Orason na Trabodju

Obiservason, Julgamentu y Izekuson, é kes três fator básiku di disuluson.

Priméru: ta obiserva. Sigundu: ta julga. Terséru: ta izekuta.

Na géra, ta obiserva spion antis; sigundu ta julga-s; terséru ta fuzila-s.

Na inter-rilason, ten diskubrimentu di kabésa y auto-rivelason. Kel ki ta rinunsia kunvivensia ku ses similhanti, ta rinunsia tanbê diskubrimentu di kabésa.

Kualkér insidenti di vida, pur más sinifikanti ki el parse, sen dúvida el ten komu kauza un atór íntimu na nos, un agregadu píkiku, un “Mi”.

Diskubrimentu di kabésa é pusível óras ki nu sta na stadu di alerta, risépson, alerta novidadi.

“Mi”, diskubridu in fraganti, debe ser obiservadu ku kuidadu na nos sirbéru, kurason y séksu.

Un Mi kualkér di luxuria pode ta manifesta na kurason komu amor, na sirbéru komu un Ideal, más óras ki nu po atenson na séksu, nu ta sinti un sertu isitason mórbidu inkonfundível.

Julgamentu di kualkér Mi debe ser difinitivu. Nu meste po-l na banku di akuzadu y julga-l sen piedadi.

Kualkér evaziva, justifikason, konsiderason, debe ser eliminadu, si na verdadi nu ker toma konsiénsia di “Mi” ki nu ta anhela tirba di nos psiki.

Izekuson é diferenti; ka ta ser pusível izekuta un “Mi” kualkér, sen ten obiserva-l y julga-l antis.

Orason na trabadju piskológiku é fundamental pa disuluson. Nu meste di un puder superior a ménte, si na rialimenti nu deseja dezintegra tal o kel “Mi”.

Ménte pur sí nunka ka pode ta dezintegra ninhun “Mi”, isu é iributável, irifutável.

Ora é papia ku Deus. Nu debe apela a Deus Mãi na nos Intimidadji, si na verdadi nu ker dezintegra “Mies”, kel ki ka ama ses Mãi, filu ingratu, ta fadjá na trabadju sobri sí mésmu.

Kada un di nos ten se Mãi Divina partikular, individual, el na sí mésmu é un parti di nos propiu Ser, más derivadu.

Tudu povu antigu adoraba “Deus Mãi” na más profundu di nos Ser. Prinsípiu femininu di Eternu é ISIS, MARÍA, TONANZIN, CIBELES, REA, ADONIA, INSOBERTA, etc., etc., etc.

Si na meramenti fíziku nu ten pai y mãi, na más fundu di nos Ser nu ten tanbê nos Pai ki sta na sukretu y nos Divina Mãi KUNDALINI.

Ten tantu Pais na Sêu kuantu ómi na téra. Deus Mãi na nos própiu intimidadji é aspétu femininu di nos Pai ki sta na sukretu.

EL y ELA é sertamenti kes dôs parti superior di nos Ser íntimu. Sen dúvida EL y ELA é nos mésmu Ser Rial más alá di “Mi” di Psikologia.

EL ta dizdobra na ELA y ta manda, ta djiriji, ta instrui. ELA ta elimina kes elimentu indesejável ki na nos interior nu ta léba, a kondison di un trabadju kontínuu sobri sí mésmu.

Óras ki nu more radicalmenti, óras ki tudu kes elimentu indesejável foron eliminadu dipôs di txeu trabadju konsienti y padezimentu volunteriu nu ta fundi y integra ku “PAI-MÃI”, enton nu ta ser Deus teriblimenti divinu, más alá di ben y di mal.

Nos Mãi Divina partikular, individual, através di ses puder flámigeru pode riduzi a poera kózmiku kualkér di kes txeu “Mies”, ki dja foi obiservadu y julgadu antis.

Di manera ninhun ka ta ser nisisáriu un fórmula spésífiku pa reza pa nos Mãi Divina interior. Nu debe ser mutu natural y simplis óras ki nu ta djiriji a ELA. Mininu ki ta djiriji a se mãi, nunka ka ten fórmulas spesial, ta fla kel ki sai di se kurason y isu é tudu.

