Stadus Enganadu

Inkuestionavelmenti na izigénsia rijo di Nôs-Mésmu, é ta rezulta senpri inpustergável i sen prasu pa faze un diferensiason lójiku konpletu en relason ku akontesimentus di fora di vida prátiku i stadu íntimus di konsiénsia.

Nós meste ku urjénsia sabe undi ki nu sta situadu nun momentu dadu, tantu en relason ku stadu íntimu di konsiénsia komu na natureza spésifiku di akontesimentu di fora ki sta kontise ku nos. Vida en si mésmu é un série di akontesimentus ki ta prosea através di ténpu i di spasu…

Algen fla: “Vida é un kadéia di martírius ki ómi ta leba mariadu na Alma…” Kada un é mutu libri di pensa sima el kre; N’ ta kre ki a prazeris efímeru di un istanti fujás, ta susede senpri dizenkantu i amargura… Kada akontesimentu ten se sabor karakterístiku spesial i stadu interior é así mésmu di klasis diferenti; es é inkontrovértivel, irrefutável…

Sertamenti trabadju interior sobri si mésmu ta referi en forma enfátiku a diversus stadu psikolójiku di konsiénsia… Ningen pode nega ki na nos interior nu ta karrega ku txeu erus i ki ta izisti stadu inkoretu… Si di verdadi nu kre muda dretu, nu meste ku urjénsia másimu i sen prasu, modifika radikalmenti kes stadu inkoretu di konsiénsia…

Mudifikason absolutu di stadu inkoretu ta orijina transformasons konpletu na terrenu di vida prátiku… Kantu un ta trabadja seriu sobri stadu inkoretu, obviamenti susesus dizagradável di vida, ja ka pode mágua el fasi fasi…

Nu sta ta fla un kuza ki so é pusível konprende el ta vive el, ta sinti el dretu na terrenu mésmu di fetus… Ken ki ka ta trabadja sobri si mésmu é senpri vítima di sirkunstânsia; é sima léñu miserável entri águas tormentosu di oseanu…

Akontesimentus ta muda insesantementi na se múltiprus konbinasons; ta ben un trás di otu na oléadas, é influénsia… Sertamenti ta izisti bons i maus akontesimentus; alguns eventus ta ser midjór ô piór ki otus… Modifika sertus eventus é pusível; altera rezultadus, modifika situasons, etc., sta sertamenti dentru di númeru di pusibilidadis.

Empéri ta izisti situasons di fétu ki di verdadi ka pode ser alteradu; na kes últimus kazus meste aseita konsientementi, enbora alguns ta resulta mutu perigozu i até doroza… Inkuestionavelmenti dor ta dizaparese kantu nu ka ta identifika ku prublema ki aprizenta…

Nu debe konsidera vida komu un série susesivu di stadu interior; un stória auténtiku di nos vida en partikular sta formadu pa tudu kes stadu… Na rivisa totalidadi di nos própiu izisténsia, nu pode verifica pa nos mésmu en forma diretu, ki txeu situason dizagradável foi pusível grasa a stadu interior inkoretu…

Alejandru Magnus, enbora senpri el foi temperanti pa natureza, el entrega pa orgulhu a esesus ki produzi el morti… Fransisku I móri a kauza di un sukuj i abominável adulteriu, ki mutu bon istória ta lenbra inda… Kantu Marat foi asasinadu pa un mongi perversa, el ta móri di soberbia i di inveja, el ta kria si mésmu absolumenti justu…

Damas di Parki di Siervus inkuestionavelmenti kaba totalmenti vitalidadi di fornikáriu spantozu txomadu Luis XV. Txeu é gentis ki ta móri pa ambison, raiba ô selus, es Psicólogus sabe es mutu bon.

Enkantu nos vontadi ta konfirma irrevocávelmenti na un tendénsia absurdu, nu ta konverte na kandidatus pa panteon ô simitériu… Otelu dibidu a selus el konverte na asásinu i kadéia sta txinu di inkoretu sinseru…