Es Diferenti Mis

El Mamíferu Racional ki é txomadu ómi di más, na verdadi ka ten un individualidadi definidu. Sen dúvida, es falta di unidadi psikolójiku na Umanóidi é kauza di txeu difikuldadi i amargura.

Korpu fíziku é un unidadi konpletu i ta trabadja komu un interu orgániku, a menus ki sta duenti. Má, vida interior di Umanóidi nun ka é un unidadi psikolójiku. Kuzé ki más gravé di tudu es, apesar di kel ki skolas di tipu Séudu-Ezotériku i Séudu-Okultista ta fla, é ausénsia di organizason psikolójiku na fundu íntimu di kada sujeitu.

Pur sertu, na es kondisons ka ten trabadju armoniózu komu un interu na vida interior di pesoas. Umanóidi, arespeitu di se stadu interior, é un multiplisidadi psikolójiku, un suma di “Mís”.

Injorantis iluminadu di es époka tenebrozu ta adora “MI”, ta faze-l Deus, ta po-l na altar, ta txoma-l “ALTER EGO”, “MI SUPERIOR”, “MI DIVINU”, etc., etc., etc. “Sabihondos” di es idadi pretu ki nu sta vive-l, ka kre da kuenta ki “Mi Superior” ô “Mi Inferior” é dôs seson di mésmu Egu pluralizadu…

Umanóidi sertamenti ka ten un “MI Permanenti” má un monti di “Mís” diferenti infrahumanu i absurdus. Animal inteletual ki é txomadu ómi di más ta parse ku un kasa dizurganizadu undi en vez di ten un donu, ten txeu kriadu ki ta kre manda i faze kel ki ta da-s na gana…

Maior erru di Séudu-Ezoterismu i Séudu-Okultismu baratu é supuze ki otus ten ô ki ten un “MI Permanenti i Imutável” sen prinsípiu i sen fin… Si kes ki ta pensa asina dizerta konsiénsia mésmu ki foze pa un momentu, es ta pode mostra klaramenti pa ses mésmu ki Umanóidi rasional nunka ka é mésmu pa txeu ténpu…

Mamíferu inteletual, di pontu di vista psikolójiku, ta sta ta muda kontinuamenti… Pensa ki si un pessoa txoma Luis é sénpri Luis, ta da un boka di módu ki ka ta da gana ri… Kel sujeitu li ki es ta txoma Luis ten na se interiór otus “Mís”, otus egus, ki ta espresa através di se personalidade na momentus diferenti i mésmu ki Luis ka gosta di ganánsia, otu “Mi” na el – nu txoma-l Pepe – gosta di ganánsia i asina susesivamenti…

Ningen pessoa ka é mésmu na forma kontinuu; na verdadi ka meste ser txeu sabedor pa da kuenta di inumerábel mudansas i kontradisons di kada sujeitu… Supuze ki un algen ten un “Mi Permanenti i Imutável” ta da na un abuzu pa ku prósimu i pa ku se kabésa…

Drentu di kada pessoa ta vive txeu pesoas, txeu “Mís”, kel-li kualker pessoa dizberta i konsienti ta pode verifika pa se kabésa i na forma direta…