Kaprikórniu

21 DI DESENBRU TI 20 DI JANERU

SER, ÍNTIMU, MÓNADA, ten dôs ALMA; priméru é ALMA SPIRITUAL. Priméru é BEATRIZ di DANTE, priméru é BEATRIZ di DANTE, BELA HELENA, SULAMITA di SABI SALOMON, sposa adorável inefável, BUDDHI di TEOZOFI.

Sugundu é ALMA UMANU, prinsípiu KAUZAL, NOBRI SPOSU, MANAS SUPERIOR di TEOZOFI.

Mémo si paresi strânju y raru; enkuantu ki ALMA UMANU ta trabadja, ALMA SPIRITUAL ta djuga.

ADAN y EVA ta INTEGRA dentru di MÓNADA y se VALOR KABALÍSTIKU é 10 ki ta ranmenta-nu IO, ki ê dizê, pa vokal Iiiiiii. Ooooooo. Unyon sagradíssimu di ELTERNU MASKULINU ku ELTERNU FEMININU, INTEGRASON di kontrarius dentru di MÓNADA EZIENSIAL y DIVINU.

DIVINU TRÍADI ATMAN-BUDDHI-MANAS, SER, dja nu fla y nu ta volta pa ripití, ki na ANIMAL INTELEKTUAL kumun y korrenti, KA TA NASI, NEN TA MORRI, NEN TA RINKARNA.

Fora di kualkér dúvida nu pode y nu debe afirma, ki sô un FRAKSON di ALMA UMANU ta mora dentru di KORPUS LUNAR, es-li é ESÊNSIA, material PSÍKIKU pa ELABORA ALMA, pa dizenvolve ALMA UMANU y pa trasfundu pa ALMA SPIRITUAL.

MÓNADA, SER, ta kria, ta fabrika, ta dizenvolve se dôs ALMA y es-s ta debe sirbi-l y obedese-l.

Nu debe distingui entri MÓNADA y ALMA. UN MÓNADA, ki ê dizê, un SPIRITU é ES; un ALMA ta ten.

Distingui entri MÓNADA di un MUNDU y ALMA di un MUNDU; entri MÓNADA di un OMI y ALMA di un OMI; entri MÓNADA di un FORMIGA y ALMA di un FORMIGA.

URGANIZMU UMANU na últimu síntizi ê konpostu pa bilhonadis y trilionadis di infinitesimal MÓNADA.

Izixti vários klasi y órdi di elementu primarius di tudu izistênsia, di tudu urganizmu, a manera di JERMEN di tudu fenómenu di natureza, pa es-s nu pode txoma-s MÓNADA, tan ta uzá termu di LEIBNITZ, pa falta di otu más izpresivu pa indika simplisidadi di más simpli izistênsia.

Pa kada un di es JERMEN o MÓNADA, ta korresponde un ÁTOMU komu veikulu di ason.

MÓNADA ta atrai, ta konbina, ta transforma, ta da forma pa tudu urganizmu, pa tudu mundu, pa tudu mikro-urganizmu, etc.

Entri MÓNADA ten JERARKIA; MÓNADA inferior ta ten ki obedece es SUPERIOR, kel-li é LEI. MÓNADA INFERIOR ta pertense pa es SUPERIOR.

Tudu trilionadis di MÓNADA ki ta anima urganizmu umanu ta ten ki obedece donu, txefi, MÓNADA prinsipal.

MÓNADA RIGULADOR, MÓNADA PRIMURDIAL ta permiti atividade di tudu se subordinadu dentru di urganizmu umanu, ti ténpu sinhaladu pa lei di KARMA.

Kandu tas bilhonadis o trilionadis di MÓNADA o JERMEN VITAL ta bandona KORPU FÍZIKU, MORTE é ennton inevitável.

MÓNADA ê na SI MÉSMA INDISTRUTÍVEL, ta bandona ses antigu konekson pa rializa na kurtu ténpu otus novu.

RITORNO pa ES MUNDU, RINGRESO, RINKORPORASON ta ser IMPOSÍVEL sen trabadju di MÓNADA. Es-s ta rikonstrui novu SÉLULA ku ses persepson y sensason, novu urganizmu. Kandu MÓNADA PRIMURDIAL sta totalmenti DIZENVOLVIDU, el pode da se luxu di utilizá se Trilionadis di MÓNADA pa kria un mundu, un SOL, un kometa y konverti asina na MÓNADA RIGULADOR di un ASTRO KUALKÉR, má dja kel-li ê koza di DEUS.

