Pão Supersustancial

Si nu odja ku kurti tudu dia di nos vida, nu ta odja ma dja nu ka sabe vive konsxienti.

Nos vida ta parse un tren na marcha, ta move na trilhu fixu di kustume mekaniku, rijidu, di un izistensia vanu i superfisial.

Kuzé ki kuriozu na kes kasu la é ma nunka ka ta ben na nos kabesa pa modifika kustume, ta parse ma nu ka kansa di sta manda senpri mésmu kuza.

Kustume ten nu petrifikadu, mas nu ta pensa ma nu é libri; nu é feiu dimas mas nu ta kruze ma nu é Apolus…

Nu é jenti mekaniku, motibu mas ki sufisienti pa nu ka ten ninhun sintimentu verdaderu di kel ki nu sta ta faze na vida.

Nu ta move diariamente dentru di kel trilhu velhu di nos kustume antigu i absurdus i asina é klaru ma nu ka ten un vida verdaderu; en bes di vive, nu ta vegeta miseravelmente, i nu ka ta resebe inpreson novu.

Si un pessoa kumesa se dia konsxienti, é ostensivel ki kel dia la ta ser diferenti di kes otu dia.

Kandu un algen ta toma totalidadi di se vida, sima mésmu dia ki el sta ta vive, kandu el ka ta dexa pa manhan kel ki el debe faze oji mésmu, el ta txiga rialmenti na konxe kel ki signifika trabadja sobri si mésmu.

Nunka un dia ka ten inportansia; si na verdade nu kre transforma rikalmenti, nu debe odja nos kabesa, observa nos kabesa i konprende nos kabesa diariamente.

Sin embargo, jenti ka kre odja si mésmu, alguns ten vontadi di trabadja sobri si mésmu, ta djistifika se neglijensia ku fraze sima es ki ben: “Trabaju na ofisina ka ta permiti trabadja sobri si mésmu”. Palavra kes ki ka ten sentidu, tuku, vanu, absurdus, ki ta sirbi so pa djistifika indolensia, pregisa, falta di amor pa Gran Kauza.

Jenti asina, mésmu ki el ten txeu inkietason spritual, é obvio ki el ka ta muda nunka.

Observa nos kabesa é urjenti, inadiável, inpustergável. Auto-Observason íntimu é fundamental pa mudansa verdaderu.

Kual ki se stadu psikolójiku kantu bu ta lebanta? Kual ki se stadu di ánimu durante almosa? Bu staba inpazienti ku garson?, Ku mudjer? Pur ki bu staba inpazienti? Kuzé ki senpri ta trastiurna-u?, etc.

Fuma o kume menus ka é tudu mudansa, mas sim indika sertu avansu. Nu sabe ben ma bisiu i gluttonaria é dezumanu i bestial.

Ka sta bon ma un algen ki dedikadu na Kaminhu Sekretu, ten un korpu fiziku, izsesivamente gordu i ku un bariga abultadu i fora di tudu euritmia di perfeison. Kel la ta indika gluttonaria, gula i ate pregisa.

Vida kotidianu, profesion, inpregu, mésmu ki vital pa izistensia, ta konstitui sonhu di konsxiensia.

Sabe ma vida é sonhu ka signifika ten konprendidu. Konprendison ta ben ku auto-observason i trabadju intensu sobri si mésmu.

Pa trabadja sobri si, é indispensavel trabadja sobri se vida diariu, oji mésmu, i enton bu ta konprende kel ki signifika kel fraze di Orason di Sinhor: “Da nos Pan nos di kada dia”.

Fraze “Kada Dia”, signifika “Pan supersubstancial” na gregu o “Pan di Altura”.

Gnosis ta da kes Pan di Vida na dobi sentidu di ideia i forsa ki ta permiti nu dizintegra eror psikolójiku.

Kada vez ki nu ta riduzi pa pó kosmiku tal o kual ‘Jo”, nu ta ganha spiriansa psikolójiku, nu ta kume “Pan di Sabedoria”, nu ta resebe un konximentu novu.

Gnosis ta ofrese nos “Pan Supersustancial”, “Pan di Sabedoria”, i ta sinnala ku prizison vida novu ki ta kumesa na un mésmu, dentru di un mésmu, aki i agora.

Agora, ben, ninhun algen ka pode altera se vida o muda kualker kuza rilasionadu ku rison mekaniku di izistensia, a menus ki konta ku ajuda di ideia novu i resebe auxilio Divinal.

Gnosis ta da kes ideia novu i ta inxina “modus operandi” ki medianti kel ki pode un algen ser asisti pa Forsa Superior a mente.

Nu meste prepara sentru inferior di nos organizmu pa resebe ideia i forsa ki ta ben di sentru Superior.

Na trabadju sobri si mésmu ka izisti nada dispresivel. Kualker pensamentu pur insignifikanti ki seka, merese ser observadu. Kualker emoson negativu, rison, etc., debe ser observadu.