Géminis

22 DI MAIO KU 21 DI JUNHU

IDINTIFIKASON I FASINASON TA LEBA PA SONHU DI KONSENSA. Izénplu: Nhos ta ba kalmu na rua; nhos ta atxa di gólpi ku un manisfestason públiku; multitúdi ta boka-boka, Líder di povu ta papia, bandeira ta balansa na ar, algen ta parse más kima, tudu ta papia, tudu ta grita.

Kel MANIFESTASON PÚBLIKU la ta más interasanti; ja nhos skisi tudu kel ki nhos tinha ki faze, nhos ta idintifika ku multitúdi, palavra di orador ta konvense nhos.

Tantu interasanti ki MANIFESTASON PÚBLIKU sta nhos skisi DI NHOS MÉS, nhos idintifika txeu ku kel MANIFESTASON DI RUA, ki ja nhos ka ta pensa na otu kuza, nhos sta fasinadu, gósi nhos kai na sonhu di konsénsa; misturadu ku multitúdi ki ta grita, nhos tanbê ta grita i até ta lansa pedra i insultu; nhos ta sonha dretu, ja nhos ka sabe nen kim ki nhos é, nhos skise tudu.

Nu ba gósi po un otu izénplu más sinplis: Nhos ta na sala di nhos kasa sentadu antis di telivizon, ta parse sénas di vaqueiru, ten tiru-tirótiu, drama di apaixunadu, etc., etc.

Filmi ta da más interasanti, el txoma nhos atenson tudu, ja nhos skise txeu DI NHOS MÉS, ki até nhos ta grita intuziazmadu, nhos sta IDINTIFIKADU ku vaqueiru, ku balazu, ku par di apaixunadu.

Fasinason é gósi terivel, ja nen rimótamenti nhos ta lembraba di sí més, nhos entra na un sonhu más profúndu, na kel mumentu so nhos krê odja trunfu di erói di filmi, na kel mumentu so nhos krê sorti ki el pode kore.

É milharis i milhonis di sirskunstánsia ki ta pruduze IDINTIFIKASON, FASINASON, SONHU. Algen ta IDINTIFIKA ku PERSONA, IDEIA i ku tudu jéneru di IDINTIFIKASON ta sigui FASINASON i SONHU.

Algen ta vive ku KONSENSA DURMIDU, ta trabadja ta sonha, ta maneja karu ta sonha i tanbê ta mata peon ki ta ba ta sonha pa rua, abisorvidu na sí própi pinsamentu.

Duranti óra di repozu di korpu físiku, EGU (NHA) ta sai di KORPU FÍSIKU i ta leba sí sonhu undi ki el krê ba. Na volta pa korpu físiku, na entra novamenti na stadu di Vijilia, ta kontinua ku sí mésmu sonhu i asina el ta pasa sí vida tudu ta sonha.

Peson ki ta more ta dexa di izisti, más EGU, NHA, ta kontinua na rijon SUPRASENSIBIS más la di mortu. Na óra di mortu EGU ta leba sí sonhu, sí mundanalidadi i ta vive na mundu di mortu ku sí sonhu, ta kontinua ta sonha, ku KONSENSA durmidu, ta anbula kima un sunánbulu, durmidu, inkonsienti.

Ken ki krê DISPERTA KONSENSA debe trabadja-el aki i gósi. Nu ten KONSENSA INKARNADA i pamodi kel nu debe TRABALHA-EL aki i gósi. Ken ki DISPERTA KONSENSA aki na es mundu ta disperta na tudu Mundu.

Ken ki DISPERTA KONSENSA na es MUNDU TRIDIMENSIONAL, ta DISPERTA na DIMENSON kuartu, kintu, sestu i sétimu.

Ken ki krê vive KONSENTI na MUNDU SUPIRIÓR, debe DISPERTA aki i gósi.

Kuatu ivanjélio ta insisti na nesesidadi di DISPERTA, más algen ka ta ntende.

Algen ta durme prufundamenti, más ta krê ki el sta dispertu, kuandu algen ta aseita ki el sta durmidu, é sinal klaru di ki ja kumesa ta disperta.

É más difísil faze otus peson ntende ki ten KONSENSA durmidu, algen ka ta aseita jamás verdadi tremenda di ki el sta durmidu.

Ken ki krê DISPERTA KONSENSA debe prátika di MUMENTU na MUMENTU íntima lembransa di Sí MÉS.

Kel di sta ta LENBRA sí més di MUMENTU na MUMENTU, é di fetu un trabadju inténsivu.

