Aquáriu

20 DI JANERU TÉ 19 DI FEBRERU

Signifikadu sukundu di AKUARIU é SABE. AKUARIU, sinu di aguador, é un sinu zodiacal eminentimenti REVOLUSIONARIU.

Ezisti kuatu klasis di KONXEMENTU ô SIÊNSIA SEKRETA. Nu meste sabe kual ki es kuatu klasis di KONXEMENTU.

PRIMEIRU: VAJNA-VIDYA; konxementu ki ta adquiri ku sertu poderis sukundu dizberta dentu di nos propiu natureza interior, através di sertu Ritualis Májiku.

SEGUNDU: MAHA-VIDYA KABALÍSTIKA. SIÊNSIA di KÁBALA ku tudu se invokasons, matematikis, símbolus y liturjia, pode ser ANJÉLIKA ô DIABÓLIKA, tudu depende di tipu di pessoa ki ta uza-l.

TERSEIRU: GUPTA-VIDYA; siênsia di MANTRAM, Májia di VERBU; ta fundamenta na poderis místico di son, na siênsia di ARMONIA.

KUARTU: ATMA-VIDYA ô SABEDORIA REAL di SER, di ATMAN, di MÓNADA SUPERIOR.

Tudu es forma di KONXEMENTU, menus KUARTU, rais di tudu siênsias sukundidus. Di tudu kel forma di konxementu, menus di KUARTU, ki ta ben KÁBALA, KIROMANSIA, ASTROLOJIA, FIZIOLOJIA SUKUNDU, CARTOMANSIA SIENTÍFIKU, etc., etc.

Di tudu kel forma di konxementu, di tudu es RAMAS OKULTISTA, já siênsia dja diskubri alguns sikretu, ma SENTIDU ESPASIAL DIZENVOLVIDU, KA É IPNOTIZMU y nenhun pode ser adquiri pa kel artis.

PREZENTI LIVRU ASTROLÓJIKU ERMÉTIKU IZOTÉRIKU, nada ka ten ki bÊ ku ASTROLOJIA di feira mensonadu na PERIODIKUS. Na es livru nu ta sina SIÊNSIA di ATMA-VIDYA.

Kel ki fundamental é ATMA-VIDYA, el ta inklui tudu na se aspetu ESENSIAL y até pode uza del okazionalmente; ma só ta utiliza se ekstratus sintétikus purifikadu di tudu eskorias.

PURTA DI ORU di Sabedoria pode transforma na anplu porta y largu kaminhu ki ta bai pa distruison, porta di artis májikus praticadu ku finalidades egoístas.

Nu sta na IDADI di KALI-YUGA, idadi di FERU, IDADI PRETU y tudu studantis di OKULTIZMU sta predispostus a extravia pa kaminhu pretu. Ta asombra odja konséitu txeu inkoretu ki “irmonzinhus” ten sobri OKULTIZMU y fasilidadi ku es ta kru pa pode txiga até PURTA y ultrapasa UMBRAL di MISTÉRIU sen un GRANDI SAKRIFÍSIU.

Ta ripara impossível atinji ATMA-VIDYA sen TRES FATORES di REVOLUSON DI KONSÊNSIA.

É impossível ATMA-VIDYA sen ki nu txiga na NASIMENTU SÊGUNDU. É impossível ATMA-VIDYA sen morte di MI PLURALIZADU. É impossível ATMA-VIDYA sen SAKRIFÍSIU pa humanidadi.

KA É Lei di EVOLUSON ki ta konfiri-nu ATMA-VIDYA. Ka É Lei di INVOLUSON ki ta konfiri-nu ATMA-VIDYA. Só a bazi di TREMENDAS y ESPANTOSAS REVOLUSONS ÍNTIMAS, ki nu ta txiga na ATMA-VIDYA.

KAMINHU di REVOLUSON di konsênsia é SENDU DI FILU DI NAVAJA; es sendu é TERRIBLIMENTI DIFÍSIL; es sendu li sta txêu di perigus di dentu y di fora.

Nu ta bai studa gora na es kapitulu kada un di TRES FATORES di REVOLUSON DI KONSÊNSIA na forma ordenadu y separadu, pa ki studantis Gnóstikus pode orienta koretamenti.

