Pixes

DI 20 DI FEVRERU TA 21 DI MARSU

Nu txiga na NOTXI-MÃE di Kosmologia Ejipsiu, oseanu profundu di PEIXI, skuridadi inisiátiku sen limiti di spasu ABSTRATU ABSOLUTU; primeru elementu di abismu undi undinas ta guarda ORO di RHIN ô FOGU di PENSAMENTU DIVINU y JENÉSIAKU.

PEIXI sta sabiamenti sinbolizadu pa dôS PEIXI; peskadu, Peixi, é SOMA di MISTERIUS DI ISIS. PEIXI É SINBOLU BIVENTI DI KRISTIANISMU GNÓSTIKU PRIMITIVU.

DÔS PESKADU di PEIXI ligadu pa traveson ten un sinifikadu profundu GNÓSTIKU, es ta ripresenta dôS ALMA di ELOHIM PRIMORDIAL mergudjadu entri agu profundu di NOTXI-MÃE.

Nu dja splika, na kapítulus prisidenti ki ÍNTIMU, SER, ATMAN, ten dôS ALMA: un FEMININU, otu MASKULINU.

Nu dja splika ki ALMA SPIRITUAL, BUDDHI, é femininu. Nu dja fla y nu ta volta ripití, ki ALMA UMANU, MANAS superior, é maskulinu.

KAZAL sagradu, KAZAMENTU DIVINU ETERNU, sta senpri sinbolizadu pa dôS peixi ligadu pa traveson; úrtimu li é SER ATMAN.

KAZAL sagradu, dôS PEIXI eternu, ta trabadja entri agu di abismu kantu txiga aurora di MAHANVANTARA.

Dôs PEIXI inefável ta trabadja diritu di ATMAN, kantu txiga óra di aurora di kriasãu.

Sima ki, é bon lenbra ki ISIS y OSIRIS nunka ka ta pode trabadja na GRAN OBRA, sen famozu MERKURIU di FILOSOFIA SEKRETU. Na es MERKURIU SEXUAL ki ta atxa txavi di tudu poder.

Un sírkulu ku un linha vertikal travesadu sinbolizmu hierátiku, é uniaun sakradísimu di ETERNU FEMININU ku MASKULINU ETERNU; INTEGRASON di kontrarius na MÓNADA ESENSIAL, inefável y Divinu.

Di entri GRAN MÃE-SPASU ta surji Mónada, SER. Di entri GRAN OSEANU ta lebanta ELOHIM pa trabadja na aurora di MAHANVANTARA.

AGUA é elementu femininu di tudu kel ki kriadu, di undi ki ta ben MATER LATINA, y létra M, terivelmenti DIVINA.

Na KRISTIANISMU GNÓSTIKU é MARIA mezu ISIS, MÃE DI KOSMUS, eterna MÃE-SPASU, agu profundu di abismu.

Palavra MARIA ta dividi na dôS sílaba; primeru é MAR, ki ta lenbra-nu oseanu profundu di PEIXI. Sigundu é ÍA, ki é un variant di IO (iiioooo), nómi augustu di MÃE-SPASU, sírkulu di NADA, di undi tudu ta imana y pa undi tudu ta volta; UN, UN ÚNIKU di universu manifestadu, dipôs di notxi di gran Pralaya ô anikilamentu.

Siparadu Agu superior di inferior, dja fazedu lus, é dizê, dja surji pa vida VERBU animador di KOSMUS, FILU, y es vida li tuma sima elementu transmisor SOL, kel ki ta atxa na sentru di nos sistema solar, sima korason dentru di nos organizmu.

Vibrasons fekundu di SOL é rialmenti fogu biventu ELEMENTAL ki ta kondensa na sentru di kada planeta, ta konstitui na korason di kada un di es.

Tudu kel LUS li, tudu kel VIDA li, sta ripresentadu pa séti spiritu anti tronu, dentru di TENPLU-KORASON di kada un di séti planeta di SISTEMA SOLAR.

Trabádju di sipara agu di agu, ta korispondi pa kazal sagradu. Kada un di SÉTI ESPIRITU anti TRONU, imana di SÍ MEZMU, kazal sagradu di PEIXI pa ki es trabadja na AURORA di kriasãu ku poder di KRIYASAKTY, poder di palavra pirdidu, poder di BUNTADI y YOGA.

AMOR di AMORIS, PASION MÍSTIKU di úrtimu fogu entri MARIDU ETERNU y ESPOSA DIVINA, é vital pa sipara AGU SUPERIOR di AGU INFERIOR.

Na es TRABÁDJU atxa MAITHUNA TRASENDENTAL; KRIYASAKTY, PALAVRA KRIADOR.

El ta da FOGU y el ta transmuta agu ta sipara SUPERIOR di INFERIOR.