MÓNADA o JERMEN VITAL ka ê izkluzivu di urganizmu fíziku, dentru di ÁTOMU di KORPU INTERNU ten aprizionadu monti órdi y kategoria di MÓNADA BIVENTI. Izistênsia di kualkér korpu fíziku o suprasensível, Anjéliku o Diabóliku, Solar o Lunar, ten pa fundamêntu bilhonadis y trilionadis di MÓNADA.

EGU LUNAR na SI MÉSMA ê un konpostu di ÁTOMU di inimigu sikrétu. Dizafortunadamenti dentru di kel ÁTOMU ten prizioneru MÓNADA o JERMEN VITAL.

Agora nu ta konpreende pur ki siênsia okultu ta flá: «DIMÓNIU É DEUS A INVERSA».

Pa kada ÁTOMU ta korresponde un JERMEN VITAL, un MÓNADA. Tudu infinitu mudifikason, tudu inumerável transformason, ê rizultadu di variadu konbinason di MÓNADA.

Natureza ta dipozita na TRÊS SEREBROS di ser umanu sertu kapital di VALORES VITAL, kandu es-s ta agota, morte é inevitável.

Três Serebros ê: 1-SENTRU INTELEKTUAL. 2-SENTRU EMOSIONAL. 3-SENTRU DI MUVIMENTU.

Dipôs di morte di KORPU FÍZIKU, EGU bestidu ku se KORPUS LUNAR, ta kontinua na mundu molekular.

Três koza ta bai pa simitériu, pa sipultura.1-KORPU FÍZIKU.2-KORPU VITAL.3-PERSUNALIDADI.

Korpu vital ta flutua pertu di sipultura y ta bai ta dizintegra konkordu ki korpu fíziku ta bai ta dizintegra, konkordu ki se MÓNADA ta bai ta liberta.

PERSUNALIDADI sta entri sipultura, má ta sai kandu algén ta leba flôr, kandu algún dulenti ta vizita-l, ta anbula pa panteon y ta volta pa se sipultura.

Persunalidadi ten un prinsípiu y un fin, lentamenti ta bai ta dizintegra na simitériu.

PROZERPINA, RÊINA di INFERNUS, é tanbê HÉKATE, DÊUSA BENSUADA MÃI MORTE, baxo ki se direkson Anju di MORTE ta trabadja.

MÃI ESPASU konvertidu na MÃI-MORTE, ta ama ku karinhu ses fidju y pa es-s ki el ta leba-s.

Anju di MORTE kandu es-s sta ta trabadja es-s ta rivisti ku ses traji funeráriu, es-s ta asumi un figura ispetral, es-s ta imbunha foisi y ku el es-s ta korta kordon di prata ki ta konekta KORPU INTERNU ku KORPU FÍZIKU.

Anju di morte ta korta fil di vida y ta poi EGU fora di korpu fíziku.

Anju di Morte ê mui sabi y es-s ta dizenvolve baxo RAIU DI SATURNU.

ANJU DI MORTE ka sô konxe kel rilasionadu ku morte kumun y korrenti di KORPU FÍZIKU, es MINISTRU DI MORTE ê, ale di más, profundamenti SABI na tudu kel rilasionadu ku MORTE di MI PLURALIZADO.

Dipôs di morte di korpu, DISINKARNADU ta kai na un dizmaiu ki ta dura três y mêiu dia.

LIVRU TIBETANU DI MORTU ta fla: «Bu sta na un dizmaiu durante es últimu três y mêiu dia. Asina ki bu rekobra di es dizmaiu bu ta ten pensamentu, ki kuze ki kontise? (pôs) na kel momentu tudu SAMSARA (UNIVERSU FENOMÉNIKU) ta sta na rivoluson.

VALOR KABALÍSTIKU di EGU ê SENKUENTA Y SEIS; es-li ê númeru di TIPHON, MENTI SEN SPIRITUALIDADI.

