Ristornu y Rikurénsia

Un ómi é kel ki se vida é, si un ómi ka mudifika nada dentu di se kabésa, si el ka transforma se vida di forma radikal, si el ka trabadja na se kabésa, el sta ta perde se ténpu mizéravelmenti.

Mórti é volta pa kumésu mésmu di se vida ku pusibilidad di repiti-el novamenti.

Muitu kuza dja fla na literatura Seudo-Izotériku y Seudo-Okultista, sobri téma di vidas susesivu, midjór é nu ocupa ku izisténsia susesivu.

Vida di kada un di nós ku tudu se ténpu é sénpri mésmu ta repiti di izisténsia pa izisténsia, através di sékulus inúmeru.

Induvidavelmenti nu kontinua na simenti di nos disendenti; es é un kuza ki dja sta dimostradu.

Vida di kada un di nós en partikulár, é un filmi vivu ki óra ki nu móre nu ta leba pa eternidadi.

Kada un di nós ta leba se filmi y ta volta traze-l pa projeta-l un bés más na tela di un nóvu izisténsia.

Ripetison di drama, kumedias y trajedia, é un azioma fundamental di Lei di Rikurénsia.

Na kada nóvu izisténsia ta repiti sénpri mésmu sirkunstánsia. Atór di es sénas sénpri ripitidu, é kes jintis ki ta vive dentu di nos interior, kes “Nhos”.

Si nu dizintegra kes atór, kes “Nhos” ki ta orijina sénas sénpri ripitidu di nos vida, enton ripetison di tal sirkunstánsia ta torna un kuza más ki inpuzível.

Obviamenti sen atór ka pode ten sénas; es é un kuza irefutável, inrefutável.

Asi ki nu pode liberta di Lei di Retornu y Rikurénsia; asi nu pode torna liberta di verdade.

Obviamenti kada un di pirsónajens (Nhos) ki na nos interior nu ta leba, ta repiti di izisténsia pa izisténsia se mésmu papel; si nu dizintegra-l, si atór móre papel ta konklui.

Riflitindo seriu sobri Lei di Rikurénsia ô ripetison di sénas na kada Retornu, nu ta diskubri pa auto-obzervason íntima, kes resortis sekretu di es keston.

Si na izisténsia pasadu na idadi di vinti sinku (25) anu, nu ten un aventura amorozu é Indubitável ki “Nho” di tal konpromisu ta buska dama di se sonhu na vinti sinku (25) anu di nóvu izisténsia.

Si dama en keston enton só tinha kinzi (15) anu, “Nho” di tal aventura ta buska se amadu na nóvu izisténsia na mésmu idadi justu.

Ta rezulta klaru kumpriendi ki kes dôs “Nhos” tantu di el komu di el, ta buska tiliptatikamenti y ta riinkontra novamenti pa repiti mésmu aventura amorozu di izisténsia pasadu…

Dôs inimigu ki a mórti luta na izisténsia pasadu, ta buska un bés más na nóvu izisténsia pa repiti se trajédia na idadi korispondenti.

Si dôs pirsóna ten un pleitu pa ben raiz na idadi di karenta (40) anu na izisténsia pasadu, na mésmu idadi ta buska tiliptatikamenti na nóvu izisténsia pa repiti mésmu kuza.

Dentu di kada un di nós ta vive mutu jintis xeu di konpromisu; es é inrefutável.

Un ladron ta karrega na se interior un kueba di ladron ku diversa konpromisu dilituozu. Asasinu ta leba dentu di si mésmu un “klubi” di asasinus y luxuriozu ta porta na se psikis un “Kaza di Sita”.

Kuza gravi di tudu es é ki intelektu ta ignora izisténsia di tal jintis ô “Nhos” dentu di si mésmu y di tal konpromisu ki fatalmenti ta ba ta kumpri.

Tudu es konpromisu di Nhos ki dentu di nós ta mora, ta susedi pa baxu di nos razon.

É fetu ki nu ta ignora, kuza ki ta susedi-nu, akontesimentu ki ta prozesa na subkonsienti y inkonsienti.

Ku justu, razon dja fla-nu ki tudu ta susedi-nu, komu óra ki ta txobe ô komu óra ki ta trona.

Rialmenti nu ten iluzon di faze, enpéra nada nu ta faze, ta susedi-nu, es é fatal, mekaniku…

Nos pirsónalidade é tanbê instrumentu di diferenti jintis (Nhos), mediante kel ki kada un di es jintis (Nhos), ta kumpri se konpromisu.

Pa baxu di nos kapasidade kognositiva ta susedi mutu kuza, dizgrasadamente nu ta ignora kel ki pa baxu di nos pobre razon ta susedi.

Nu ta kridita sabiu óra ki na verdade ni sikera nu sabe ma nu ka sabe.

Nu é mizeru lenhu, arrastradu pa ondas enfuresidu di mar di izisténsia.

Sai di es dizgrasa, di es inkonsiénsia, di stadu tan lamentável en ki nu ta atxa, só é puzível móre na si mésmu…

Komu nu pode diskorda sen móre primi? Só ku mórti ta adven kel nóvu! Si jermi ka móre planta ka ta nase.

Ken ki diskorda di verdade ta adquiri pa tal motibu plenu objetividade di se konsiénsia, ilumanson auténtiku, felisidadi…