Prefásiu

INTRODUSON

DI MASTRU GARGHA KUICHINES

Ista Astrologia Científiku ô Numériku ki ta iziji studus tenpu pa prendi, ku el Astrólogus di tudu ténpus ta faze pirdison sobri susedimentus di inportánsia. Tanbê es ta uza kel konximentu li grandi personajens sima kel kazu di Hitler na Alemanha ki uza Astrólogus spésializadu pa dirijí-s na ses atakus di géra.

Ami Gnóstikus nu ta sipara di kel manera di studu li, pamodi ku el ómi é un brinquedu sigundu kes pirdison, un indifesu antis kes sinais ki ta marka kes diferenti kuadraturas ku pasu di kes astrus, ami nu konxe un astrologia ki ta inxina-nu a manipulá ku strelas i asina nu pode evita kes susedimentus ki podê prenunsia-nu kes spésializadu di Astrologia Numériku. Pa kel-li ta iziji troka korpus lunar ku ki nu ta nase, pa korpus solar ô luminozu ta uza raiz mésmu di ser ô seja di nos própi simenti.

Inimigu ki ta inpidi-nu skala konximentu divinu é nos Eu Sataniku ô Xefi di lejions ki ta governa nos korpu físiku. Manera más purfitu pa disfaze di Guardion di Umbral sima kes di mano iskérdu ta txoma é pur méyu di prusésu di Inisiasion ki pa ami kes gnóstiku ta kumesa ku entrada na santuárius ô Lumisiais, ta uza kes inxinamendu ki ta diriji i ta promovi Avatar di Akuáriu “Samael Aun Weor”.

Na épuka ki Inisiadu Jizus da ses inxinamendu a kes devotu di kaminhu fla: “Ami é kaminhu, ami é verdadi, ami é vida, tevi na kel ténpus li un grandi magu txomadu Simon Mago, txinu di pudéris ku grandi rikézas, ken ki ta manifista a ses disíplus: “Si Jizus txiga ses pai pur ses própi méritu, ami Simon, tanbê Ntxiga mi nha pai pur mi nha própi méritu i kel ki el faze foi sigui pur kaminhu iskérdu, ta afastaba di se ben amadu, kel prigu li ta staba sénpri latenti kantu kes devotu di kaminhu ta krê ki es pur si só pode trancende senda.

Pa kes ki pur primeru bês txiga na ses máns es sabeduria, nu ta informa-s ki ta iziji seis mês di studus priliminaris, ta studa kes obra di Samael Aun Weor i ta poi na prátikas ses konximentus, dipôs si el da prova di ki el ta buska rializa a fundu, i el krê un vida superior, enton, ta da-l entrada a kes Lumisiais pur méyu di un prusésu di adistramentu spésial.

Kantu devotu di senda sta priparadu pa kursu probatóriu, primeru prova ki el meste pasa é di Guardion di Umbral ô enfrentamentu ku se própi Satan kel ki ten stadu nos guia ku Mástru durante txeu sékulu. N ta lenbra ma la na anu di 1949, un disíplu di enton Hierofante di Mistérius Menor Aun Weor, i dipôs di más di kuartu mês di kastidadi absolutu foi subimétidu a prova di Guardion un dia 27 di Julhu. Ta inkontraba kel prinsipianti na un lugar solitáriu, el ta staba na interiór, más ka ta sabeba, kantu el Invoka Guardion di Umbral, es ka ta spera, ta kontaba kel prinsipianti ma primeramenti el sinti un friu di morti, ténpu ki staba klaru ta staba ta fika kada bês más skuru, ta aumenta tanbê kel friu li i un odur nuziondu ki ta faze-l trinbe di pavor, el sinti dizéju di sai ta fugi, má forsa Krístiku ki dja el tinha akomuladu na se organizmu pur méyu di trasmutason alkímiku, Arkanu A. Z. F., da-l valor pa permanese na kel lugar indizijavel. Di rópenti el odja ma ta binha pa el un bésta ku figura di simiu, totalmenti piludu, di kornus na fronti ki ta brilha-l i ta trina kantu ta movê, di nariz ku boka sima di mula, i el fla-l: Di manera ki bu krê abandona-m? Asina bu ta paga-m tan ki N ten favurese-u? Bu ta troka-m pa kel ómi ki bu ka konxe? I el responde-l txinu di pavor ma sin el ta abandona-l, bésta abalansa na el na atitudi di ataki, prinsipianti konxura-l, má di nada ka balel kel konxurason débi di un ómi débi ku atimorizadu, má el lenbra ma el éra un Xela di Kristu i el konxura-l na nómi di Kristu i asina el retresede un poku, kada bês ki ta abalansa-l, ta pidi pruteson a Kristu ku ses amadu Mástri i ta dizê-l: bó ka pode más kontra mi, N ta vense-u i bésta retira ta profiri minásas di tudu klasis. Intrankilidadi di kel disíplu foi inmensu, dibidu ma Hierofante tinha sai ku dirijon pa otu siadji i kel-li ta iziji pur ménus três dia di ausénsia, má kantu el volta el prigunta-l i es responde-l: N ta parabénza-u, bu sai dretu di primeru prova ku Guardion di Umbral, es ser é bu própi satan, a el bu ten sirbi ku aliméta durante txeu sékulu, i kumó ki N ta aliméta-l?, Stodanti tximorozu prigunta i Mástru responde-l, el ta aliméta di bus baxos paxon, ta nutre di nos baxos dizéju, paxon morbózu, fornikason, adultériu, lupanares ku vida suju, tudu kel-li ta konstitui kes markador di ténplu ki nu ta papia di el Kristu, ta kumersia ku nos própi ténplu, gósi bu meste ku látrigu di vontadi sai fora di bo tudu kes markador ki ten-u skravizadu a Satan, gósi bu meste vense-s kada un di es si di verdadi bu krê liberta di mal i toma kaminhu blanku.

Pur méyu di es obra nu pode vizita tudu kes jenius stelar, ta asisti ténplu korason di strelas, ta pidi i ta trabadja ku kes ángel stelar, pa nu ka ser brinquedu di kes sirkunstánsia, má primeramenti nu ten ki spulsa kes markador di nos própi ténplu, nu ten ki prendi a manipula na nos própi Altar. Pa kel-li devotu ta konkure asiduamenti a kes rituais di kes Lumisiais; la ta prende ama i sirbi a Deus sobri tudu kusas i a prásmu, ta familiariza ku kes ritual ki más tardi ta konprende ma tudu infurmason di ritu di kultu ten íntima rilason ku altar vivu i ta diskubri marivilas inkonfesavel. JAXIN ku BOAZ di kes altares ta iziji pa máji di se altar i ate txiga mómentu ki ta prende da kes séti pasus ki ta iziji pa trabadja konsienti na altar di Deus vivu i na prizensa di dios bendita.

Ku doutrina di risureison nu ta prende mata kabru ki nu ta leba dentu i asina nu ta forma ku ténpu rebánhu di Kordéru Pascual. Asina nu ta liberta di Sinhor di Ténpu pa vive un izisténsia infinitu txinu di filisidadi eternu.