Kriaturas Mikánikas

Di ninhun manera nu pode nega Lei di Rekurénsia ta prosesa na kada momentu di nos vida.

Sertamenti na kada dia di nos izisténsia, ten ripitison di iventus, stadu di konsiénsia, palavra, dizéjus, pensamentus, vontadis, etc.

É óbviu ma kantu un ka ta auto-observa, el ka pode da kanta di es ripitison insesanti di kada dia.

Ta rezulta evidenti ma ken ki ka ta sinti ninhun interesi pa observa si mésmu, tanbê ka ta dizéja trabadja pa alkansa un verdaderu tranformason radikal.

Pa kaba ku tudu, ten gentis ki kre tranforma sen trabadja sobri si mésmu.

Nu ka ta nega fetu di ma kada un ten direitu a rial felisidadi di spiritu, mas tanbê é sertu, ma felisidadi ta serba un kusa más ki imposível si nu ka trabadja sobri nos mésmu.

Un pode muda intimamenti, kantu ki di verdadi el ta konsigi modifika si risons antis di diversus fêtus ki ta sukedi-l na kada dia.

Entanti nu ka pode modifika nos manera di riaji antis di fêtus di vida prátiku, si nu ka trabadja sêriu sobri nos mésmu.

Nu meste muda nos manera di pensa, ser ménus niglijenti, bolta más sêriu i toma vida na forma diferenti, na si sentidu rial i prátiku.

Entanti, si nu kontinua asim tal kumu nu sta, ta konporta na mésmu forma tudu dia, ta ripiti mésmu erus, ku mésmu niglijénsia di senpri, kualker pusibilidad di kanba ta fika di fetu aliminadu.

Si un di verdadi kre txiga konxe si mésmu, el meste kumesa pa observa si própi konduta, antis di susesus di kualker dia di vida.

Nu ka kre fla ku es ki ka debe un observa si mésmu diáriamenti, nu kre afirma so ma debe kumesa pa observa un priméru dia.

Na tudu debe ten un kumesu, i kumesa pa observa nos konduta na kualker dia di nos vida, é un bon kumesu.

Observa nos risons mékaniku antis di tudu kes pikininu detalhi di alkoba, lar, kumedor, kaza, rua, trabadju, etc., etc., etc., kel ki un ta fla, ta sinti i ta pensa, é sertamenti kel más indikadu.

Kel inportanti é odja dipôs kumu ô di ki manera pode un kanba kes risons; entanti, si nu kridita ma nu é bon pêssoa, ki nunka nu ta konporta na forma inkonsienti i inkirídu, nunka nu ta kanba.

Antis di tudu nu meste konprindi ma nu é pêssoa-makina, sinplis marionetis kontroladu pa ajentis sigretu, pa Yôs okultu.

Dentru di nos pêssoa ta mora monti di pêssoa, nunka nu é idêntiku; as vezes ta manifista na nos un pêssoa mizkinhu, otus vezes un pêssoa irritábel, na kualker otu instanti un pêssoa spléndida, binevolenti, más tardi un pêssoa skandalozu ô kaluniador, dipôs un santu, dipôs un inbusteiro, etc.

Nu ten genti di tudu klas dentru di kada un di nos, Yôs di tudu spési. Nos pêssoalidad ka é más ki un marioneti, un boneka parlanti, un kusa mékaniku.

Nu kumesa pa konporta konsientimenti durante un pikininu parti di dia; nu meste dexa di ser sinplis makina mesmu ki durante pa brévis minutus diáriu, es ta influensia disizivamenti sobri nos izisténsia.

Kantu nu Auto-Observa i nu ka ta faze kel ki tal ô kual Yó kre, é klaru ma nu ta kumesa pa dexa di ser makinas.

Un so momentu, na ki sta bastanti konsienti, kumu pa dexa di ser makina, si faze voluntariamenti, ta kustuma modifika radikalmenti monti di sirkunstánsia dizagradavel.

Dizgrasadaminti nu ta vive diáriamenti un vida mekanıstiku, rutinária, absurd. Nu ta ripiti susesus, nos hábitus é kes mésmu, nunka nu krê modifika-s, é kel karil mékaniku undi ki trén di nos miziravel izisténsia ta sirkuleta, entanti, nu ta pensa di nos kel más midjor…

Pa undi ki krê ki abunda kes “MITÓMANUS”, kes ki ta kridita Deus; kriaturas mékaniku, rutináriu, pirsunajis di lodu di téra, mizerus bonekus movidu pa diversus Yôs; gentis asim ka ta trabadja sobri si mésmu…