EGU ta leba se MUNDANALIDADI más la di sipultura di korpu fíziku y VISON RETROSPECTIVA di vida ki ka kaba di pasa ê un koza mui terível.

Dipôs di GRAN DIZMAIU di três y mêiu dia, difuntu ta ten ki REVIVI LENTAMENTI na forma retrospectiva, tudu vida ki ka kaba di pasa.

Konseitu TÉNPU ê un koza mui importanti na es trabadju di VISON RETROSPECTIVA di vida ki ka kaba di pasa o VISON RETROSPECTIVA di SAMSARA.

Na MUNDU-INFERNUS tudu iskala di ténpu ê mineral, ispantozamenti lentu y ta ozila entri 80.000, 8.000, 800 y 80 anu.

Na es REJION SELULAR ki nu ta mora, gista ta dura DIZ MÊS LUNAR; infánsia San MÊS LUNAR; vida poku más o mênus, Mil MÊS LUNAR.

Na Mundu Molekular nu pode midi akontesimentu ku iskala di ténpu ki ta bai di mês ti kuarenta minutu.

Na MUNDU ELETRÓNIKU iskala di ténpu ta ozila entri kuarenta minutu y dôs sigundu y mêiu.

VISON RETROSPECTIVA DI SAMSARA (VIDA KI KA KABA DI PASA), na instant di morte y durante três dia y mêiu siguenti, ê di tipu ELETRÓNIKU y pa es-s kada susesu nu pode midi ku padron di ténpu ELETRÓNIKU.

VISON RETROSPECTIVA DI SAMSARA na MUNDU MOLEKULAR ê mênus rápidu y pa es-s kada susesu nu ta midi ku PADRON DI TÉNPU MOLEKULAR.

ÍNTIMU, MÓNADA, SER ku se DÔS ALMA, antis ki nu nase na es val di lágrimas, ta MORA na VIA LÁKTIA y mémo durante vida di korpu fíziku li abaxu, ta kontinua ta mora na strela.

Fundamêntal pa ESÊNSIA dipôs di morte é alkansa ESTADU BÚDHIKU RILATIVU y LIBERTASON INTERMÉDIA, es-li sô ê pusível pa ENBRION di ALMA ki nu ten dentru, ta subi, ta asende pa MUNDU ELETRÓNIKU.

Ê URJENTI SABE ki na MUNDU ELETRÓNIKU ta mora nos DIVINU TRÍADI INMORTAL, nos SER, nos BUDHA.

Uni ku TRÍADI INMORTAL dipôs di morte, ser un ku el, ta signifika di fetu konverti na un BUDHA RILATIVU, alkansa LIBERTASON INTERMÉDIA y djusa di un féra férias antis di volta pa un novu urganizmu umanu.

Si na momentu supremu di morte, KLARA LUZ PRIMURDIAL foi dadebê reconxedu pa difuntu, ê sinhal klaru ki el alkansa LIBERTASON INTERMÉDIA.

Si na momentu supremu di morte, difuntu sô ta persibe KLARA LUZ SIGUNDÁRIU, ê sinhal di ki el ta ten ki luta monti pa alkansa stadu BÚDHIKU RILATIVU.

Kel más difísil pa ESÊNSIA ê DIZENBOTELHA, skapá di se prizon, sai di KORPUS LUNAR, bandona MI PLURALIZADO. Na es-s KARMA di kada ken ê difinitivu.

Kandu difuntu ribibe na forma retrospectiva tudu vida ki ka kaba di pasa, ennton el ta ten ki aprizenta anti TRIBUNAL di KARMA pa ser djulgadu.

Liženda di ZOROASTRU ta fla: «Tudu kel ki se bons obra ta sidi na três grama se pikadu, ta bai pa céu; tudu kel ki se pikadu é maior, pa infernu, enkuantu kel ki na el anbus sta igual, ta pirmanese na Hamistikan ti korpu futur ó risureson.

Oji en dia, na es ténpu di pirvisidadi y kru materializmu ateu, más parti di disinkarnadu ta ingresa dipôs di Djulgamêntu na RÊINU MINERAL sumérxidu, na MUNDU-INFERNUS.

Tanbê ten monti milhon ki ta mete na un novu matriz na forma inmediate o mediata, sen tene da-s luxu di un bon férias na MUNDU SUPERIOR.

