La Vida

Na terrenu di vida prátiku, nu ta diskubri sempre kontraste ki ta spanta. Pessoas riku ku magnífiku rezidénsia y txeu amizade, as vezes ta sufri terrivelmente… Proletárius umildi di piku y pá ou pessoas di klase média, ta vive as vezes na felisidade konpletu.

Txeu arximilionárius ta sufri di inpoténsia seksual y matrona rika ta txora amargamenti infidelidadi di maridu… Rikus di tera ta parse abutre entre jaula di oru, pa es ténpus li es ka pode vive sen “guarda-kostas”… Omi di stadu ta aresta korrente, nunca es ka sta livre, es ta anda pa tudu lugar obriadu ku gente armadu te na denti…

Nu djobe es situason más kuidadu. Nu meste sabe kuzé ki é vida. Kada un sta livre pa opina kuma ki el kre… Fala kuzé ki es fala, sertamenti ningen ka sabe nada, vida ta rezultá un problema ki ningen ka ta ntende…

Kandu pessoas kre konta-nu di grasa stória di ses vida, es ta sita akontesimentu, nómi y apelidu, data, etc., y es ta sinti satisfason ku es ta faze ses relatu… Kel pessoas pobri la ta ignora ma ses relatu sta inkonpletu pamodi eventu, nómi y data, é so aspetu sterno di filmi, falta aspetu interno…

É urjenti konxe “stadu di konsiénsia”, kada eventu ta korresponde tal ou tal stadu animiku. Stadus é interior y eventus é sterno, akontesimentu sterno ka é tudu…

Ntende pa stadu interior bó ou más dispozison, preokupason, dipreson, superstison, temur, suspeita, mizirikórdia, auto-konsiderason, sobri-stimason di se mésmu; stadu di sinti filís, stadu di gódju, etc., etc., etc.

Inkustionalmenti stadu interior pode korresponde exatamente ku akontesimentu sterno ou ser orijinadu pa es, ou ka ten relason algun ku es mésmu… En tudu kazu, stadu y eventu é diferenti. Ka sempre susesu ta korresponde exatamente ku stadu afin.

Stadu interior di un eventu agradável pode ka korresponde ku el mésmu. Stadu interior di un eventu dizagradável pode ka korresponde ku el mésmu. Akontesimentus speradu durante txeu ténpu, kandu es ben nu ta sinti ma falta algun kuza…

Sertamenti falta stadu interior korrespondenti ki devia kunbina ku akontesimentu sterno… Txeu vezes akontesimentu ki ka speraba ta ben ser kel ki más bon momentus dja da-nu…