Ninhun “Mi” ka ta dizolve instantaniamenti; nos Divina Mãi debe trabadja y té sufri mutu antis di konsigi un anikilason di kualkér “Mi”.

Bô volta introvértidu, bô djiriji bô orason pa déntru, bô buska déntru di bô interior bô Divina Sinhora y ku suplika sinseru bô pode papia ku el. Rogal dezintegra kel “Mi” ki bô dja obiserva y julga antis.

Sentidu di auto-obiservason íntima, konformi el ta bai disinvolvendu, ta permiti-bu verifica avansu progresivu di bô trabadju.

Konprension, disernimentu, é fundamental, mas, meste di algun más si na rialimenti nu ker dezintegra “MI MÉSMU”.

Ménte pode da se luxu di rotula kualkér difetu, pasa-l di un dipartamentu pa otu, izibi-l, skonde-l, más nunka ka pode altera-l fundamentalmenti.

Meste di un “puder spesial” superior a ménte, di un puder flámigeru kapás di riduzi a sénza kualkér difetu.

STELLA MARIS, nos Divina Mãi, ten kel puder li, pode pulviriza kualkér difetu piskolójiku.

Nos Mãi Divina, ta mora na nos intimidadji, más alá di korpu, di afetu y di ménte. El é pur sí mésmu un puder igneu superior a ménte.

Nos Mãi Kózmika partikular, individual, pose Sabeduria, Amor y Puder. Na el izisti absoluta purfeson.

Bon intenson y ripitison konstanti di kes mésmu, di nada ka ta sirbi, a nada ka ta konduzi.

Di nada ka ta sirbi ripití: “ka n ta ser luxuriozu”; kes Mies di lasívia di tudu manera ta kontinua ta izisti na fundu mésmu di nos psiki.

Di nada ka ta sirbi ripití diaria: “ka n ta ten más ira”. Kes “Mies” di ira ta kontinua ta izisti na nos fundus piskolójiku.

Di nada ka ta sirbi fla diaria: “ka n ta ser más gánansiozu”. Kes “Mies” di ganánsia ta kontinua ta izisti na kes divérsus trasfundu di nos psiki.

Di nada ka ta sirbi nu parta di mundu y nu tranka na un konventu o nu mora na algun kaberna; kes “Mies” déntru di nos ta kontinua ta izisti.

Algun anukoreta kabernariu a bazi di rigorozas disiplina txiga na ékstazi di santu y foi lébadu pa seus, undi ki el vis y obi kuzas ki pa seres umanu ka ta da pa kunprindi; mas, kes “Mies” kontinua ta izisti na ses interior.

Sen kestionamentu Esénsia pode skapa di “Mi” a bazi di rigorozas disiplina y goza di ékstazi, inpéru, dipôs di bis, ta torna pa interior di “Mi Mésmu”.

Kes ki kustuma ku ékstazi, sen ten dizolve “Egu”, ta krê ki dja alkinza libertason, ta auto-ngana ta kre si Mestr y té Ta Ingresa na Involuson sumerjidus.

Nunka nu ka ta pronunsia kontra arubamentu místiku, kontra ékstazi y felisidadi di Alma na ausénsia di EGU.

Nu krê so po énfaazi na nisisidadi di dizolve “Mies” pa konsigi libertason final.

Esénsia di kualkér anukoreta disiplinadu, kustumadu ta skapa di “Mi”, ta ripiti tal proeza dipôs di morti di korpu fíziku, ta goza pur un ténpu di ékstazi y dipôs ta volta komu Jéniu di lâmpada di Aladino pa interior di butélia, pa Egu, pa Mi Mésmu.

Enton ka ta fika-l más rimédiu ki torna pa un korpu fíziku nóbu, ku prupositu di ripiti se vida sobri tapeti di izisténsia.

Txeu místiku ki disinkarna na kes kaberna di Himalayas, na Ázia Sentral, gósi é pirsón vulgár, kunun y kurrenti na es mundu, apezár di ki ses siguidor inda ta adora-s y venera-s.

Kualkér intendu di libertason pur grandiozu ki es sta, si el ka ten na kónta nisisidadi di dizolve Egu, sta kondenadu a fadjansa.