Sertamenti prusésu di seleson izisti na tudu natureza y poku ki ta alkansa LIBERTASON INTERMÉDIA y STADU BÚDHIKU RILATIVU.

DISINKARNADU ta ingresa na ETERNIDADE baxo influênsia di LUA y ta sai di ETERNIDADE pa porta di LUA.

Dja nu odja na lison di KÂNSER ki vida interu di tudu pesoas ta prusésa baxo influênsia di LUA, MERKURIU, VENUS, SOL, MARTI, JÚPITER y SATURNU ta txera vida ku broxe LUNAR.

Rialmenti LUA ta leba-nu y LUA ta trê-nu y set tipu di vibason planetária na se órdi klásiku indikadu ta ripiti tanbê dipôs di morte, purki TAL KOMA KI STA DRENTA STA DIBAIXU».

Esênsia ki dipôs di ser djulgadu ten dirêitu pa LIBERTASON INTERMÉDIA y pa STADU BÚDHIKU RILATIVU, mizesita sertu tipu di éxtasi mui spesial y un rêitu sforsu konstant pa dizenbotelha-s, pa skapá di KORPUS LUNAR y EGU.

Afortunadamenti distintu grupu di MAISTRU ta asisti disinkarnadu y es-s ta djuda-s na es trabadju ku RAIU di GRASA.

Assim komu na es mundu selular ki nu ta mora ten Repúblika, Rêinu, Prezidenti, Rei, Gubernador, etc., asina tanbê na mundu molekular ten monti Paraízu, Rejion y Rêinu undi ESÊNSIA ta djusa di stadu indiskritível di filisidadi.

DISINKARNADU pode entra na RÊINU di filisidadi paradisiaku komu ê: kel di DENSA KONSETRASON; RÊINU di KABELU LONGU (VAJRAPANI); o na VIHARA ILIMITADU di RADJASON DI LOTU; (PADMA SAMBHAVA).

DISINKARNADU ki ta marxa pa LIBERTASON INTERMÉDIA debe djuda pa SI MÉSMA, ta konsentra mênte na kualkér un di es RÊINU di MUNDU MOLEKULAR.

Ê rialmenti mui duruzu vaga di vida na vida, erra pa kloaka orível di SAMSARA sen djusa di STADU BÚDHIKU y LIBERTASON INTERMÉDIA.

Izixti RÊINU di filisidadi inkonsíbivel undi DISINKARNADU debe sforsa pa entra, nu ranmenta RÊINU DITXUZU di OESTI governadu pa BUDHA AMITABHA.

Nu ranmenta RÊINU DI MAITREYA, siklu di TUSHITA, pa kel RÊINU di suprema ditxa tanbê pode ingresa DISINKARNADU ki ta marxa pa MUNDU ELETRÓNIKU.

DISINKARNADU debe orra monti pa GRAN KONPASIVU y pa se DIVINU TRÍADI, firmi na ses prupositus, sen dexa dizvia pa nada, si ê ki di verdadi ka kre kai na un novu matriz sen tene djusa di STADU BÚDHIKU INTERMÉDIA na MUNDU DI ELETROES.

Filisidadi na rejion ELETRÓNIKA, LIBERTASON INTERMÉDIA dipôs di ten pasa pa paraízu molekular, ê un koza inpusível di diskrebe ku palavras umanu.

BUDDHA ta viaja através di INALTERÁVEL INFINITU entri senfonia indiskritível di mundu ki ta palpita entri seiu di MÃI-ESPASU.

Empero, tudu prémiu, tudu kapital ta agota. Kandu DHARMA di filisidadi ta agota, RITORNO pa un novu matriz é ennton inevitável.

ESÊNSIA ta perde ÉXSTASI atraídu pa EGU LUNAR y dja enbotelhadu novamenti entri KORPUS LUNAR y EGU, ta RITORNA pa un novu matriz.

Instant ki ESÊNSIA ta perde ÉXSTASI ê kel ki ta volta pa sipara di se BUDHA ÍNTIMU pa fika enbotelhadu entri KORPUS LUNAR y MI PLURALIZADO.

RITORNO pa un novu matriz ta rializa di akordu ku LEI di KARMA.

EGU ta kontinua na dizendenti di se pasadu o pasadu vida.