Poze, gora, nos leitores txeu atenson na studu di kada un di TRES FATORES di REVOLUSON DI KONSÊNSIA, pamodi di plena KOMPREENSON di kada un di es TRES FATORES depende ÊXITU na es TRABADJU.

NASXE

NASIMENTU SÊGUNDU é un prublema totalmenti sexual. Sagradu TORU APIS entri antígu EJIPIUS, debe ser joven, sanu y forti pa simboliza PIEDRA FILOSOFAL. (SEXU.)

GREGUS instruídu pa Ierofantis Ejípius ta reprizenta asina tanbê PIEDRA FILOSOFAL, ku un ô vários TORUS, kuma ta odja tanbê na fábula di MINOTAURU KRETENSE.

Gual signifikason Alkímika ten TORUS ki HÉRCULES raba di Jerion, kel mésmu simbolizmu nu ta atxa na lenda di SAGRADUS BUIS di SOL ki ta paxeba trankilu na ILHA di SICILIA y ki foi rabadu pa Mercúriu.

Ka tudu TORUS sagradu era pretus ô brankus; alguns era VERMELHUS kuma kel di Jerion y kuma es ki ta sakrifikadu pa Saserdotis Izraelita, pamodi PIEDRA FILOSOFAL, na sertu momentu Alkímiku é VERMELHU y es li tudu Alkimista sabe.

Famosu boi APIS, tan adoradu na MISTÉRIUS EJÍPIUS, era kriador y fiskal di ALMAS. Boi APIS SIMBÓLIKU foi konsagradu a ISIS, pamodi di fetu ta atxa rilasonadu ku VAKA SAGRADU, MÃI DIVINA, ISIS, a ken nenhun mortal ka ergue véu.

Pa ki un boi tene altu onra di ser asendidu a tal kategoria, ta meste ki el sea pretu y tene na fronti ô na un di paletas, un manxa branku na forma di krescente Lunar.

É tanbê sertu y di tudu verdadi, ki dizetu boi sagradu debe ser konsebídu baxo inpreson di raiu y ten baxo língua marka di eskarabadju sagradu.

APIS era SÍMBULU di LUA, tantu pa kauza di se kornus na forma di krescente Lunar, kuantu pamodi durante, menus Plenilúniu, es astru ten senpri un parti tenebrozu indikadu pa pretu di pel y otu resplandecenti, simbolizadu pa manxa branku.

APIS é MATÉRIA FILOSOFAL, ENS SEMINIS (SEMEN), kel substânsia semisólidu, semilíquidu, kel VITRIOLU di ALKIMISTAS.

Dentru di ENS SEMINIS ta atxa tudu ENS VIRTUTIS di FOGU. Ta ripara transforma LUA na SOL, é dizê, fabrika KORPUS SOLARES.

Es é MISTÉRIUS DI ISIS, MISTÉRIUS di BOI APIS. Kantu na vÊlhu Ejitu di FARAÓS ta studaba RUNA IS, ta analizaba se dôs aspetus. MASKULINU-FEMININU, pamodi SAGRADU PALABRA ISIS ta dikonponi na dôs sílabas IS-IS; primeru SÍLABA é MASKULINA y sigundu é FEMININA.

Boi APIS é BOI di ISIS, PIEDRA FILOSOFAL. Omi y mudjer debe trabadja na se LABORATORIUM ORATORIUM ku kel MATÉRIA FILOSOFAL, transforma LUA na SOL.

É URJENTI adquiri kel poder MÁJIKU ki ta txoma KRIYA-SHAKTI ô di VONTADI y di YOGA, poder Májiku di OMINIS SOLARES, poder supremu di KRIAÇON, sen Jerason y es só é posível ku MAITHUNA. (Odja kapitulu otu.)

Ta ripara prende a kombina intelijentementi agu di vida entri dôs ÂNFORAS di AKUARIU, sinu zodiacal di AGUADOR.

É indispensável kombina ELÍXIR VERMELHU ku ELÍXIR BRANKU, si ta kre txiga na NASIMENTU SÊGUNDU.

LUA ta simboliza ISIS, MÃI DIVINA, PRAKRITI inefável y boi APIS ta reprizenta MATÉRIA FILOSOFAL, PIEDRA SAGRADU di ALKIMISTA.

