Rebeldia Psikolójiku

Ka ta faze mal lembra nos leitores ma ten un pontu matemátiku dentu di nos… Indubitavelmenti kel pontu la nunka ka ta atxa na pasadu, nen tanbê na futuru…

Kenha ki kre diskubri kel pontu misteriozu la, debe buskal na aki i gósi, dentu di el mésmu, izatamenti na es momentu li, nen un sigundu na frenti, nen un sigundu atrás… Kel dôs pau Vertikal i Orizontal di Santa Cruz, ta atxa na kel pontu la…

Nós ta atxa gósi, di momentu pa momentu, anti dôs Kaminhu: kel Orizontal i kel Vertikal… É óbviu ma kel Orizontal é txeu “komun”, pa el ta anda “Vicente ku tudu gentis”, “Villegas ku tudu ken ki txiga”, “Don Raimundo ku tudu mundu”…

É evidenti ma kel Vertikal é diferenti; é kel kaminhu di kel rebeldis intelijenti, kel di kel Revolusionárius… Kantu un ta lembra di el mésmu, kantu el ta trabadja na el mésmu, kantu el ka ta identifika ku tudu kel prubléma i pena di vida, na verdadi el ta bai pa Senda Vertikal…

Certamenti nunka ka ta rezultá taréfa fásil elimina kel emosõis negativu; perde tudu identifikason ku nos própriu vida; prublémas di tudu tipu, negósius, dívidas, pagamentu di létras, ipótékas, tilifon, água, lus, etc., etc., etc. Kes dizokupadu, kes ki pa tal ó ku tal motivu dja perde enprégu, trabadju, evidentemente ta sufri pa falta di dinheru i skese ses kazu, ka preokupa, nen identifika ku ses própriu prubléma, ta rezultá na verdadi espantozamenti difísil.

Ken ki ta sufri, ken ki ta txora, kes ki dja ser vítima di algun traison, di un mau pagamentu na vida, di un ingratidon, di un kalúnia ó di algun fraudi, rialmenti ta skese di ses mésmu, di ses rial Ser íntimu, ta identifika kompletamenti ku ses trajédia moral…

Kel trabadju na el mésmu é kel karakterístika fundamental di Kaminhu Vertikal. Ningen podi pisá Senda di Gran Rebelión, si nunka ka trabadjaba na el mésmu… Kel trabadju ki nos sta refiri é di tipu Psikológiku; ta okupa di sertu transformason di momentu prezenti ki nos ta atxa. Nos meste prendi ta vive di momentu pa momentu…

Pur izénplu, un pésoa ki ta atxa dizisperadu pa algun prubléma sentimental, ekonómiku ó pulítiku obviamente dja skese di el mésmu… Tal pésoa si el para un momentu, si el observa situason i tenta lembra di el mésmu i dipôs el ta sforsa na konprende sentidu di se atitudi… Si el refleti un poku, si el pensa ma tudu ta pasa; ma vida é iluzóriu, fugás i ma mórti ta riduzi pa sinza tudu kel vanidadis di mundu…

Si el konprende ma se prubléma na fundu é sô un “txama di petati”, un fogu fatu ki sedu ta paga, el ta odja di repenti ku surpriza ma tudu dja muda… Transforma reasonis mekánikas é pusível pur médiu di konfrontason lójiku i Auto-Reflexón Íntimu di Ser…

É évidenti ma kel gentes ta reají mekanikamenti anti kel diversus sirkunstánsias di vida… Pobre gentes!, Ses ta kustuma ser vítimas. Kantu algun ta elojia es ta ri; kantu es ta umilha es ta sufri. Es ta insulta si es ser insultadu; es ta feri si es ser feridu; nunka es ka é libri; ses semenhanti ten puder pa leba es di alegria pa tristéza, di speransa pa dizisperason.

Kada pésoa di kes ki ta bai pa Kaminhu Orizontal, ta parse ku un instrumentu muzikal, undi kada un di ses semenhanti ta toka kel ki da el na gana… Ken ki prindi ta transforma kel relasonis mekánikas, na verdadi el ta entra pa “Kaminhu Vertikal”. Es ta ripresenta un kunbiu fundamental na “Nível di Ser” rezultadu straordináriu di “Rebeldia Psikolójiku”.