Akuzason di Sí Mezmu

Lisénsia ki kada un di nós ta leba na se interior ta ben di riba, di Sêu, di strelas… Sen dúvida, Kel lisénsia maravilhozu ta ben di nóta “LÁ” (Via Láctea, Galáxia undi nu ta mora).

Kel lisénsia prisiozu ta pasa pa nóta “SOL” (Sol) y dipôs pa nóta “FÁ” (Zona Planitária) ta entra na es mundu y ta pinitra na nos própiu interior. Nos pais ta kria korpu adekuadu pa risébi kel lisénsia ki ta ben di strelas…

Trabadjando ku força na nos kabésa y sakrifikando pa nos prósimu, nu ta volta vitoriosu pa fundu di Urânia… Nu sta vivendu na es mundu pa un motivu, pa algun kuza, pa algun fator spesial…

Óbviu ki na nos ten txeu kuza ki nu debe odja, studa y intendi, si na verdadi nu ten gana di sabe algun kuza sobri nos kabésa, sobri nos própiu vida… Trájiku é izisténsia di kel ki ta more sen konxe motivu di se vida…

Kada un di nós debe diskubri pa se própiu konta sentidu di se própiu vida, kel ki ta mantê-l prizioneiru na prisão di dor… Evidénti ki ten na kada un di nós algun kuza ki ta amarga nos vida y kontra kel ki nu meste luta firme… Ka é indispensável ki nu kontinua na disgrasa, é impostergável riduzi pa pó kózmiku kel ki ta faze-nu tan débil y infeliz.

Ka ta sirbi pa nada nu ta inkrede ku títulos, onras, diplomas, dinheru, vanu rasionalismu subjetivu, virtudes konxedu, etc., etc., etc. Nu ka debe skese nunka ki ipokrizia y bobajadas di falsa personalidade, ta faze di nos algen burru, antigadu, atrasadu, reasionáriu, inkapaz pa odja kel novu…

Morte ten txeu signifíkadu tantu pozitivu komu negativu. Nu konsidera kel observason magnífiku di “Gran Kabir Jizus Kristu”: “Kuma mortus entéra ses mortus”. Txeu algen mésmu ta vive, na fé ta more pa tudu trabadju posível sobri ses kabésa y pa es, pa kualker transformason íntima.

É pesoa engarrafadu na ses dogmas y krensas; algen petrifikadu na lembransas di txeu ontin; individu txêu di prekonseitus ansestrais; pesoa skravu di kel ki algen ta fla, spantozamenti múrnu, indiferenti, as vezes “sabidu” konvensidu di sta na verdadi pamodi ses ta fla-l asina, etc., etc., etc.

Kel algen ka kre intendi ki es mundu é un “Jinasu Psikolójiku” ki através di kel ta ser posível anikila kel feiura sikretu ki tudu nu ta leba dentru… Si kel pobri algen intendeba situason tan lamentável ki es ta atxa, es ta trimidiba di oror…

Má, kel tipu di pesoa ta pensa ótimu di ses kabésa; es ta gaba di ses virtudes, es ta sinti perfetu, bondozu, servisiál, nobre, karidózu, intelijenti, kumpridór di ses deveres, etc. Vida prátiku komu skóla é furmidável, má toma-l komu un fin na se mésmu, é manifestamenti absurdu.

Kes ki ta toma vida na se mésmu, tal komu es ta vive diariamente, ka intende nisisidadi di trabadja sobri ses kabésa pa atinji un “Transformason Radikal”. Disgrasadaménti algen ta vive mekanikamenti, nunka es obi fla algun kuza sobri trabadju interior…

Mudja é nisisáriu, má algen ka sabe modi ki ta mudja; es ta sofre txeu y nem ka sabe pamodi ki es ta sofre… Ten dinheru ka é tudu. Vida di txeu pesoa riku ta ser na verdadi trájiku…