Sentru di Gravidadi Permanenti

Naun tendu un individualidadi verdaderu, é impossível ki ten continuidade di propósitus.

Si ka ten indivíduu psikulójiku, si na kada un di nos ta vive txeu pessoa, si ka ten sujeitu risponsável, ta ser absurdu exiji di algén continuidade di propósitus.

Nu sabe ben ki dentu di un pessoa ta vive txeu pessoa, enton sentidu plenu di risponsabilidad ka ta existi rialmenti na nos.

Kel ki un Eu determinadu ta afirma na un momentu dadu, ka pode ten ninhun seriedadi, pamodi faktu konkretu ki kualkér otu Eu pode afirma exatamente kel kontrariu na kualkér otu momentu.

Kel grav di tudu es, é ki txeu jinti ta kre ten sentidu di risponsabilidad moral y ta auto-enganá ta afirma ma es ta ser senpri es mésmu.

Ten pessoa ki na kualkér momentu di ses existência ta ben pa studus Gnóstiku, ta resplandesê ku forsa di anseiu, ta entusiasmá ku trabadju izotériku y até ta djurá konsagrá totalidadi di ses existência pa kes kestion.

Inkushtionavelmente tudu irmon di nos movimentu ta atxá admiradu ku un entusiasta asi.

Un ka pode minos ki sinti un alegria grandi óra ki nu ta obi pessoa di es klas, tan devotu y definitivamenti sinseru.

Má idíliu ka ta dura txeu ténpu, kualkér dia, pamodi talu kual motivu justu ô injustu, sinplis ô konplikadu, pessoa ta retirá di Gnosis, enton ta bandona trabadju y pa endireitá kel intróitu, ô ta tenta djusifiká si mésmu, ta afilia a kualkér otu organizason místika y ta pensa ma gósi el ta bai midjor.

Tudu es ba y ben, tudu es mudansa insesanti di skola, setu, relijion, ta debe a multiplisidad di Eus ki na nos interior ta luta entre si pa ses própi supremasia.

Kuma ki kada Eu ten ses própi kritériu, ses própi munti, ses própi ideia, é apénas normal es mudansa di parése, es mariposeá konstanti di organizason, di ideal na ideal, etc.

Sujeitu en si, é ka más ki un mákina ki tanpósti ta sirbi di veíkulu pa un Eu kuma pa otu.

Alguns Eus místiku ta auto-enganá, dipôs ki es bandona tal ô kual setu, es ta rizolve kria ma es é Deus, ta brilhá kuma lus fatua y pur últimu es ta dizaparisi.

Ten pessoa ki pur un momentu es ta asoma pa trabadju izotériku y dipôs na kel instantu ki otu Eu ta intervín, es ta bandona definitivamenti kes studu y es ta dexa tragá pa vida.

Obviamente si un ka luta kontra vida, es ta devora el y é raros kes aspiranti ki di verdadi ka ta dexa tragá pa vida.

Existindu dentu di nos un multiplisidad di Eus, sentru di gravidade permanenti ka pode existi.

É apénas normal ki nem tudu sujeitu ta auto-rializá intimamenti. Nu sabe ben ki auto-rializason íntima di ser ta exiji continuidade di propósitus y kuma ki é mutu difísil atxa algén ki ten un sentru di gravidade permanenti, enton ka é stranhadu ki ser mutu raru pessoa ki ta txiga na auto-rializason interior profundu.

Kel normal é ki algén ta entusiasmá pur trabadju izotériku y ki dipôs el ta bandona el; kel stranhadu é ki algén ka ta bandona trabadju y ta txiga na meta.

Sertamenti y en nómi di verdadi, nu ta afirma ki Sol sta ta faze un spiriénsia di laboratóriu mutu konplikadu y terivelmenti difísil.

Dentu di animal intelektual ivukadamente txomadu ómi, ten jermens ki konvinientimenti dizenvolvido pode bira omi solar.

Má ka sta di más aklará ki ka é sigur ki kes jermen ta dizenvolve, kel normal é ki es ta denerá y es ta perde lamentavelmente.