DôS Peixi ta projeta dipôs kel fogu li y kel agua superior transmutadu riba agu di KAOS riba matéria kózmiku ô material pa mundu, riba jérmis durmidu di izisténsia y ta brota vida.

Tudu trabádju ta rializa ku ajuda di PALAVRA y di BUNTADI y YOGA.

Na prinsípiu, UNIVERSU é sutíl, dipôs ta kondensa materialmenti, ta pasa pa susesivu peridus di KRISTALIZASON progresivu.

Izisti miliõis di UNIVERSU na spasu infinitu, entri seiu di MÃE-SPASU.

Alguns UNIVERSU sta sai di PRALAYA, ta brota di entri agu profundu di PEIXI, otus sta na plenu atividadi, otus sta ta dizolve entri agu eternu.

Nada ka ta pode faze ISIS y OSIRIS sen MERKURIU SEXUAL, dôS peixi eternu, ta ama, ta adora y ta vive senpri ta kria y ta volta novamenti pa kria.

Peixi é sinbolu más sagradu di GNOSTIKISMU KRISTIANU PRIMITIVU. É lástima ki millaris di studanti di okultizmu skisi GNOSIS di peskadu.

Na nos planeta terra ta vive séti UMANIDADI ku korpu físiku y di tudu séti, úrtimu é nos, úniku ki sta frakasadu pamódi pirdi GNOSIS.

Otus sés UMANIDADI ta vive na stadu di JINAS, na KUARTA DIMENSION, dja dentru di interior di TERRA, dja na txeu komarkas y rejions JINAS.

IDADI di PEIXI ka dja debe ser un frakasu sima rialmenti foi. Kauza kauzorum di frakasu PISIANU debe pa sertu elementu tenebrozu ki traí GNOSIS y pridika sertu DOUTRINA AGNÓSTIKU ô ANTI-GNÓSTIKU, ta subistima PEIXI, ta diskarta RELIJION SABIDURIA y ta sumi umanidadi na materializmu.

Lenbra LUSIU ta txiga na sidadi di HYPATIA, ta ospeda dipôs na kaza di MILON, undi ki se mudjer PÁNFILA é un feitisera pirversu. Ta sai pa poku LUSIU pa kunpra peskadu (EL ICTUS, SINBOLU DI NASENTI KRISTIANISMU GNÓSTIKU, PEIXI, PESKADU, SOMA, di MISTERIUS DI ISIS).

Peskadoris ta bende-l pa infeliz vint dinariu y ku sertu disdénu spantozu, kel ki antis pritendi bende pa sien skudu, terivel sátira na kel ki ta bai envolvidu más grandi dizprezu pa NASENTI y dja infatuadu KRISTIANISMU GNÓSTIKU.

Rizultadu di KRISTIANISMU AGNÓSTIKU ô ANTI-GNÓSTIKU, foi DIALÉTIKA MATERIALISTA MARXISTA.

REAKSON kontra GNOSTIKISMU foi MATERIALISMU repugnanti sen DEUS y sen lei.

Pode asegura ki idadi di PEIXI frakasa pa AGNOSTIKISMU. Traison pa GNOSIS foi krimi más gravi di idadi di PEIXI.

JESUS KRISTU y se dozi peskadoris, INISIA un idadi ki ben pode dja ser di grandi isplendor.

JESUS y se DOZI APÓSTULUS GNÓSTIKU indika kaminhu prisizu pa idadi di PEIXI, GNOSTIKISMU, sabiduria di PESKADU.

É lamentável ki tudu livru sagradu di SANTA GNOSIS dja ser kemadu y ki dja skisi sagradu sinbolu di peixi.

PRÁTIKA. Duranti sinu di PEIXI ten ki vokaliza un óra diáriu. Lenbra ki na prinsípiu éra VERBU y ki VERBU staba ku DEUS y ki VERBU éra DEUS.

Na anti guenti séti vokal di natureza ta rizoaba na tudu organizmu umanu di kabesa ta pé, y gora é nesesariu restaura séti nóta na arpa maraviozu di nos organizmu, pa restaura poderis pirdidu.

Vokal “I” ta faze vibra glándulas PINEAL y PITUITARIA; es dôs glandulitas di kabesa sta djuntu pa un kanalinhu ô kapilar sumamenti sutíl, dja dizarisidu na kadáveris.

PINEAL ta atxa na parti superior di sirébru y pituitária na plexu kavernáriu entri dôs subranselha.

Kada un di es dôs glandulita ten se AURA VITAL y kantu dôs AURA ta misturadu, ta dizenvolve SENTIDU ESPASIAL y nu ta odja ULTRA di tudu kuza.

Vokal “E” ta faze vibra glándula tiróidis ki ta sekreta YODU BIOLÓJIKU. Es Glandula ta atxa na garganta y na el ta rizidi txakra di otxidu májiku.

