Stadu Interior

Konbiná stadu interior ku akontesimentus di fora na forma kuretu é sabe vive inteligentimenti… Kualker eventu vivensiadu inteligentimenti ta exigi se stadu interior spésifiku korispondenti…

Má, infelizmente, pessoas, kuandu es ta revé ses vida, es ta pensa ma kel-li en si mésmu é konstituídu só pa eventus di fora… Pobre pessoas! es ta pensa ma si tal ô kel akontesimentu nun ka tinha kontise-s, ses vida ta tinha sédu midjór…

Es ta suponi ma sorti sai es na kontu i ma es perde oportunidadi di ser filís… Es ta lamenta kel ki perde, es ta txora kel ki es dispreza, es ta jimi ta lenbra di velhus trosu i kalamidadis…

Pessoas ka kre da konta ma vegeta ka é vive i ma kapasidadi pa izisti konsxientimenti ta dipendi só di kualidadi di stadus interior di Alma… Ka ta importa sertamenti kuantu bunitus ki akontesimentus di fora di vida é, si nu ka atxa na kel mumentus na stadu interior propiadu, midjór eventus pode parse-nu monótonu, kansera ô simplimenti aburise…

Algén ta spera ku ansiedadi festa di kazamentu, é un akontesimentu, má pode kontise ma el staba txeu prisionadu na mumentu serto di eventu, ki realmenti el ka gosta di ninhun delisi i ki tudu kel-li torna txeu árido i friu suma un protokolu…

Esperiensia dja inxina-nu ma ka é tudu pessoas ki ta bai un banketi ô un baili, ta goza di verdadi… Nunka ka ta falta un aburidu na midjór di festejus i pesas más delisiozus ta alegra uns i ta faze otus txora…

Txeu raru ki pessoas sabe konbina konfidensialmenti eventu di fora ku stadu di dentru propiadu… É lamentável ki pessoas ka sabe vive konsxientimenti: es ta txora kuandu es debe ri i es ta ri kuandu es debe txora…

Kontrolu é diferenti: Sábio pode sta alegri má nunka más xeiu di lokura frenética; tristi má nunka desesperadu i abotidu… serenu na mêiu di violénsia; abstenio na orgia; kastu na luxúria, etc.

Pessoas melankóliku i pesimista ta pensa di vida kel más más i frankamenti es ka ta deseja vive… Tudu dia nu ta odja pessoas ki ka é só infelís, má alen di kel — i kel ki é pior — es ta faze tanbê amargu vida di otus…

Pessoas asina ka ta muda ni ta vive diáriu di festa pa festa; duénsa psikolójiku es ta leba-l na ses interior… kel pessoas-li es ten stadu íntimus definitivu perversu…

Sin embargo, kes sujeitu-li es ta auto-kalifika suma justu, santu, virtuosu, nobre, servisal, mártir, etc., etc., etc. É pessoas ki ta auto-konsidera más ki debe; pessoas ki ta kre txeu ses mésmu…

Indivíduus ki ta apiada txeu di ses mésmu i ki sénpri ta buska skapatória pa eludi ses própiu responsabilidadi… Pessoas asina sta kustumadu ku emosions inferioris i é ostensível ki pa tal motivu es ta kria diáriu elementus psíkikus infrahumanu.

Eventus dizagradávels, reves di sorti, mizéria, dívidas, problemas, etc., é esklusividadi di kel pessoas ki ka sabe vive… Kualker un pode forma un riku kultura intelektual, má é txeu poku pessoas ki inxina vive retamenti…

Kuandu un kré separa eventus di fora di stadus interior di konsiénsia, el ta dimustra konkretamenti se inkapasidadi pa izisti dignamenti. Ken ki inxina konbina konsxientimenti eventus di fora i stadus interior, ta marcha pa kaminhu di suksesu…