Na Boi APIS sta reprizentadu LUA, ISIS, SUBSTÂNSIA PRIMORDIAL, PIEDRA FILOSOFAL, MAITHUNA.

AKUARIU sta guvernadu pa URANO y es planeta ta kontrola GLÂNDULAS SEXUAIS. Ta ripara impossível txiga na NASIMENTU SÊGUNDU, na ADEPTADU, na AUTORREALIZASON ÍNTIMA, si nu ka studa MISTÉRIUS di ISIS, si nu despreza kultu a BOI APIS, si nu ka prende a kombina ELÍXIR VERMELHU ku ELÍXIR BRANKU entri dôs ÂNFORAS di AKUARIU.

Na terminolojia Kristianu ta papia di KUATU KORPUS umanu. Primeru é KORPU KARNAL; sigundu é KORPU NATURAL; terseiru é KORPU ESPIRITUAL; kuartu, sigundu terminolojia di tipu Kristianu Izotériku, é KORPU DIVINU.

Ta papia na linguajen Teosófiku, nu ta dizê ki primeru é KORPU FÍZIKU, sigundu é KORPU ASTRAL; terseiru é KORPU MENTAL; kuartu é KORPU KAUZAL ô KORPU DI VONTADI KONXÊNTI.

Nos krítikus ta moli pamodi nu ka sita LINGAM SARIRA ô KORPU VITAL, tanbê txomadu DOBRI ETÉRIKU. Sertamenti nu ka ta konta kel KORPU, dibidu a fetu konkretu ki es li é só seson superior di KORPU FÍZIKU, sentu báziku fundamental di tudu atividadis físikus, kímikus, kalórikus, riprodutivus, perceptivus, etc.

ANIMAL INTELEKTUAL komun y korrenti KA TA NASXE ku ASTRAL, ni ku MENTAL, ni txêu menus ku KORPU KAUZAL; es korpus só pode kultiva artifisialmenti na FRAGUA ATSENDE DI VULCANU. (SEXU.)

KORPU ASTRAL ka é un IMPLEMENTU indispensável pa ANIMAL INTELEKTUAL; é un luxu, un grandi luxu ki txeu poku pode da; mas, ANIMAL INTELEKTUAL ten un KORPU MOLEKULAR, un KORPU DI DEZEJUS similar a KORPU ASTRAL, ma di tipu LUNAR, friu, fantasmal, espetral.

ANIMAL INTELEKTUAL ka ten KORPU MENTAL, ma el ten un veikulu intelektual animal, sutil, LUNAR, mutu similar a KORPU MENTAL, ma di natureza friu y fantasmal.

ANIMAL INTELEKTUAL ka ten KORPU KAUZAL ô KORPU DI VONTADI konxênti, ma el ten ESÊNSIA, BUDHATA, EMBRION DI ALMA ki fasilmenti ta konfundi ku KORPU KAUZAL.

KORPUS sutilis ki LEADBEATER, ANNIE BESANT, STEINER y txeu otus klarividentis studa na pobri ANIMAL INTELEKTUAL komun y korrenti, é veikulus LUNARES.

Ken ki kre txiga na NASIMENTU SÊGUNDU debe fabrika KORPUS SOLARES, auténtiku KORPU ASTRAL, legítimu KORPU MENTAL, verdaderu KORPU KAUZAL ô KORPU DI VONTADI KONXÊNTI.

Ten algun kuza ki pode surpreende studantis GNÓSTIKUS: KORPUS ASTRAL, MENTAL y KAUZAL é di karni y osus, y dipôs ki nu nasxe di entri ventre inakuladu di MÃI DIVINA, es ta meste alimentu pa se kresimentu y dizenvolvimentu.

Ezisti dôs tipus di karni: primeru é karni ki ta ben di ADAM; sigundu, é karni ki KA ta ben di ADAM. KORPUS SOLARES é di karni ki ka ta ben di ADAM.

Ta ripara interisanti sabe ki IDROJÉNIU SEXUAL SI-12, senpri ta kristaliza na karni y osus. Korpu fíziku é di karni y osus, y korpus SOLARES é tanbê di karni y osus.

