El Querido Ego

Komu superior ku inferior é dus seson di mésmu kuza, ka sta di más dize kel koroláriu li: “N MI SUPERIOR, N MI INFERIOR” é dus aspetu di mésmu Egu tenebrozu i pluralizadu.

Kel ki ta txomadu di “N DIVINU” ô “N SUPERIOR”, “ALTER EGU” ô un kuza di kel manera, é purtantu un tru ki “MI MÉSMU” ta faze, un manera di AUTO-INGANA. Kantu N ta kré kontinua li i na otu vida, N ta auto-ingana ku falsu konsetu di un N Divinu Imortal…

Ningen di nos ka ten un “N” verdaderu, permanenti, inutável, eternu, inefável, etc., etc., etc. Ningen di nos ka ten na verdade un Unidadi di Ser verdaderu i auténtiku; infelizmente, nen nu ten un individualidadi lejítimu.

Egu, mésmu ki el ta kontinua más além di sepultura, el ten, mé ki sim, un prinsípiu i un fin. Egu, N, nunka ka é un kuza individual, unitáriu, unitotal. Óbviamenti N é “NES”.

Na Tibet Oriental, “NES” ta txomadu di “AGREGADUS PSÍKIKUS” ô sinplismenti “Valoris”, sé es últimus li é pozitivu ô negativu. Si nu pensa na kada “N” komu un pessoa diferenti, nu pode afirma di forma enfátika kel ki ta ben: “Drentu di kada pessoa ki ta vive na mundu, ten txeu pessoa”.

Indiskutivelmenti drentu di kada un di nos ta vive txeu pessoa diferenti, alguns midjoris, otus piores… Kada un di kes Nes li, kada un di kes pessoa li ta luta pa supremasia, el kré ser eskluzivu, el ta kontrola kabésa ntilektual ô sentrus emosional i motor kantu el pode, enkuantu ki otu ta diskontal.

Dutrina di txeu Nes foi sinadu na Tibet Oriental pa kel ki é virdadi Klarividentis, pa kel ki é autêntiku Iluminadus… Kada un di nos difetus psikolójikus sta personifikadu na tal ô tal N. Komu ki nu ten mil i até milhon di difetus, ofisialmenti ta vive txeu jente na nos interior.

Na keston psikolójiku nu pode prova klaramenti ki sujeitus paranoiku, ególatra i mitómanu pa nada na vida es ka ta abandona kultu pa kel keridu Egu. Indiskutivelmenti kes jente li ta odja mortalmenti dutrina di txeu “Nes”.

Kantu un di verdade kré konxe se mésmu, el debe auto-observa i tenta konxe diferenti “Nes” ki sta metedu drentu di personalidadi. Si alguns di nos ledores inda ka konprende es dutrina di txeu “Nes” li, é sinplismenti pa falta di prátika na matéria di Auto-Observason.

A medida ki un ta prátika Auto-Observason Interior, un ta bai diskubri pa se mésmu txeu jente, txeu “Nes”, ki ta vive drentu di nos própiu personalidadi. Kes ki ta niga dutrina di txeu Nes, kes ki ta adora un N Divinu, indubitavelmenti nunka es ka Auto-Observa seriu. Fala es bês li na stilu Socrátiku nu ta dize ki kes jente li ka ta inora so, más inora ki es ta inora.

Sertamenti nunka nu pode konxe nos mésmu, sen auto-observason seriu i profundu. Enkuantu un sujeitu kualker sigui ta konsidera se komu Un, é klaru ki kualker mudansa interior ta ser más ki inposível.