Vokal “O” ta faze vibra TXAKRA di korason, sentru di INTUISON, y tudu klas di poder pa sai na ASTRAL, stadu JINAS, etc.

Vokal “U” ta faze vibra PLEXU SOLAR, situadu na rejion di unbigu. Es PLEXU SOLAR é Sentru Telepátiku y Sirébru imusional.

Vokal “A” ta faze vibra txakra pulmonar ki ta permiti-nu lenbra nos vida pasadu.

Vokal “M”, tenidu profundamenti pa konsuanti, ta vokaliza ku labius txikinhu, sen abri boka, son ki ta sai enton pa nariz é “M”.

Vokal “M”, ta faze vibra ENS SEMINIS, agu di vida, MERKURIU di filosofia sekretu.

Vokal “S” é un silvu dusi y apasível ki ta faze vibra fogu dentru di nos.

Sentadu na un komodu siltón ten ki vokaliza I. E. 0. U. A. M. S. Ta leba son di kada un di es séti vokal di kabesa ta pé.

É nesesariu inala izaladu dipôs ar djuntu ku son vokal ben prolongadu, ta gasta izalason.

Es prátika ten ki faze-l diáriamenti pa dizenvolve Eterna poder májiku.

PEIXI sta governadu pa NEPTUNU, planeta di okultizmu prátiku y pa JÚPITER TONANTI, Pai di DEUSIS.

Metal di Peixi é ESTANHU di Júpiter; pedra, AMATISTA, KORALIS. Peixi ta governa PÉS.

Nativu di Peixi pa konun ta ten dôs mudjer, vários filhu. É di natureza dual y ten dispozison pa dôs profisson ô ofísiu. Nativu di Peixi é txeu difísil di konpreende, ta vive sima peixi, na tudu, mas siparadu di tudu pa líkidu elementu. Ta adapta pa tudu, mas na fundu ta dizpreza tudu kuza di mundu. É iskizitamenti sensitivu, intuitivu, profundu y guenti ka pode konpreende-s.

Nativu di Peixi ten gran dispozison pa okultizmu, pamódi ki Peixi sta governadu pa NEPTUNU, planeta di EZOTERISMU.

Mudjer di PEIXI é txeu nervozu, sensitivu sima un flor delikadísimu; intuitivu, imusionável.

Pisianos ten bon sintimentu sosial, alegri, pasífiku, ospitaleiru pa natureza.

Perigu di Pisianos é kai na priesa, negligénsia, pasividadi y indiferénsia pa vida.

Pisianos pode txiga té falta di rizponsabilidadi moral. Menti di Pisianos ta osila entri konprension rápidu ô fatal, priesa y dizprezu pa kuzas más nesesáriu pa vida. É dôs istremu y tanpunta ki ta kai na un istremu sima na otu. Buntadi di Pisianos asvês é forti, mas ta kunbia na otus okaziois.

Kantu ta kai Pisianos na indiferénsia y pasividadi istremu, ta dexa leba pa korrenti di riu di vida, mas kantu dja odja gravedad di se konduta, ta pon na jogu se buntadi di aseru y enton ta kunbia radikalmenti tudu kaminhu di se izisténsia.

Pisianos di tipu superior é GNÓSTIKU na sientu pur sientu, ta pose un buntadi di aseru inkibrantável y un altísimu sintidu di rizponsabilidadi moral.

Tipu superior di PEIXI ta da grandi ILUMINADU, MESTRI, AVATARAS, REIS, INISIADU, etc., etc.

Tipu inferior di PEIXI ten un marka tendénsia pa LUXÚRIA, alkoolizmu, gluntonaria, priesa, orgulho.

Pisianos ta gosta di viaji, mas ka tudu pode viaja. Pisianos ten un gran imajinason y un trimendu sensibilidade.

Ta riziulta txeu difísil konpreende PISIANUS, só PISIANUS pode konpreende Pisianus.

Tudu kel ki pa guenti konun y korrenti ten gran inportánsia, pa Pisianos ka bale nada, mas é diplomátiku, ta adapta pa guentis, ta aparenta ki sta di akordu ku es.

Kuza más gravi pa nativu di Peixi, é ten ki difini na keston konjugal, pamódi kuazi senpri dôs amor básiku fundamental, ta mexe-s na un kaminhu sen saída.

Tipu SUPERIOR di PEIXI dja trasende pa es frakeza y é KASTU na forma ABSOLUTA.

Pa konun ta sufre txeu Pisianos ku família na se primeru anus.

É difísil atxa un Pisianu ki dja ser felis ku família duranti se primeru anus.

Tipu mutu inferior di mudjer di PEIXI, ta kai na prostituison y na alkoolizmu.

Tipu superior di mudjer di PEIXI nunka ta kai asina, é sima un flor mutu delikadu, sima un flor bonitu di LOTU.