Touro

21 DI ABRIL TI 20 DI MAIU

Siendu Taurus SIGNU ZODIAKAL ki ta governa LARINGI KRIADORA, kel ÚTERU maraviozu undi ki PALAVRA ta kria, VERBU, ta konvenienti ki, a GROSU MODU, nu konprende na es lison palavras di JUAN, kantu el fla: “Na prinsípiu era VERBU i VERBU staba ku Deus i VERBU era Deus, pa El tudu kuzas foi fitu i sen El nada di kel ki é fitu nunka ka ta ser fitu.”

Iziisti séti ordi di mundus, séti kosmus kriadus ku poder di Verbu, ku múzika, ku son.

Primeru KOSMUS ta atxa-se sumerjidu entri LUZ INKRIADU di ABSOLUTU.

Sigundu ordi di mundus é konstituidu pa tudu mundus di spasu infinitu.

Terseru ordi di mundus é suma total di tudu sois di spasu streladu.

Kuartu ordi di mundus é Sol ki ta ilumina-nu ku tudu se leis i DIMENSONS.

Kintu ordi di mundus é konpuestu pa tudu planetas di sistéma solar.

Sestu ordi di mundus é Terra en si mésmu, ku se séti dimensons i rijons puadu pa infinitus seris.

Séptimu ordi di mundus é furmadu pa kel séti sféras konséntrikus ô MUNDUS INFERNUS di REINU MINERAL SUMERJIDU diritu kusta di kórtea di Terra.

Múzika, VERBU, kolokadu pa LOGUS na séti otavas muzikais, ta sustenta Universu firmi na se marsa.

Primeru ordi di mundus, nóta DO. Sigundu ordi di mundus, nóta SI. Terseru ordi di mundus, nóta LA. Kuartu ordi di mundus, nóta SOL. Kintu ordi di mundus, nóta FA. Sestu ordi di mundus, nóta MI. Séptimu ordi di mundus, nóta RE. Dipôs tudu ta volta pa ABSOLUTU ku nóta DO.

Sen múzika, sen VERBU, sen GRANDI PALAVRA, ta ser inpusível izisténsia maraviozu di SÉTI KOSMUS.

DO-RE-MI-FA-SOL-LA-SI. SI-LA-SOL-FA-MI-RE-DO. Kel séti nótas di GRANDI ESKALA DI VERBU KRIADOR, ta rizua na tudu kel ki kriadu, pamodi na prinsípiu era VERBU.

Primeru ordi di mundus sta sabeduramenti governadu pa ÚNIKA LEI, pa GRANDI LEI. Sigundu ordi di mundus sta governadu pa TRÊS LEIS. Terseru ordi di mundus sta governadu pa sês leis. Kuartu ordi di mundus sta governadu pa dôzi leis. Kintu ordi di mundus sta governadu pa vint i kuartu leis. Sestu ordi di mundus sta governadu pa kuarénta i otu leis. Séptimu ordi di mundus sta governadu pa noventa i sês leis.

Kantu ta papiadu di PALAVRA, ta papiadu tanbê di son di múzika, di RITMUS, di FOGU ku se trêz konpasu di MAHAVAN i di CHOTAVAN ki ta sustenta UNIVERSU firmi na se marsa.

SEUDU-OKULTISTAS i SEUDU-EZOTERISTAS, só ta mensiona MICROKOSMUS, i MACROKOSMUS, só ta sita dôz ordens di mundus, kantu na rialidadi é SÉTI KOSMUS, séti ordens di mundus sustentadus pa VERBU, pa múzika, pa FIAT LUMINOZU i espermátiku di primeru instanti.

Kada un di SÉTI KOSMUS é fora di kualkér dúvida un organizmu viventi ki ta respira, ta sinti i ta vive.

Di pontu di vista EZOTÉRIKU, nu pode garanti ki tudu progresu pa riba, é rizultadu di un avansu pa baxu. Ka ta pode subi sen baixa. Priméru ten ki baixa i dipôs subi.

