizagradável, sénpri rikurrenti.

Nu ka pode para roda, sirkuénsia bons ô maus ta prosesa sénpri mekanikamenti, únikamenti nu pode kunbia nos atitudi anti eventus di vida.

Konformi ki nos ta prende pa extrai material pa meditason di entri mésmu sirkuénsia di izisténsia, nu ta bai auto-diskubri.

Na kualker sirkuénsia agradável ô dizagradável ta izisti diferenti eus ki debe ser konprendidu integralmenti ku téknika di meditason.

Es ta signifika ma kualker grupu di eus ki ta intervéni na tal ô kel drama, komédia ô trajédia di vida prátiku, dipôs di ser konprendidu integralmenti debe ser eliminadu através di poder di Divina Madri Kundalini.

A medida ki nu ta faze uzu di sentidu di observason piskológiku, kel últimu ta bai tanbê ta dzenvolve maravilhozamenti. Enton nu ta pode persebe interiormenti ka sô eus antis di ser trabadjadu, ma tanbê durante tudu trabadju.

Óras ki kes eus la é dikapitadu i dizintegradu, nu ta sinti un grandi alíviu, un grandi dita.