Basta un mumentu, un instanti di diskés pa kumesa ta sonha dretu.

Nu meste ku URJÉNSIA sta ta vijia tudu nos pinsamentu, sintimentu, dezéju, emoson, ábitu, instintu, impulsu seksual, etc.

Tudu pinsamentu, tudu emoson, tudu movimentu, tudu áutu instintivu tudu impulsu seksual, debe ser otu-obzirvadu imediatamenti konformi ta surgi na nos PSIQUIS; kualker diskuidu na atenson, é sufisienti kima pa kai na sonhu di KONSENSA.

Txeu bês nhos ta ba pa rua abisorvidu na nhos própi pinsamentu, idintifikadu ku kes pinsamentu, fasinadu, ta sonha dretu; di gólpi ta pasa un amigu djuntu ku nhos, ta saluda nhos, nhos ka ta responde-el saldu pamodi nhos ka ta odja-el, nhos ta sonha; amigu ta fica brabu, ta supone ki nhos é algen sen edukason ó ki pusivelmenti nhos sta brabu, amigu tanbê ta ba ta sonha, si el staba dispertu el ka staba ta faze sí més sikera konjetura, el staba ta da konta di inediatu ki nhos ta ba durmidu.

É txeu bês na ki nhos ta troka di porta i nhos ta bati undi ki nhos ka debe bati, pamodi nhos sta durmidu.

Nhos ta ba na un veikulu di transporti di siadji, nhos ten ki desé na diterminadu rua, más nhos ta ba idintifikadu, fasinadu, ta sonha dretu ku un negósiu na nhos munti, ó ku un lembransa, ó ku un afetu, di gólpi nhos da konta di ki nhos pasa di rua, nhos ta faze para veikulu i dipos volta a pé uns kuantu rua.

É más difísil manté-nu dispertu di mumentu na mumentu más é INDISPENSÁVEL.

Kuandu nu prende vive dispertu di mumentu na mumentu, enton nu ta dexa di sonha aki i fora di korpu físiku.

É nesesáriu sabe ki algen na durmi ta sai di sí korpu, más ta leba sí sonhu, ta vive na mundu internu ta sonha i na volta pa korpu físiku, ta kontinua ku sí sonhu, ta kontinua ta sonha.

Kuandu un ta prende vive DISPERTU di mumentu a mumentu, ta dexa di sonha aki i na mundu internu.

É nesesáriu sabe ki EGU (NHA) involvidu na sí KORPU LUNAR, ta SAI di KORPU FÍSIKU kuandu korpu ta durme, dizgrasadamenti EGU ta vive durmidu na MUNDU INTERNU.

Drentu di KORPU LUNAR izisti además di EGU, kel ki txoma ESÉNSIA, ALMA, FRASON DI ALMA, BUDHATA, KONSENSA. É a kel KONSENSA ki nu debe DISPERTA aki i gósi.

Aki na es mundu nu ten KONSENSA, aki nu debe DISPERTA-EL, si é ki di verdadi nu krê dexa di sonha i vive konsienti na mundu supiori.

PERSONA ku konsénsa dispertu enkuantu sí korpu ta ripoza na sí kama, ta vive, ta trabadja, ta atua konsienti na MUNDU SUPIRIÓR.

Peson KONSENTI ka ten prubléma di DESDOBRAMENTU, prubléma di prende DESDOBRA-SE a vontadi é tan so pa DURMIDU.

Peson DISPERTA nen sikera ta prêokupa pa prende disdobra-se, ta vive konsienti na MUNDU SUPIRIÓR, enkuantu sí korpu físiku ta durme na kama.

Peson dispertu ja KA TA SONHA, duranti ripozu di korpu ta vive na kes rijon undi ki algen ta anda ta sonha, más ku KONSENSA DISPERTA.

PERSONA DISPERTA sta na kontaktu ku LÓGIA BRANKA, ta vizita TEMPLU di GRAN FRATERNIDADI UNIVERSAL BRANKA, ta intrevista ku sí GURÚ-DEVA, enkuantu korpu ta durme.

ÍNTIMA LEMBRANSA DI SÍ MÉS di mumentu na mumentu, ta dizenvolve sintidu ISPASIAL i enton até nu pode odja sonhu di algen ki ta anda pa rua.

SINTIDU ESPASIAL ta inkliu na SÍ MÉS, vista, ódio, xéru, gostu, tatu, etc. SINTIDU ESPASIAL é FUNSIONALISMU di KONSENSA DISPERTA.

