Áries

21 DI MARSU TÉ 20 DI ABRIL

I ten kuatu stadu di KUXENSA pusível pa ómi: SONU, KUXENSA DI DJISPERTA, AUTO-KUXENSA i KUXENSA OBJETIVU.

Imagina pa un momentu, karu leitor, un kaza ku kuatu prédiu. POBRI ANIMAL INTELETUAL INGANOSAMENTI TCHAMADU ÓMI ta mora normalmenti na kes dóis prédiu di más baxu, má nunka na vida ki ta uza kes dóis prédiu di más riba.

ANIMAL INTELETUAL ta dividi se vida dórusi i mizérabel entri sonu komu i normal i kel mal tchamadu stadu di DJISPERTA, ki pa dizgrasa é otu forma di sonu.

Enkuantu korpu fíziku ta durmi na kama, EGO enbolbidu na se KORPUS LUNARES ta anda ku kuxensa durmídu sima un sonánbulu ta mexe libri na região molekular. EGO na região molekular ta projeta SONHUS i ta vive na es, ka ten lójika nenhun na se SONHUS, kontinuidadi, kauzas, efeitus, tudu funsons PSÍKIKUS ta trabadja sen direçon nenhun i ta parse i ta dizaparse imajens subjetivu, sena inkurenti, vagus, inpresizu, etc.

Kantu EGO enbolbidu na se KORPUS LUNARES ta volta pa KORPU FÍZIKU, ta ben enton kel sigundu stadu di kuxensa tchamadu stadu di DJISPERTA, ki na fundu ka é otu kuza más senon otu forma di sonu.

Kantu EGO ta volta pa se KORPU FÍZIKU, sonhus ta kontinua na interior, kel tchamadu STADU DI DJISPERTA é rialmenti SONHA DJISPERTADU.

Kantu Sol ta sai, strelas ta skonde, má ka ta dexa di izisti; asina ki sonhus na stadu di djisperta, es ta kontinua sekretamenti, ka ta dexa di izisti.

Es ta signifika ma ANIMAL INTELETUAL inganosamenti tchamadu ÓMI, ta vive so na mundu di sonhus; ku justa razon Poeta dize ma vida é sonu.

ANIMAL RASIONAL ta maneja karu sonhando, ta trabadja na fábrika, na eskritóriu, na kampu, etc., sonhando, ta apaixona na sonhus, ta kaza na sonhus; raru, mutu raru na vida, sta djispertu, ta vive na un mundu di sonhus i ta kride firmementi ma sta djispertu.

Kes kuatu Evanjélius ta exiji DESPERTA, má dizgrasadamenti ka ta fla kon ki DESPERTA.

Danti di tudu, é nesesáriu konpreende ma sta durmídu; so kantu algén ta da konta kabal di ma sta durmídu, ta entra rialmenti na kaminhu di DESPERTA.

Ken ki txiga ta DESPERTA KUXENSA, ta faze enton AUTO-KUXENTI, ta adquiri KUXENSA DI SÍ MÉS.

Erru más gravi di monti PSEUDU EZOTERISTA i PSEUDU OKULTISTA ignoranti, é kel di prezumi di AUTO-KUXENTI i kride más ki tudu mundu sta djispertu, ma tudu jenti tene AUTO-KUXENSA.

Si tudu jenti tive KUXENSA DJISPERTA Téra ta serba un paraízu, ka ta tene géra, ka ta izisti kel miu ném kel bóu, tudu ta serba di tudu, nu ta vive na un IDADI DI ORO.

Kantu un ta DESPERTA KUXENSA, kantu ta faze AUTO-KUXENTI, kantu ta adquiri KUXENSA DI SÍ MÉS, é enton ki rialmenti ta ben konxe VERDADI sobri sí més.

Danti di alkansa terséru stadu di KUXENSA (AUTO-KUXENSA), un rialmenti ka ta konxe SÍ MÉS, ankuantu ta kride ma el més ta konxe.

É indispénsabel adquiri terséru stadu di kuxensa, subi pa terséru prédiu di kaza, danti di ten diritu pa pasa pa kuartu prédiu.

KUARTU STADU DI KUXENSA, KUARTU PRÉDIU di kaza, é rialmenti FORMIDÁBEL. So ken ki txiga na KUXENSA OBJETIVU, na KUARTU STADU, pode studa kuzas na sí més, mundu tal kon ki é.

Ken ki txiga na kuartu prédiu di kaza, é fora di tudu dúvida un ILUMINADU, ta konxe pa speriénsia direta kes MISTÉRIUS DI VIDA I DI MORTE, tene SABIDURIA, se sentidu ESPASIAL sta plenamenti dizenvolvidu.

Duranti SONU PROFUNDU nu pode ten destelhus di ESTADU DI DJISPERTA. Duranti ESTADU DI DJISPERTA nu pode ten destelhus di AUTO-KUXENSA. Duranti ESTADU DI AUTO-KUXENSA nu pode ten destelhus di KUXENSA OBJETIVU.

Si nu kre txiga na DESPERTA DI KUXENSA, na AUTO-KUXENSA, nu ten ki trabadja ku KUXENSA aki i gósi. É presizamenti aki na es mundu fíziku undi nu debe trabadja pa DESPERTA KUXENSA, ken ki desperta aki ta desperta na tudu parti, na tudu dimensons di Universu.

