Sukesus Pessoal

Plena auto-observason íntimu di Mi Mésmu é un kuza ki ten ki fazedu djá, pa deskubri stadu psicolójiku ki ta da kóntra. Sin dúvida, stadu interior ki ta da kóntra pode ser kurijidu ku prósesu ki ta da dretu.

Kuma vida interior é kel iman ki ta atrai eventu di fora, nu meste urgentimenti tira di nos psike kel stadu psicolójiku ki ta da kóntra. Kuriji stadu psicolójiku ki ta da kóntra é fundamental óra ki bu kre muda di forma fundamental natureza di sertu eventu ki bu ka gosta.

Muda nos rilason ku determinadu eventu é pusível si nu tira di nos interior sertu stadu psicolójiku ki ka faze sentidu. Situason di fora distrutivu pode bira inofensivu é até konstrutivu através di kurison intelijenti di stadu interior ki ta da kóntra.

Un pode muda natureza di eventu dizagradável ki ta kontise-nu óra ki bu purifika íntimamente. Kel ki nunka ka ta kuriji stadu psicolójiku ki ka faze sentidu, ta kre ta djuga di forti, ta bira vítima di sirkunstánsia.

Pone órdem na nos kaza interior ki sta dizurdinadu é vital óra ki bu deseja muda perkursu di un izisténsia ki ka ta da kóntra. Pessoas ta keixa di tudu, ta sufri, ta txora, ta protesta, ta kre ta muda di vida, sai di azar ki es ta atxa, dizafortunadamenti es ka ta trabadja sobri ses mésmu.

Pessoas ka kre da kónta ma vida interior ta atrai sirkunstánsia di fora é si es ta da dô é pamodi stadu interior ki ka faze sentidu. Kel di fora é so reflexu di kel di dentru; kel ki muda interiormenti ta orijina un órdem di kuza novu.

Eventu di fora nunka ka ta ser txeu inportanti sima manera di riaji peranti es. Bu mante serenu peranti kel ki insúlta-u? Bu risibe ku agradu manifestason dizagradável di bu simejanti? Di ki manera bu riaji peranti infidelidadi di ser amadu? Bu dexa leba pa venenu di jelu? Bu mata? Bu sta na kadia?

Ospital, siniterius ô panteons, kadia, sta xeiu di sinseru ki da kóntra ki riaji di forma absurdus peranti eventu di fora. Midjor arma ki un ómi pode uza na vida é un stadu psicolójiku koretu.

Un pode dizarma fera é dizmaskara traidor através di stadu interior aprópriadu. Stadu interior ki ta da kóntra ta bira-nu vítima indefesa di perversidadi humana. Insinua djobe pa susesu más dizagradável di vida prátiku ku un atitudi interior aprópriadu…

Ka identifika ku ninhun akontesimentu; lembraba ma tudu ta pasa; insinua odja vida sima un filmi é bu ta risibe benefísiu… Ka bu skese ma akontesimentu sen ninhun valor pode leba-u pa dizgrasa si bu ka tira di bu psike stadu interior ki ta da kóntra.

Kada eventu di fora meste, sin dúvida, di bilheti aprópriadu; é disi, di stadu psicolójiku presizu.