En tudu kazu kes sitadu jermen ki ten ki bira nos omi solar, es ta meste di un anbienti adekuadu, pamodi nu sabe ben ki sementi, na un meiu ésteril ka ta germina, es ta perde.

Pa ki sementi rial di ómi dipósitu na nos glándulas seksuais, pode germina, ta meste continuidade di propósitus y korpu fíziku normal.

Si kes sientífiku kontinua ta faze ensaius ku kes glándulas di sikrison interna, kualkér pusibilidad di dizenvolvimentu di kes minsionadu jermen, pode perde.

Apesar ki ta parse inkrivél, kes formiga pasa dja pa un prusesu similar, na un pasadu remotu arkaiku di nos planeta Terra.

Un ta txina di asombru óra ki ta kuntinpla perfeison di un palásiu di formiga. Ka ten dúvida ki orden stabelesidu na kualkér formigeru é furmidável.

Kes Inisiadu ki dja diskorda konsiénsia, es ta sabe pur spiriénsia mística direta, ki kes formiga na ténpus ki nem remotamenti kes istoriador más grandi di mundu ta suspeita, es foi un rasa umana ki kria un sivilizason sosialista poderosíssima.

Enton es elimina kes ditador di kel família, kes divérsus setu relijiozu y kel libru albedriu, pamodi tudu kel ta tira ses poder y es ta meste ser totalitáriu na sentidu más konpletu di palavra.

Na kes kondison, eliminadu inisiativa individual y direitu relijiozu, animal intelektual prusipitá pa kaninhu di involuson y denerason.

A tudu kel ki nu fla antis, es djunta kes spiriénsia siéntífiku; transplanti di órgaun, glándula, ensaius ku ormóniu, etc., etc., etc., ki ses rezultadu foi enpekinisimentu gradual y alterason morfolójika di kes organizmu umanu até bira, pur últimu, kes formiga ki nu konxe.

Tudu kel sivilizason, tudu kes movimentu rilasionadu ku orden sosial stabelesidu bira mekániku y es eredadu di pai pa fidju; gósi un ta txina di sombru óra ki ta odja un formigeru, má nu ka pode minos ki lamentá ses falta di intelijénsia.

Si nu ka trabadja sobri si mésmu, nu ta involusioná y nu ta denerá ispantozamenti.

Spiriénsia ki Sol sta ta faze na laboratóriu di natureza, sertamenti além di ser difísil, el dja da mutu poku rezultadu.

Kria omi solar so é pusível óra ki ten verdaderu kuoperason na kada un di nos.

Ka é pusível kriason di omi solar si nu ka stabelese antis un sentru di gravidade permanenti na nos interior.

Kuma ki nu pode ten continuidade di propósitus si nu ka stabelese na nos psikis sentru di gravidade?

Kualkér rasa kriadu pur Sol, sertamenti ka ten otu objetivu na natureza, ki serbi pa kes interesi di es kriason y pa spiriénsia solar.

Si Sol frakasa na ses spiriénsia, el ta perde tudu enterese pur un rasa asi y es di faitu ta fika kundenadu pa destruison y pa involuson.

Kada un di kes rasa ki dja existi sobri faz di Terra dja sirbi pa spiriénsia solar. Di kada rasa el logra Sol alguns triunfu, ta kole ta grupu pikinoti di omi solar.

Óra ki un rasa dja da ses frutus, el ta dizaparisi na forma progresiva ô ta morre violentamenti através di grandes katástrofis.

Kriason di omi solar é pusível óra ki un luta pa independizá di kes forsa lunar. Ka ten dúvida ki tudu kes Eu ki nu ta leba na nos psikis, é di tipu esklusivamenti lunar.

Na ninhun modu ta ser impossível liberta di forsa lunar si nu ka stabelese préviamenti na nos un sentru di gravidade permanenti.

Kuma ki nu pode disolve totalidadi di Eu pluralizadu si nu ka ten continuidade di propósitus? Di ki manera nu pode ten continuidade di propósitus sen nu stabelese préviamenti na nos psikis un sentru di gravidade permanenti?

Kuma ki raza atual en bes di independizá di influénsia lunar, el perde tudu enterese pur intelijénsia solar, inkushtionavelmente el kundená si mésmu pa involuson y denerason.