Alimentu báziku di KORPU FÍZIKU é IDROJÉNIU KUARENTA Y OITU.

Alimentu fundamental di KORPU ASTRAL é IDROJÉNIU VINSI KUATU.

Alimentu indispensável di KORPU MENTAL é IDROJÉNIU DOZE.

Alimentu vital di KORPU KAUZAL é IDROJÉNIU SEIS.

Tudu MESTRIS di LÓJIA BRANKU, ANJUS, ARKÂNJUS, TRONUS, SERAFINS, VIRTUDES, etc., etc., etc., sta vistidu ku KORPUS SOLARES.

Só akelis ki ten KORPUS SOLARES ten INK ARNADU SER. Só kel ki posee SER é OMI di VERDADI.

KORPU FÍZIKU sta kontroladu pa kuarenta y oitu leis, KORPU ASTRAL sta guvernadu pa vinsi kuatu leis, KORPU MENTAL sta dominadu pa doze leis; KORPU KAUZAL depende di seis Leis.

É URJENTI bai FRAGUA ATSENDE di VULCANU (SEXU), pa trabadja ku fogu y agu, orijin di mundus, béstias, ominis y DEUSES; é urjenti desende na nona esfera pa fabrika KORPUS SOLARES y atinji NASIMENTU SÊGUNDU.

Ta kauza dor sabe ki txeu ki ta prexumi di MESTRIS y SANTUS, inda sta vistidu ku KORPUS LUNARES.

MORTE

Ta engana rotundamenti KONDI GABALIS kantu el ta dizê ki SALAMANDRAS, GNOMUS, SILFUS, NINFAS, ta meste kaza ku un omi pa faze imortal.

É stúpidu afirmason di KONDI GABALIS kantu el ta dizê ki nós nu ta meste renunsiason pur konpletu a mudjeris pa entrega-nu a imortalizason di SÍLFIDES Y NINFAS.

ELEMENTAIS di ELEMENTUS, di plantas, di minerais, animais, ta ser ominis di futuru sen nesesidadi di imundu koitu rikomendadu pa KONDI GABALIS.

É lástima ki txeu MÉDIUMS di espiritizmu sta kazadu ku ELEMENTAIS y ki txeu pessoas durante son ta koabita ku ÍNKUBUS, SÚBKUBUS y ELEMENTAIS di tudu tipu.

MUNDUS INTERNUS sta txêu di tudu klasi di kriaturas, alguns bons, otus maus, otus indiferenti.

DEVAS ô ANJUS, nunka é inferior a OMI. DEVAS ô ANJUS é OMINIS SOLARES VERDADERUS y es é tudu. DEVAS ô ANJUS é dôs BÊS NASXIDU.

Pa Xinus, dôs klasi más alitu di abitantis invizível é THIEN di natureza totalmenti selesti y THI, THU ô intermediárius.

Na dizfiladerus di KUEN-LUN, rijon sentral di terra ô MONTIS LUNARES, tradison dja koka tudu un mundu stranju y mistériozu guvernadu pa DEUSES.

Kes SERIS DIVINUS é KO-HAN ô LOHANES DEUSES GUBERNADORIS di milions di kriaturas.

THI ta bisti ropajen amarel y ta abita na kriptas ô kavernas subterânias; ta alimenta di sésamu, koriandru y otus floris y frutos di árvor di vida; é DÔS BÊS NASXIDU, ta studa ALKIMIA, BOTÂNIKA SUKUNDU, PIEDRA FILOSOFAL a manera di MESTRI ZANONI y se SÁBIU KONPANHERU, GRANDI MEJNOUR.

Un terseiru klasi di abitantis invizível é fabulosus SHEN ô SHAIN, nasxidu li baxo na mundu SUBLUNAR, já pa trabadja pa ben, já pa paga se vísio KARMA ANSESTRAL.

Kuartu klasi di abitantis di mundus internus sitadu pa XINUS, é TENEBROZUS MAHA-SHAN, jígantis fiseerus di MÁJIA PRETU.

Seris más raridus y más inkompreensível é terível MARUT ô TURAM; seris mensonadu pa RIG VEDA, lejions di HANASMUSSIANUS; es palavra ta pronunsiadu ku j, asi: JANASMUSSIANUS.

