Livru di Vida

Un psoa é kel ki se vida é. Kel ki ta kontinua más allá di morti, é vida. Es é signifkadu di livru di vida ki ta abri ku morti.

Ta odja es kestaun li di un pontu di vista puramenti pskulójiku, un dia kualker di nos vida, é rialmenti un réplika pikinoti di totalidadi di vida.

Di tudu es, nu pode infiri kel-li: Si un ómi ka trabadja riba se kabésa oji, el ka ta muda nunka.

Kantu ta afirma ma el kre trabadja riba se kabésa, y el ka ta trabadja oji ta dexa pa manhan, tal afirmason ta ser un sinplis proyétu y nada más, purki na el oji ten réplika di tudu nos vida.

Ezisti pa li un ditadu vulgar ki ta fla: “Ka dexa pa manhan kel ki bu pode faze oji mésmu”.

Si un ómi fla: “N ta trabadja riba mi mésmu, manhan”, el ka ta trabadja nunka riba se kabésa, purki senpri ta ten un manhan.

Es é mutu sinilar a sertu avizu, anunsiu ô létra ki alguns kumersianti ta pone na ses lojas: “OJI KA N FIA, MANHAN SIN”.

Kantu algun ki mesti txiga pa pidi kréditu, el ta txoka ku kel terível avizu, y si el volta otu dia, el ta atxa otu bês kel anunsiu ô létra dizgraciadu.

Es é kel ki ta txoma na sikulojia “duénsa di manhan”. Enkuantu un ómi fla “manhan”, el ka ta muda nunka.

Nu meste ku urjénsia másimu, ki ka pode adia, trabadja riba nos mésmu oji, ka sunha pregisozamenti na un futuru ô na un oportunidadi straurdináriu.

Kes ki ta fla: “N ta bai faze es ô kel-li antis y dipôs n ta trabadja”. Nunka es ka ta trabadja riba ses kabésa, es é moradoris di tera mensionadu na Sagradas Escrituras.

N konxe un teratenenti puderozu ki ta fla: “N meste purmeru ranxaba y dipôs n ta trabadja riba Mi Mésmu”.

Kantu el duense di morti n vizita-l, ton n faze-l kel pergunta li: “Inda bu kre ranxaba?”

“N ta lamenta di verdadi ma n perde ténpu”, el responde-m. Dias dipôs el móre, dipôs di el rikonhese se erru.

Kel ómi tinha mutu tera, más el kría toma konta di propriedade vizinhu, “ranxaba”, pa ki se fazenda fika lizéru limitadu pa kuatu stradas.

“Basta a kada dia se afan!”, fla Gran KABIR JESÚS. Auto-obzerva nos mésmu oji mésmu, na kel ki toka ku dia senpri rikorrenti, miniatura di nos vida interu.

Kantu un ómi ta kumesa ta trabadja riba se kabésa, oji mésmu kantu el ta obzerva se dizgustu y penas, el ta marsa pa kaninhu di susésu.

Ka ta seré posível elimina kel ki nu ka konxe. Nu debe obzerva antis nos própiu erros.

Nu meste ka só konxe nos dia, más tanbê relason, ku el mésmu. Ten sertu dia ordináriu ki kada psoa ta spirinsia diretamenti, éxetu susésus inusitadu, inuzitadu.

Ta da interés obzerva rikorénsia diáriu, ripetison di palavras y akuntisimentus, pa kada psoa, etc.

Kel ripetison ô rikorénsia di eventus y palavras, merese ser studadu, ta kondusí-nu pa auto-konximentu.