Ka é pusível ki ómi verdaderu surji através di mekánika evolutiva. Nu sabe ben ki evoluson y se irmon jumeu involuson, é tan so dus lei ki ta konstitui eixo mekániku di tudu natureza. Nu ta evoluía até sertu pontu perfetamenti definidu y dipôs ta ben prusesu involutivu; a tudu subida ta susede un baxada y visiversa.

Nos é esklusivamenti mákina kontroladu pur distintu Eus. Nu ta sirbi pa ikunumia di natureza, nu ka ten un individualidadi definidu kuma ta suponé ivukadamente txeu seudo-izoterista y seudo-okultista.

Nu meste muda ku urgénsia máxima pa ki kes jermen di ómi da ses frutus.

So trabadjandu sobri si mésmu ku verdaderu continuidade di propósitus y sentidu konpletu di risponsabilidade moral, nu pode bira omi solar. Es ta inplika konsagrá totalidadi di nos existência pa trabadju izotériku sobri si mésmu.

Kes ki ten spéransa na txiga na stadu solar através di mekánika di evoluson, es ta enganá si mésmu y es ta kundená di faitu pa denerason involutiva.

Na trabadju izotériku nu ka pode da lus di versatilidadi; kes ki ten ideia veleeta, kes ki oji ta trabadja sobri ses psikis y manhan es ta dexa tragá pa vida, kes ki ta busca evasiva, djusifikason, pa bandona trabadju izotériku, es ta denerá y es ta involusioná.

Alguns ta aplasa él éru, es ta dexa tudu pa un manhan, enkuantu ki es ta midjora ses situason ikunómika, sen ten en konta ki spiriénsia solar é algun mutu distintu a ses kritériu pesoal y a ses konxedu prdjétu.

Ka é tan fásil bira omi solar óra ki nu ta karga Lua na nos interior, (Egu é lunar).

Terra ten dus Lua; sigundu di es é txomadu Lilith y es atxa un poku más distanti ki lua branku.

Kes astronumu kustuma odja Lilith kuma un lentilha, pamodi es é di mutu poku tamanhu. Kela é Lua pretu.

Kes forsa más sinistru di Egu ta txiga na Terra di Lilith y ta produzi rezultadu psikolójiku infumanu y bestial.

Kes krimi di imprensa Vermelhu, asasinatus más montruozu di istória, kes delitu más insuspeitadu, etc., etc., etc., ta debe a kes onda vibratória di Lilith.

Influénsia lunar dobi ripresentadu na ser umanu através di Egu ki el ta karga na ses interior ta faze di nos un verdaderu frakasu.

Si nu ka odja urgénsia di intruga totalidadi di nos existência pa trabadju sobri si mésmu ku propósitu di liberta di forsa lunar dobi, nu ta kaba tragadu pur Lua, ta involusioná, ta denerá kada bés más y más dentu di sertu stadu ki nu pode kualifiká di inkonsienti y infra-inkonsienti.

Kel grav di tudu es, é ki nu ka pose verdaderu individualidadi, si nu tivéssi un sentru di gravidade permanenti nu ta trabadjaba di verdadi seriamenti até logra stadu solar.

Ten txeu diskulpa na es kestion, ten txeu evasiva, ta existi txeu atrason fasinanti, ki di faitu ta kustuma faze kuazi impossível konprindi pur tal motivu, urgénsia di trabadju izotériku.

Má kel margén pikinoti ki nu ten di libru albedriu y Insinason Gnóstiku orientadu pa trabadju prátiku, pode sirbi di bazamenti pa nos nóbri propósitus rilasionadu ku spiriénsia solar.

Menti veleeta ka ta ntende kel ki nu sta ta fla aki, el ta lé es kapítulu y pustiriorminti el ta skese el; ta ben dipôs otu livru y otu, y na final nu ta konklui afilianu a kualkér instituson ki ta vende nos pasaporti pa céu, ki ta papia ku nos na forma más otimista, ki ta asegura nos kumodidadi na más alá.

Asi ki jinti é, merus marjoneti kontroladu pur fios invizível, boneku mekániku ku ideia veleeta y sen continuidade di propósitus.