MÓNADA di se pasadu KORPU FÍZIKU ten puder di djunta átomu, molécula y rikonstrui sélula y órgan, asina nu ta rikoje pa es mundu selular bestidu ku ka novu korpu fíziku.

Pobri ANIMAL, INTELEKTUAL kumun y korrenti ta kumesa se vida na es mundu komu un simpli sélula orijina], suxétu pa ténpu vilos (di sélula y ta txiga banda di setenta y oitenta anu o algen más, karregadu di ranmentason y spiriénsia di tudu índoli.

Ê URJENTI sabe ki na prusésu di RINGRESO o RITORNO ta rializa tanbê sertu SELESON.

MI ê un SUMA di pikinoti MIOES y ka tudu kel pikinoti MIOES ta RITORNA pa un novu urganizmu umanu.

MI ê un SUMA di ENTIDADI distintu, diverses, sen órdi di ninhun spési y ka tudu kel ENTIDADI ta RINGRESA pa un novu urganizmu umanu, monti di kel ENTIDADI ta RINKORPORA na KORPU di KABALU, KAN, GATU, PORCU, etc., etc., etc.

Sertu bês ki MAISTRU PITÁGORAS ta passeaba ku un amigu se, es-li tevi ki da ku un kan. MAISTRU ripreendeu-l ta flá: «KA BU DA-L, KI NA SE LADRIDU LÁSTIMU N TEN KONXE BOZI di un amigu mi ki móri».

Ê klaru ki ta txiga na es parti di nos kapítulu rizenti, fanátiku di DOGMA di IVOLUSON ta lansa kontra nu tudu se baba difamatória y ta protesta ta flá: EGU KA PODE RETROSSEDE, TUDU TA IVOLUI, TUDU DEBE TXIGA NA PIRFISON, etc., etc., etc.

Es FANÁTIKU ta ignora ki EGU ê un suma di pikinoti MIOES animal y ki kel similhanti ta atrai kel similhanti.

Es FANÁTIKU ta ignora ki EGU nada ka ten di DIVINU, ê un suma di ENTIDADI ANIMAL ki LEI di IVOLUSON nunka ka pode leba pa PIRFISON.

ENTIDADI ANIMAL ten plenu dirêitu di ingresa na matriz animal di kan, kabalu, porcu, etc., etc., etc., y kel-li KA PODE PROIBI es FANÁTIKU di DOGMA DI IVOLUSON, mémo si es-s ta grita y maldizi y truena y relampeia.

Es-li ê DOUTRINA di METAMORFOZI o METEMPSIKOSI di PITÁGORAS y ta fundamenta na mésmu Lei di Natureza.

Na ASNU DI ORU di APULEYU nu ta atxa totalmenti dokumentadu es DOUTRINA di PITÁGORAS.

APULEYU ta fla ki na TEZÁLIA di FEITISARIA pedra ka ser sô omi petrifikadu; pásaru, omi ku asa; árvor, omi ku foliazi; fonti, korpu umanu ki ta sangra klara linfa. Admirável manera simbóliku di riprezenta fetu indubidável pa tudu okultista, di ki DIVERSAS ENTIDADI ki ta konstitui MI PLURALIZADO, pode rinkorpora na urganizmu di bestia o ingresa na RÊINU MINERAL, VEJETAL, etc., etc., etc.

MÍSTIKU KRISTANU ku justa razon ta papiadu ku amor di irmon planta, irmon loba, irmon pedra.

RUDOLF STEINER, INISIADU ALIMON, ta fla ki na ÉPUKA POLAR sô ki izixtia OMI y ki animal izixti más tardi, staba drentu di OMI, foi eliminadu pa OMI.

Kel ANIMAL foi distintu parti o ENTIDADI di MI PLURALIZADO di OMI ORIJINAL. Kel ENTIDADI ki foi pa es-s eliminadu di se natureza internu y ki dibidu pa stadu PROTOPLASMÁTIKU di tera na kel épuka, marxa pa kristalizason fíziku atual.

Kel OMI POLAR y HIPERBÓREU mizesita elimina kel ENTIDADI ANIMAL, kel MI PLURALIZADO, pa konverti na OMI VERDADERU, na OMI SOLAR.