TXAKRA, di kel ki literatura ukultista ta papia, ku rilason ku sintidu espasial, é kel ki txama di txama di un sirilu, ku rilason ku Sol.

Si dja ki ÍNTIMA LEMBRANSA di si més di mumentu na mumentu, é fundametal pa DISPERTA KONSENSA, ka é más ménus prende maneja ATENSON.

Studanti GNÓSTIKU debe prende dividi ATENSON na três parti: SUJÉITU, OBJÉTU, LUGAR.

SUJÉITU. Ka kai na diskés di SÍ MÉS antis di ninhun reprizentason.

OBJÉTU. Obzirba na ditáji tudu kuza, tudu reprizentason, tudu fetu, tudu susésu pur insinifikanti ki es parse, sen OTO-DISKÉS di SÍ MÉS.

LUGAR. Obzirvason rigorozu di lugar undi nu atxa-nu, ta prigunta pa SÍ MÉS: Ki lugar ki es é? Pamodi ki N sta aki?

Drentu di es fator LUGAR, nu debe inkliu kueston DIMENSIONAL, pamodi pode da kazu di atxa-nu rialmenti na kuartu ó na kintu DIMENSON di natureza duranti mumentu di OBZIRVASON; nu lenbra ki natureza ten séti DIMENSON.

Drentu di MUNDU TRIDIMENSIONAL ta reina lei di gravidade. Drentu di DIMENSON SUPIRIÓR di natureza, izisti Lei di LEVITASON.

Na obzirba un lugar, nu ka debe skise jamás kueston di séti DIMENSON di natureza; ta konven ta prigunta pa SÍ MÉS: Na ki DIMENSON N sta?, i dipos é nesesáriu, a módi di virifikason, da un saltitu más longu pusivel ku intenson di flutua na anbienti sirskundant. É lóžiku ki si nu flutua é pamodi nu atxa-nu fora di KORPU FÍSIKU. Nu ka debe skise jamás ki kuandu korpu físiku ta durme, EGU ku KORPU LUNAR i ESÉNSIA la drentu, ta anbula inkonsienti kima un sunánbulu na MUNDU MULIKULAR.

DIVISON DI ATENSON entri SUJÉITU, OBJÉTU, LUGAR, ta konduzi pa DISPERTA di KONSENSA.

Txeu studanti GNÓSTIKU dipos di kustuma ku es izersísiu, a es DIVISON DI ATENSON na três parti, a kes prigunta, a kel saltitu, etc., duranti stadu di vijilia, di mumentu na mumentu, ta rizulta ta prátika mésmu izersísiu duranti sonhu di korpu físiku, kuandu rialmenti el staba na mundu suprior i na da famozu saltitu ispirimental, el flutua dilisiosamente na anbienti sirskundant; enton el disperta KONSENSA, enton el lenbra ki korpu físiku tinha fika durmidu entri kama i txeu di gózu el pode dedika sí pa studu di MISTÉRIU di vida i di MORTU, na DIMENSON SUPIRIÓR.

É apena LÓŽIKU fla ki un izersísiu ki ta prátika di mumentu na mumentu diaria, ki ta konverte na un ábitu, na un kustumi, ta gráva tantu na dizfrenti zona di MUNTI, ki dipos ta ripiti automatikamenti duranti sonhu, kuandU rialmenti nu sta fora di korpu físiku i rizultadu é DISPERTA di KONSENSA.

JÉMINIS é un sinal di aer, governadu pur PLANETA MIRKÚRIU. JÉMINIS ta governa pulmon, brás i pé.

PRÁTIKA. Duranti SINAL ZODIAKAL DI JÉMINIS, studanti Gnóstiku debe deita di kósta i rilaxa korpu. Dipos ten ki inala aer sinku bês i izala-el otus sinku; na inala ten ki imajina ki lus antis akumuladu na larinji, ta atua gósi na bronku i pulmon. Na inala ta abri pé i brás a diritu i iskérdu, na izala ta sera pé i brás.

Metal di JÉMINIS é MIRKÚRIU, pedra é BIRILU ORO, kór AMARILU.

Natívu di JÉMINIS ta ama txeu vijajis, ta komete erru di dizpreza sabiu bos di kurason, krê rizuve tudu ku munti, ta brabusa fasilmenti, é más dinámiku, virstatil, vulublis, iritábel, intilijenti, sí vida sta txeu di susésu i di frakasu, ta puzui un valor más loko.

Natívu di Jéminis é prublemátiku pa sí rar duálismu, pa kel DOBRI PIRSONALIDADI ki ta karaktiriza-el i ki sta simbolizadu entri Grégus pur kes MISTÉRIUZU IRMON txomadu KÁSTOR i PÓLUX.

