Skada Maraviyoza

Nu ten ki deseja un mudansa verdaderu, sai di kel rutina xatu, di kel vida meramenti mecanicista, kansadu… Kuma primeru nu debe intende ku interu klaridadi é ki kada un di nos, se é burgues ô proletariu, kumudadu ô di klas midia, riku ô miseravel, ta atxa se na tal ô kel Nivel di Ser…

Nivel di Ser di bebedor é diferenti di kel di abstemiu i kel di prostituta mutu diferenti di kel di donzela. Kel ki nu sta ta fla é irrefutavel, inrebatível… Txigandu na es parti di nos kapitulu, nu ka ta perde nada ku imajina un skada ki ta stende di baxo pa riba, vertikalmenti i ku txeu degrau…

Inkuestionavelmenti na algun degrau di es nu ta atxa nos; degraus baxo ta ten gentis piores ki nos; degraus riba ta atxa pessoas midjores ki nos… Na es Vertikal extraordinariu, na es skada maravilhozu, é klaru ki nu pode atxa tudu Nivel di Ser… kada pessoa é diferenti i es ninhun pode refuta-l…

Indubitavelmenti nu ka sta ta papia gósi di karas feias ô bonitas, ni tanpoku é trata di kestaun di idadis. Ten gentis jovens i velhus, ansions ki dja sta pa more i mininus ki kabu di nase… A kestaun di tenpu i di anus; kel di nase, krexe, dizenvolve, kaza, riproduzi, envilhese i more, é esklusivu di Horizontal…

Na “Skada Maravilhozu”, na Vertikal kunseitu tenpu ka ta sirbi. Na degraus di tal skala so nu pode atxa “Nivel di Ser”… Speransa mecanicu di gentis ka ta sirbi pa nada; es ta kridita ki ku tenpu kuzas ta ser midjor; asi es ta pensa nos bisavós i avós; faktus dja ben mostra justamenti kel kontrariu…

“Nivel di Ser” é kel ki ta konta i es é Vertikal; nu ta atxa nos na un degrau mas nu pode subi pa otu degrau… “Skada Maravilhozu” di kel ki nu sta ta papia i ki ta riferi na diferenti “Nivel di Ser”, sertamenti, ka ten nada a ver ku tenpu linear… Un “Nivel di Ser” mas altu sta imediatamenti riba di nos di instanti en instanti…

Ka sta na ninhun futuru horizontal remotu, si ka aki i gósi; dentru di nos mesmus; na Vertikal… É ostensivel i kualker un pode intende, ki dos linhas — Horizontal i Vertikal — ta atxa se di momentu en momentu na nos interior Psicologicu i ta forma Kruz…

Personalidadi ta dizenvolve i dizenrola na linha Horizontal di Vida. Ta nase i ta more dentru di se tenpu linear; é perexivel; ka izisti ninhun manhan pa personalidadi di mortu; ka é Ser… Nivel di Ser; Ser mesmu, ka é di tenpu, ka ten nada a ver ku Linha Horizontal; ta atxa se dentru di nos mesmus. Agora, na Vertikal…

Ta rizilta manifestamenti absurdu buska nos propiu Ser fora di se mesmu… Ka sta di mas seta kuma korolariu kel siginti: Titulus, graus, asensus, etc., na mundu fisiku exterior, di ninhun modu ta orijina exaltason autentiku, riavalizason di Ser, pasu pa un degrau superior na “Nivel di Ser”…