Es lejions ta konsisti di trezentus kuarenta y tres famílias, ainda ki sertu kalkulus ta eleva kantidadi a 823 ô 543 famílias.

É lamentável ki es HANASMUSSEN sea adoradu pa sertu musulmanus y BRAHMANES.

HANASMUSSIANUS ten, kuma já nu dize na kapitulu novi di es livru, dôs personalidadis; un ANJÉLIKA y otu DIABÓLIKA.

É klaru ki PERSONALIDADI SOLAR, ANJÉLIKA, di un HANASMUSSIANO, nunka ta abin a instrui kandidatu algun a INISIASON, sen antis dil ku entera FRANKESA: “GUARDA-U, NÓS É TENTASON KI PODE KONVERTI NA UN INFÊL”.

Sabe mutu ben PERSONALIDADI SOLAR di tudu MARUT ô TURAM, HANASMUSSIANO, ki posee otu PERSONALIDADI LUNAR, DIABÓLIKA, TENEBROZA, kapaz di disvia kandidatu a INISIASON.

Anti tudu dôs bês NASXIDU ta abri dôs kaminhus, kel di direta y kel di sinístra. Kel di direta é kel di akelis ki ta rizolvi a MORRE DI MUMENTU NA MUMENTU, kel di akelis ki ta DISOLVE MI. Kel di SINÍSTRA é kaminhu pretu, kaminhu di akelis ki en bês di MORRE DI MUMENTU NA MUMENTU, en bês di DISOLVE MI, ta FORTIFIKA-L entri KORPUS LUNARES. Ken ki ta bai pa kaminhu di mon iskerdu, ta konverte na MARUT ô TURAM, é dizê, na HANASMUSSIANUS.

Ken ki kre txiga na LIBERTASON FINAL, debe MORRE di MUMENTU na MUMENTU. Só MORRENDU MI MESMU ki nu ta konverte na ANJUS PERFEITUS.

Ezisti três klasi di TANTRISMU, BRANKU, PRETU Y GREZ. MAITHUNA ku ejakulason di ENS SEMINIS, é PRETU. MAITHUNA a bês ku ejakulason di ENS SEMINIS y a bês sen ejakulason, é GREZ.

Ku MAITHUNA sen ejakulason ta subi DEVI KUNDALINI pa kanal medular pa dizenvolve poderis Divinus y konverte-nu na ANJUS.

Ku MAITHUNA ku EJAKULASON SERPENTI ÍGNEA DI NOS MÁJIKUS PODERIS, en bês di subi, ta baxa, ta presipita di osus COXÍJEU, pa infernus atómikus di omi, ta konvertendu na RABU DI SATÁN.

MAITHUNA ku ejakulason a bês y sen ejakulason a bês, é algun kuza inkoerenti, mórbidu, bestial, ki só ta sirbi pa fortaleze EGO LUNAR.

TÂNTRICUS PRETUS ta dizenvolve ABOMINÁVEL ÓRGEN KUNDARTIGUADOR. Ta ripara sabe ki dizetu ÓRGEN FATAL é kel mésmu RABU DI SATÁN.

Na ténpus ki ta perde na noti purfundu di tudu idadis, pobri ANIMAL INTELEKTUAL konprende se tristu situason di makininha nesesáriu pa ikonomia di natureza y el deseja morre; foi enton nesesáriu interventson di sertu INDIVÍDUUS SAGRADUS ki komete erru di da a es tristu formigueiru umanu, abominável ÓRGEN KUNDARTIGUADOR.

Kantu ANIMAL INTELEKTUAL skese se tristu situason di MAKINKINHA y el inamora di beleza di es mundu, abominável ÓRGEN KUNDARTIGUADOR foi eliminadu; diskrazjadamenti más konsekénsias maus di dizetu órgen foi algun kuza ki ka pode skese, kaba dipozita na sinku sílindrus di mákina.

Primeru sílindru é kel di INTELEKTU y ta atxa na SERÉBRU; sigundu é kel di EMOSONS y ta rizidi na PLEXU SOLAR, a altura di unbigu; terseiru é kel di MOVIMENTU y ta radika na parti SUPERIOR DI ESPINA DORSAL; kuartu é kel di INSTINTU, y ta atxa na parti INFERIOR DI ESPINA DORSAL; kintu é kel di SEXU y ta rizidi na órgãos SEXUAIS.