Natívu di JÉMINIS jamás ka ta sabe kima ki el ta prizidi na tal ó na kual kazu, dibidu prizisamenti a sí DOBRI PIRSONALIDADI.

Na kualker mumentu ditirminadu natívu di JÉMINIS ta rizulta un amigu más sinseru, kapás di sakrifika até sí própi vida pa amizadi, pa person a kual ki el ofrisa sí karinhu, más na kualker otu mumentu, é kapás di piori infámia kontra kel mésmu person amadu.

Tipu infirior di JÉMINIS é más perigozu i pamodi kel ka é akonselhável sí amizadi.

Difetu más gravi di natívu di JÉMINIS, é tendénsia pa julga falsamenti a tudu person.

Jémis KÁSTOR i PÓLUX ta konvida-nu pa riflison. É sabidu, di efetu, ki na natureza matéria manisfestadu i la okulta inérjia simbolizadu na kalor, lus, ilitrisidadi, forsa kínika i otus suprior ki inda é pa nu diskonxedu, ta prizidi sénpri na forma inversu i aparison di un ta prizupõe sénpri a ENTRÓPIA ó DIZPARISON di kel otu, nen más nen ménus kima MISTÉRIUZU IRMON KÁSTOR i PÓLUX, símbolu di tal fenómenu entri Grégus. El ta vive i ta more alternativamenti kima alternativamenti ta nase i ta more, ta parse i ta dízparese, dundé ki matéria i inérjia.

Prizésu di JÉMINIS é vital na KOSMOGÉNESIS. Téra orijinal foi un sol ki ta kondensa gradualmente a ispensa di un anel nebulozu, até stadu lamentável di prata obskuresidu, kuandu ta ditirmina pur iradiason ó infriasimentu priméru filmi sólidu di nos globu pur meiu di fenómenu kímiku di disipason ó ENTRÓPIA di inérjia ki ta konstitui stadu grosériu di matéria ki nu ta dinumina sólidus i líkidu.

Tudu kes mudansa na natureza ta rializa di akordu ku íntimu prizésu di KÁSTOR i PÓLUX.

Pur es ténpu di Sékulu VINTI, ja vida inisia sí ritornu pa ABSULUTU i matéria groséra ta kumesa ta transforma na INÉRJIA. Nu fla-nu ki na KINTU RONDA TÉRA ta ser un kadáver, un novu LUA i ki vida ta dizenvolve ku tudu sí prizésu konstrutivu i distrutivu, drentu di mundu itériku.

Di pontu di vista EZOTÉRIKU nu pode garante ki KÁSTOR i PÓLUX é alma jémis.

SER, íntimu di kada un di nos, ten dôs ALMA JÉMIS, ASPIRITUAL, i LA HUMANA.

Na ANIMAL INTILIKTUAL kunun i kurenti, SER, íntimu, ka NASI nen ta more, nen ta RINKARNA, más sim ta inbia pa kada PIRSONALIDADI nóvu, ESÉNSIA; és é un FRASON di ALMA HUMANA; BUDHATA.

É urjenti sabe ki BUDHATA, ESÉNSIA, sta depozitada drentu di KORPU LUNAR ku kual ki EGU ta visti.

Ta papia na forma un poku más kláru, nu ta fla ki ESÉNSIA sta dizgrasadamenti imbutilhada entri EGU LUNAR. Perdidus ta dissi.

Dissi pa MUNDU-INFERNU, so ten pa óbjetu distrui KORPU LUNAR i EL EGU, pur meiu di INVOLUSON SUMERJIDA. So distruindo butelha, ta skapa ESÉNSIA.

Tudu kes insesanti mudansa di MATÉRIA na INÉRJIA i inérjia na matéria, ta konvida-nu sénpri pa rifleti na JÉMINIS.

Géminis sta íntimamenti rilasionadu ku bronku, pulmon i ripirason. MIRUKOSMU-OMEN sta fetu a imajin i simelhanza di MAKRO-KOSMU.

TÉRA tanbê ta ripira. Téra ta inala SULPHUR vital di SOL i dipos ta izala-el ja kunvurtidu na SULFHUR terrestri; es é, análogu ku omi ki ta inala oksijéniu puru i ta izala-el kunvurtidu na anídridu karbóniku.

Es uliada vital, alternativamenti asendenti i dissendenti, verdaderu sístole i diástole, ispirason i ispirason ta surgi di más profúndu siu di téra.