La Esénsia

Kel ki ta faze un bebé bonitu i adorável é se Essência; es ta konsistui na si mésmu se verdadeiru realidade… O kriximentu normal di Essência na kada kriatura, sertamenti é mutu residual, insipienti…

Korpu humanu ta krixe i ta dizenvolve di akordu ku leis biolójiku di spésie, mé es posibilidadis ta rezulta pa si mésmu mutu limitadu pa Essência… Sin dúvida Essência só pode krixe pa si mésmu sen ajuda, nun grau mutu pikinoti…

Falando frankamenti i sen rodeius nu ta dize ma kriximentu spontâneu i natural di Essência, só é pusível durante primerus três, kuatu i sinku anu di idade, é dizê, na primeru etapa di vida… Pessoas ta pensa ma kriximentu i dizenvolvimentu di Essência ta realizadu sénpri di forma kontínuu, di akordu ku mekanika di evoluson, más Gnostisismu Universal ta inxina klaramenti ma es ka ta kontise asina…

Ku fin di ki Essência krixe más, algun kuza mutu spesial debe kontise, algun kuza nóvu ten ki realizadu. N krê referi di forma enfátiku pa trabadju sobri si mésmu. Dizenvovimentu di Essência uniku é pusível a bazi di trabadjus konsienti i sofrimentus voluntariu…

É nesesáriu konpreende ma es trabadjus ka ta referi pa keston di profison, bankus, karpintaria, albaneria, arranju di linha di feru ô asuntus di ofisi… Es trabadju é pa tudu pessoa ki dja dizenvolve personalidadi; ta trata di algun kuza Psikológiku…

Tudu nós nu sabe ma nu ten dentru di si mésmu kel ki ta txoma EGO, N MI, N MÉSMA, SI MÉSMA… Desgrasadamente Essência ta enkontra ingarafadu, intrapedadu, entre EGO i es é lamentável. Disolve N MI Psikológiku, dizintegra se elementus indizajável, é urjenti, inadiável, improrrogável… asina ki é sentidu di trabadju sobri si mésmu. Nunka nu pode libertadu Essência sen dizintegra previamente N MI Psikológiku…

Na Essência sta Relijon, BUDDHA, Sabedoria, partikula di dor di nos Pai ki sta na Sés i tudu dadus ki nu meste pa AUTO-REALIZASON ÍNTIMU DI SER. Ningen ka pode anikila N MI Psikológiku sen elimina previamente elementus dizumanu ki nu ta leba dentru…

Nu meste reduzi a sinzas krueza monstruozu di es ténpus: inveja ki dizgrasadamente dja ben konverte na molas sekretu di ason; ganánsia insuportável ki dja torna vida txeu amargu: maldisensia ki ta da noju; kalúnia ki txeu trajédia ta orijina; bebederas; luxúria imundu ki ta txora fedju; etc., etc., etc.

A medida ki tudu es abominason ta ba ta reduzi a poera cósmiku, Essência além di liberta, ta krixe i ta dizenvolve armoniosamenti… Sin dúvida kantu N MI Psikológiku dja móre, ta resplandesê na nós Essência…

Essência livre ta konfere-nu beleza íntimu; di tal beleza ta emana felisidadi perfeitu i verdaderu Amor… Essência ta posee múltiplu sentidus di perfeitason i straordinariu poderis naturais… Kantu “Nu Móri na Si Mésmu”, kantu nu disolve N MI Psikológiku, nu ta goza di presiozus sentidus i poderis di Essência…