Konsekénsia maus di abominável ÓRGEN KUNDARTIGUADOR sta reprizentadu pa milharis y milions di pikinoti JÓIS di tipu animal y perversu.

Na ANIMAL INTELEKTUAL ka ezisti un sentru úniku di komandu, ni un MI ô EGO permanenti.

Kada IDEIA, kada sentimentu, kada sensason, kada dezeju, kada MI DEZEJU tal kuza, MI DEZEJU TAL OTU KUZA, MI AMA, MI KA TA AMA, é un MI diferenti.

Tudu es pikinoti y pendensierus JÓIS ta rixi entri si, ta peleba pa supremasia, ka sta ligadu entri si, ni koordenadu di modu algun. Kada un di es pikinoti JÓIS depende di mudansas di sirkunstânsias di vida y di mudansas di inpresons.

Kada pikinoti MI ten se propius ideis, se propiu kritériu, ka ezisti verdaderu INDIVIDUALIDADI na pobri ANIMAL INTELEKTUAL, se konséitu, se atus, se ideis, depende di MI ki na kes momentus ta domina situason.

Kantu un MI ta entuziasma pa GNOSIS, ta jura lealtadi eternu a nos MOVIMENTU GNÓSTIKU; es entuziasmu ta dura até ki otu MI ki é kontrariu a es studus, ta adon di poder, dipôs nu ta odja ku asombru ki sujeitu ta retira y até ta volta inimigu nos.

MI ki oji ta jura AMOR ETERNU a un mudjer, é dipôs diskolokadu pa otu MI ki nada ka ten ki bÊ ku tal juramentu y enton mudjer ta sufri disepson.

Tal MI ta sigi otomatikamenti a tal otu y alguns ta parse senpri akonpanhadu di otus, ma ka ezisti entri tudu kes JÓIS nenhun órdin ni sistéma.

Kada un di kes JÓIS ta kru na un momentu dadu ser tudu, ma ka é rialmenti más ki un íntima parti di nos funsons, ainda ki el tene inpreson di ser totalidadu, rialidadi, omi konpletu.

Kel ki kuriozu é ki nós nu ta da kriditu a MI di un momentu, ainda ki momentus dipôs kel MI sea diskolokadu pa otu MI. EGO LUNAR é un suma di JÓIS ki debe ser eliminadu na forma radikal.

Ta ripara sabe ki kada un di sinku sílindrus di mákina posee se karakterístikus propius ki nunka nu debe konfundi.

Entri sinku sentrus di mákina ezisti diferensias di vilosidadi.

Jenti ta elojia mutu pensamentu, ma na rialidadi di verdadi SENTRU INTELEKTUAL é más lentu. Dipôs, ainda ki mutu más rápidu, ta ben SENTRUS INSTINTIVU y di MOVIMENTU ô MOTOR, ki ten más ô menus kel mésmu vilosidadi. Más rápidu di tudu é SENTRU SEXUAL, y ta sigi-l na órdin di rapidez, SENTRU EMOSIONAL.

Ezisti enórmi diferensa di vilosidadis entri kada un di sinku SENTRUS di mákina.

Ta studa na nós mésmu auto-observandu, nu ta odja a simpli vista ki MOVIMENTU é más veloz ki pensamentu y ki emoson é más rápida ki kualker movimentu y ki tudu pensamentu.

Sentrus MOTOR y INSTINTIVU é TRINTA MIL bês más rápidu ki SENTRU INTELEKTUAL. SENTRU EMOSIONAL kantu el ta trabadja a vilosidadi ki é propiu, é TRINTA MIL bês más rápidu ki sentrus MOTOR y INSTINTIVU.

Divérsus SENTRUS ten kada un se TÊMPU konpletamenti distintu. Vilosidadi di sentrus ta splika gran númeru di fenómenus ben konxedu ki siênsia ordinária komun y korrenti ka pode splika; basta rikurda di asombrozu vilosidadi di sertu prosesus psikolójikus, fiziolójikus y mentalis.