ORGANISMU UMANU é un ZODÍAKU VIVENTI i na kada un di se dozi konstelasons, ta durmi kuxensa profundamenti.

É urjenti desperta kuxensa na kada un di kes dozi parti di organismu umanu i pa kel li ki izersísius zodiakal.

Áries, ta governa kabesa; Taurus, garganta; Géminis, brasus, pé i pulmons; Kansér, glândula timu; Leo korason; Virgo, brenti, intistinus; Libra, rins; Escorpio, órgons sexual; Sagitário, artérias femorais; Capricornio, juelhus; Akuário, panturilhas; Piscis, pé.

É rialmenti lamentável ma es zodíaku viventi di MICRO-KÓSMUS ómi, ta durmi tan profundamenti. Ta faze indispénsabel alkansa a base di treméndus SÚPER-ESFORSUS, DESPERTA DI KUXENSA na kada un di nos dozi SINAIS ZODIAKAL.

Luz i Kuxensa é dóis fenómenos di un mésmu kuza; a ménor grau di Kuxensa, ménor grau di luz; a maior grau di Kuxensa, maior grau di luz.

Nu meste DESPERTA KUXENSA pa faze brilba i sinteila kada un di kes dozi parti di nos própiu zodíaku MICRO-KÓSMIKU. Tudu nos zodíaku debe konberte na luz i isplendor.

Trabadju ku nos própiu Zodíaku ta kumesa presizamenti ku ÁRIES. Sintadu DISÍPULU na un siltu konfortável ku mennti kieta i na silénsiu, vaziu di tudu klas di pensamentus. Txera dibotu se odju pa nada di mundu ka distraibu, imajina ma luz purísima di ÁRIES ta inunda se serébru, permanese na kel stadu di meditason tudu ténpu ki kre dipôs ta kanta kel poderózu Mantram AUM abri bém boca ku A, arédonda ku U i txera ku santa M.

Kel poderózu Mantram AUM é na sí més un kriason TERRIBLIMENTI DIVINA, pamodi ta atrai forsas di PAI, mutu amadu, di FILU mutu adoradu i di SPÍRITU SANTU mutu sabi. Vokal A ta atrai forsas di PAI, vokal U ta atrai forsas di FILU, vokal M ta atrai forsas di SPÍRITU SANTU. AUM é un poderózu MANTRAM LÓJIKU.

Dibotu debe kanta es poderózu MANTRAM kuatu bés duranti es prátika di ÁRIES i dipôs ta pon se di pé ku direçon pa orienti ta stende se brasu diritu pa danti ta mexe kabesa séti bés pa danti, séti pa trás, séti ta da volta pa ladu diritu, séti ta da volta pa ladu iskerdu ku intençon di ma luz di ÁRIES trabadja drentu di serébru ta desperta kes glândula pineal i pituitária ki ta permiti-nu persepson di kes DIMENSONS SUPERIOR DI SPASU.

É urjenti ma LUZ DI ÁRIES dizenvolve drentu di nos serébru ta desperta KUXENSA, ta dizenvolve kes poder sekretu kontidu na kes GLÂNDULAS PITUITÁRIA i PINEAL.

ÁRIES é símbulu di RA, RAMA, kordéru. Kel poderózu MANTRAM RA, kantandu sima ki debe, ta faze vibra kes fogus spinal i kes séti sentru magnétiku di spina dorsal.

ÁRIES é un sinál zodiakal di fogu, tene un enerjia formidável i MICRO-KÓSMUS ÓMI ta kapta-l di akordu ku se própiu forma di pensa, sinti i obra.

HITLER, ki foi nativu di ÁRIES, uza es tipu di enerjia na forma distrutiva, senpri, nu debe rikonxe ma na prinsípiu, antis di komete lókura di lansa umanidadi pa sigundu géra mundial, uza enerjia di ÁRIES na forma konstrutiva, ta eleva nível di vida di POBU ALEMON.

Nu pode birifika através di spiriénsia direta ma kes nativu di ÁRIES ta briga mutu ku kónjuji ó ku kónjuji.

Kes nativu di ÁRIES ten un markadu tendénsia pa briga sa mutu pendensérus pa natureza.

Kes nativu di ÁRIES ta sinti kapaz di inbarka na grandi inprensas i leba-s pa bon térmu.

Izisti na kes nativu di ÁRIES kel gravi difeitu di kre uza senpri forsa di vontadi na forma egoísta, stilu HITLER, ANTISOSIAL i distrutiva.

Pa kes nativu di ÁRIES ta grada mutu vida indipendenti, má monti Arianus ta priferi milísia i na es ka izisti indipendénsia.

Na karáter kes ARIANUS ta prevalese orgulhu, konfiansa na sí més, anbison i un valor verdaderamenti loku.

Metal di ÁRIES é FERU, pedra, RUBÍ, kolór, BERDJO, ilimentu, FOGU.

Pa kes nativu di ÁRIES ta konvin matrimóniu ku jentis di LIBRA, pamodi fogu i ar ta konpreende mutu bém.

Si kes nativu di ÁRIES kre ser filís na matrimóniu, debe kaba ku difeitu di raiba.