Si nu kre konxe un KOSMUS, nu debe priméru konxe dôz adjuntus, ki sta riba i kel ki sta baxu, pamodi enbis determinadu pa tudu sirkunstánsias i fenómenus vital di KOSMUS ki nu kre studa, konxe.

Ezenplu: Na es époka undi ki sientistas ta luta pa konkista di spasu, ta fitu avansus térêtis, infelizmenti pikinoti, na mundu átómiku.

Kriason di SÉTI KOSMUS só foi pusível através di verbu, através di palavra, através di múzika.

Nos studantis GNÓSTIKUS ka debe skese nunka kel ki é trêz forsa txomadus PAI-FILU-SPIRITU SANTU. Es trêz forsa ta konstitui SAGRADA TRIAMAZIKAMNO.

Es é SAGRADA AFIRMASON, SAGRADA NIGASON, SAGRADA RIKONSILIASON; SANTU DEUS, SANTU FIRMI, SANTU INMORTAL.

Na iletrisidadi, es é trêz polos POZITIVU-NIGATIVU-NEUTRU. Sen konkursu di es trêz polos, ta rizilta inpusível tudu kriason.

Na Siénsia EZOTÉRIKA GNÓSTIKA, TRÊS FORSAS indipendenti ten nómis siguintes: SURP-OTHEOS; SURP-SKIROS; SURP-ATHANATOS. FORSA INPULSORA, AFIRMATIVA, POZITIVA. FORSA NIGATIVA, FORSA DI NIGASON, FORSA DI RIZISTÉNSIA. FORSA RIKONSILIADORA, FORSA LIBERTADORA, FORSA NEUTRALIZADORA.

Es trêz forsa na RAIU DI KRIASON ta parse trêz vontadi, trêz konsiénsias, trêz unidadi. Kada un di es trêz forsa ta ten na SI MÉSMA tudu pusibilidadis di trêz. Entretantu na se pontu di konjunson, kada un di es ta manifesta sólamenti se prinsípiu: kel pozitivu, kel nigativu ô kel neutru.

É interisantísimu odja trêz forsa na ason: es ta separa, ta afasta i dipôs ta RINCONTRA pa furma novus trinidadis ki ta oríjina mundus, novus kriasons.

Na ABSOLUTU, trêz forsa é LOGUS ÚNIKU, EJÉRSITU DI VÓS dentu di GRANDI UNIDADI di vida libri na se movimentu.

PRUSESU KRIADOR DI SAGRADA TRIAMAZIKAMNO KÓSMIKA KUMUN ta inisia ku konúbiu suxual di palavra pamodi na prinsípiu era verbu, i verbu staba ku DEUS i verbu era Deus. Pa el tudu kuzas foi fitu i sen el nada di kel ki é fitu, nunka ka ta ser fitu.

Di akordu ku SAGRADA LEI DI HEPTAPARAPARSHINOKH (LEI DI SÉTI), ta stabelese séti tenplu na KAOS pa konstrukson di es sistéma solar.

Di akordu ku LEI SAGRADA DI TRIAMAZIKAMNO (LEI DI TRÊS), ELOHIM divindi na trêz grupus dentu di tudu tenplu pa kanta di akordu ku LITURJIA DI FOGU.

Trabaju di faze fértil a PRAKRITI, ki krê dize KAOS, a MÃI KÓSMIKA, GRANDI VENTRI, é obra sénpri di sagradu TEOMERSMALOGOS, TERSEIRA FORSA.

Dentru di kada tenplu ta organiza trêz grupu asina; Priméru, un SASERDOTI. Sigundu, un SASERDOTISA. Terseru: un grupu neutru di ELOHIM.

Si nu ten na konta ki ELOHIM é ANDRÓGINUS, anton é klaru ki es ten ki polariza a vontadi na forma MASKULINU, FEMININU i NEUTRU, di akordu ku SAGRADA TRIAMAZIKAMNO KÓSMIKA KUMUN.