Tudu SENTRU sta divididu na dôs partis: pozitivu y negativu; es divizon é partikularmenti klaru pa SENTRU INTELEKTUAL y pa SENTRU INSTINTIVU.

Tudu trabadju di SENTRU INTELEKTUAL ta dividi na dôs partis: AFIRMASON y NEGASON; SIM y KA, TEZ y ANTÍTEZ.

Na SENTRU INSTINTIVU ezisti kel mésmu luta entri kel agradável y kel dizagradável; sensasons agradável, sensasons dizagradável y tudu es sensasons sta rilasonadu ku sinku sentidus: odja, obi, txera, gostu, palpita.

Na SENTRU MOTOR ô di MOVIMENTU, ezisti luta entri MOVIMENTU y REPOZU.

Na SENTRU EMOSIONAL ezisti emosons agradável y dizagradável: alegria, simpatia, afetu, konfiansa na si mésmu, etc., é pozitivu.

EMOSONS dizagradável, tais kuma aburisimentu, zelus, invéja, kólera, irritabilidadu, mêdu, é negativu totalmenti.

Na SENTRU SEXUAL ezisti atrasson y ripulson, kastidadi y luxúria na eternu konfliktu.

ANIMAL INTELEKTUAL ta sakrifika se prazeris si é nesesáriu, ma ta ripara inkapaz di sakrifika se proprius sufrimentus.

Ken ki kre DISOLVE MI PLURALIZADU, debe sakrifika se proprius sufrimentus. Zelus ta produzi sufrimentus, si nu anikila zelus, ta morre sofrimentu, é sakrifikadu dor.

IRA ta produzi DOR; si nu kaba ku IRA nu ta sakrifika DOR, nu ta distrui-l.

Ta ripara AUTO-OBSERVA DE MUMENTU NA MUMENTU; MI PLURALIZADU ta trabadja na kada un di SINKU SENTRUS DI MÁKINA. A bês é un MI di SENTRU EMOSIONAL ken ki ta rijí kolériku ô zelozu ô invidiozu, a bês prejuzus y kalúnias di sentru intelektual ku tudu se fúria, ta ataka violentamenti, otus perversus hábitus inkoretu ta bai-nu pa frakasu, etc., etc., etc.

Kada SENTRU ten KUARENTA Y NOVE rijions SUBKONXÊNTIS y na kada un di kes rijions ta vive milions di JÓIS ki nu ta meste DISKUBRI através di MEDITASON di fundu.

Kantu nu AUTO-DISKUBRI, kantu nu ta faze KONXÊNTI di atividadis di MI na sinku sentrus di mákina y na kuarenta y nove rijions subkonxêntis, enton nu ta DIZBERTA KONSÊNSIA.

Faze konxênti di tudu PROSESU di MI na sinku sílindrus di mákina, é volta KONXÊNTI a SUBKONXÊNTI.

Ta ripara impossível elimina diferenti JÓIS si antis nu ka ten KOMPREENDU KONXÊNTEMENTI na kuarenta y nove rijions SUBKONXÊNTIS.

Nu pode trabadja ku PROSERPINA RAINHA di INFERNUS ta elimina JÓIS, a kondison di konpreende primeru difétu ki nu kre estirpa. (Odja Kapitulu Otu).

PROSERPINA só ta elimina JÓIS ki ta pirsonifika difétus ki nu ten konprendidu na forma INTEGRA.

É impossível txiga na ATMA-VIDYA sen antis nu ten konxedu a si mésmu.

NOSCE TE IPSUM; omi KONXE-U A TI MESMU y u ta konxe universu y DEUSES.

Konxe atividadi di sinku sílindrus di mákina na tudu kuarenta y nove pasilhus ô rijions SUBKONXÊNTIS di JALDABAOTH, ta signifika KONXE A SI MESMU, volta KONXÊNTI SUBKONXÊNTI, AUTO-DISKUBRI-NU.

Ken ki kre subi debe primeru baxa. Ken ki kre ATMA-VIDYA debe primeru baxa na se propius infernus atómikus, erru di txeu studantis di OKULTISMO é kre primeru SUBI sen antis ten baxadu.

Na convivénsia ku gentis ta aflora spontaneamente nos difétus, y si nu sta ALERTAS, nu ta diskubri di kal SENTRU ki ta provén, enton pa méiu di MEDITASON nu ta diskubri-l na tudu y kada un di kuarenta y nove rijions SUBKONXÊNTIS.