Alguns suxétu ê tan ANIMAL, ki si es-s tiradu tudu kel ki es ten di ANIMAL, ka ta fika nada.

SATURNU ê PLANETA di MORTE y ta izalta na KAPRIKÓRNIU. Es signu sta sinbulizadu pa un kabritu komu pa ranmenta-nu PELE DI TXIBU, ANIMAL INTELEKTUAL ku pele di TXIBU, mizesidadi di elimina kel ki nu ten di ANIMAL na nu, ENTIDADI ANIMAL ki nu ta karrega dentru.

PEDRA di KAPRIKÓRNIU ê ÔNIX NEGRU y tudu pedra negru na jeral, metal é XUMBU y se dia ê SÁBADU.

Na SÁBADU ta selebra BRUXA di Idadi Média ses orível AKELAR, má tanbê SÁBADU ê SÉTIMU DIA tan sagradu pa JUDEU. SATURNU ê VIDA y MORTE. Senda di vida sta furmadu ku pegada di kazku di kabalu di morte.

Korrenti magnétiku ki ta subi di tera dipôs di pasa pa sedás di pé ta kontinua pa panturrilha y ta txiga na djoe ta karrega ku XUMBU di SATURNU, asina ta adquiri sulidés, forma, forsa.

KA nu sta ta papiadu di XUMBU na se stadu brutu; nu sta ta papiadu di XUMBU na stadu KOLUIDAL, sutil.

Djoe poses un marvilhosa sustânsia ki ta pirmiti-s libri movimentu di tan sinplis y marvilhozu ingranaji ósseu. Kel sustânsia ê famuzu SINOVIA, ki ta ben di raíz SIN, ki ta signifika KU y OVIA, OBU. Total, SUSTÂNSIA KU OBU.

OBU ê mui utilizadu na SIÊNSIA JINAS y dja sobri es-li nu papiadu na TRATADU IZOTÉRIKU di TEÚRJIA, sigundu IDISON.

PRÁTIKA di KAPRIKÓRNIU. Durante signu di KAPRIKÓRNIU, imajina un ataúdi o kaixa di mortu na txon. Txoma pa riba di kel ataúdi imajináriu, má imajinando-l na sentru di perna; ta txoma bu ta dobra djoe, komu pa salva obistákulu, komu pa pasa perna pa riba di ataúdi, má ta faze gira djoe di diritu pa iskerda, ku mênte konsentradu na es-s, tenendu firmi intenson di ki es ta karrega di xumbu di SATURNU.

MAISTRU MAZON pode intende mui ben es prátika di SATURNU, purki ê mésmu pasu di MAISTRU MAZON ta entra na LOJA.

NATIVU di KAPRIKÓRNIU ten dispozison pa pidagogia, ta sufri monti, ten un GRAN SENTIDU DI DEBER, ê prátiku pa natureza y ta pasa na se vida senpri pa un gran sufrimentu, algen ta trai-s.

Mudjer di KAPRIKÓRNIU ê magnífiku sposa, fiel ti morte, fazendosa, trabadjadora, sufridu ti indizível, má apezar di tudu es virtudi, marido ta trai-s, ta bandona-s y monti bês ti kontra se prupiu vontadi, ê karma di es-s dizagradabelmenti.

Algun mudjer di KAPRIKÓRNIU ta mete ku otu omi, má es-li sô ê stadu dja bandonadu pa marido y dipôs di ten sufridu ispantozamenti.

Omi y mudjer di KAPRIKÓRNIU ê bastanti EGOÍSTA, mémo si ka tudu; nu ta riferi pa tipu inferior di KAPRIKÓRNIU. Dibidu pa es-s, pa kel EGOÍSMU, ta kontrai monti konpromissu y tanbê ta txinha ku inimigu.

Nativu di KAPRIKÓRNIU ta apega monti ku koza, ku dinheru y alguns ti ta torna mui abar.

KAPRIKÓRNIU ê un signu di tera, fixu, stável. Sinkonti, nativu di KAPRIKÓRNIU ta rializa monti viajén mémo si es ê kurtu.

Dor moral di KAPRIKORNIANU ê terível, ta sufri di más, afortunadamenti se sentidu prátiku di vida ta salva-s y ben sedu ta sobripoi pa pior amargura di vida.