SÓ MORRENDU MI na forma total, nu ta atinji ATMA-VIDYA, ILUMINASON ABSOLUTU.

SAKRIFÍSIU

SAKRIFÍSIU SATTVÍKU ta faze sigundu MANDAMENTUS DIVINUS, ta konsentra na kultu, só pa kultu, pa ominis ki ka ta deseja rizultadu.

SAKRIFÍSIU RAYÁSIKU ta faze pa tentason y ta deseja frutos.

SAKRIFÍSIU TAMÁSIKU ta faze senpri kontra mandamentus, sen FÉ, sen MANTRAM, sen karidadi pa ku nenhun, sen AMOR a humanidadi, sen oferese óbulu sagradu a SASERDOTIS ô Gurus, etc., etc., etc.

Terséiru fator di REVOLUSON di KONSÊNSIA é SAKRIFÍSIU, ma SAKRIFÍSIU SATTVÍKU, sen deseja frutos di ason, sen deseja rekompensa; sakrifísiu disinteresadu, puru, sinséru, ta da se vida pa ki otus ta vive y sen pidi nada na rikonpensa.

Litur debe volta a studa lison di VIRGO, kapitulu seis, pa ki el konprende ben kel ki é três GUNAS di PRAKRITI, txomadu SATTVA, RAJAS y TAMAS.

LEI di LOGUS SOLAR é sakrifísiu. El ta krusifika na alvese di vida na tudu novu mundu ki ta surge di KAO, pa ki tudu seris tene VIDA y tene-l na abundânsia.

Tudu akel ki txiga na NASIMENTU SÊGUNDU, debe SAKRIFIKA pa humanidadi, leba antoxa ben na altu pa sina a otus kaminhu ki ta bai pa LUZ.

Akel ki ta SAKRIFIKA pa humanidadi, ta atinji INISIASON VENUSTA. É urjenti sabe ki INISIASON VENUSTA é INKARNASON di KRISTU na omi.

Ken ki INKARNA KRISTU na SI MESMU, ten ki vive tudu DRAMA KÓSMIKU.

INISIASON VENUSTA ten SETI gradus, ta komesa ku akontesimentu di BELEN y ta termina ku MORTE y RESURREISON di SINHOR.

Ken ki atinji INISIASON VENUSTA ta konverte na un KRISTU tanbê. Só ku três fatóris di REVOLUSON di konsênsia ki ta txiga na INISIASON VENUSTA.

PRÁTIKA: Sinu di AKUARIU ta governa panturrilhas. Brazilerus ta txoma a panturrilhas “VENTRE DAS PERNAS”, “VENTRE DE LAS PIERNAS, y ka ta engana, pamodi seriamenti panturrilhas é un ventre magnétiku maravilhozu.

Forsas ki ta subi di terra dipôs di pasa pa sedasu di péS, ta txiga na panturrilhas na se kaminhu asendente y lá es ta atxa ku forsas ki ta desende di riba di séu, di URANO.

Forsas ki ta subi y kes ki ta baxa, na se inkontru ta magnetiza na forma intensu a panturrilhas; pa es kauza es rialmenti ta atxa karregadu di EROTISMU.

Gora nu ta splika pa mó ki ANIMAIS INTELEKTUAIS ta sinti tan atraídu pa panturrilhas ben formadu di mudjeris.

Durante sinu di AKUARIU disíplus y disíplas debe faze pasis magnétikus ku se dôs mons sobri se panturrilhas di baxo pa riba, ku propózitu di magnetiza poderizamenti panturrilhas, ku vivu anseiu di karrega ku forsas straordinárius di KONSTELASON DI AKUARIU.

Es pasis magnétikus debe konbina ku siginti ORASON:

“FORSA PASA, FORSA PASA, FORSA PASA, PENETRA NA MI ORGANIZMU, ASENDE A UNI KU BU IRMON, KORRENTI KI TA BEN DI RIBA, DI SÉU, DI URANO”.

URANO y SATURNU é planetas ki ta governa a konstelason di AKUARIU. URANO é un planeta totalmenti REVOLUSIONARIU.