SASERDOTI i SASERDOTISA anti altar i na planta baxu di tenplu, koru ANDRÓGINU di ELOHIM.

RITUAIS DI FOGU foi KANTADUS i konúbiu suxual di palavra faze fértil GRANDI VENTRI di KAOS i nase UNIVERSU.

ÁNJUS ta kria ku poder di palavra. Laringi é úteru undi ki palavra ta kria.

Nu debe DISPERTA KONSIÉNSIA na PALAVRA, na LARINGI KRIADORA, pa un dia pode tanbê pronunsia FIAT LUMINOZU I ESPERMÁTIKU di primeru instanti.

KONSIÉNSIA ta durmi na nos laringi, nu é inkonsienti ku palavra, nu meste faze plinamenti KONSIENTI di PALAVRA.

Ta fladu ki silénsiu é oru. Nu ta fla ki izisti silénsius kriminozus. É tan mal papia kantu ten ki fika kaladu, kumu fika kaladu kantu ten ki papia.

Ten bês ki papia é un dilitu, ten bês ki fika kaladu é tanbê otu dilitu.

Similhanti a un flor bonitu, xeiu di kor, mas ki ka ten aróma, é palavras bunita, mas ki stéru di ken ki ka ta obra di akordu ku kel ki el ta fla.

Mas similhanti a un flor bonitu, xeiu di kor i xeiu di aróma, é palavras bunita i fikundu di ken ki ta obra di akordu ku kel ki el ta fla.

É urjenti tirmina ku mekanisidadi di palavra, é nesesáriu papia ku prizison, na forma KONSIENTI i oportuna. Nu meste faze KONSIÉNSIA di verbu.

Ten rizponsabilidadis na palavras i julga ku verbu é un sakriléjiu. Ningen ka ten direitu di julga ningen; é absurdus kalúnia prósimu; é stúpidu murmura di vida di otus.

Palavras kriminozus ta kai riba nos sedu ô tardi, kumu un raiu di vingansa. Palavras kaluniozus, infamis, sénpri ta retorna a ken ki pronunsia-l konvertidu na pedras ki ta feri.

Na otus ténpus, kantu inda seris umanus ka staba tan mekanizadus ku es falsu sivilizason, vakeirus ta leba gadu pa establu ta kanta na forma delisiozu i simplisménte natural.

TORU, VAKA, bitelin, ta kuminuvi ku múzika, ta korispondi a signu zodiakal di TAURUS, konstelason di verbu, di múzika.

Na GRANDI ALIGORIA PURÁNIKA, terra purzeguídu pa PRITHU ta fuji tranformandu na VAKA i ta rifujiandu na BRAHAMA. Mas es BRAHAMA é priméru Pésona di TRIMURTI Industán. VACH, VAKA é sigundu i VIRAH kel VARON DIVINU, bitelin, KABIR, LOGUS, é terseiru pésona.

BRAHAMA é PAI. VAKA é MÃI DIVINA, KAOS; BITELIN é KABIR, LOGUS.

PAI, MÃI, FILU, es é TRIMURTI PURÁNIKA. PAI é SABEDURIA. MÃI é AMOR, FILU é LOGUS, VERBU.

VAKA ASTRAL di sinku patas ki fizikalmenti ta krê odja Koronel Olcott, anti maraviozu ipojéiu di Karli; vaka stranhu i misteriozu ki ta odja sertu jóven minéru na Andis, kumu izótiugu guardion di kel tesórus ki minérus di se ransaria staba ta busca, ta ripresenta a MÃI DIVINA, REA, SIBELES, dizenvolvidu totalmenti na ÓMI VERDADERU, na MESTRI AUTU-RIALIJADU.

GAUTAMA kel BUDHA ô GOTAMA, ta signfika literalmenti kondutor di VAKA. Tudu BOIEIRU, tudu kondutor di VAKA, pode uza fogu JAINU di VAKA pa entra na téra, palásius, tenplus i sidadi di JINAS.

Ku poder di MÃI DIVINA nu pode vizita AGHARTI, sidadi JINAS di mundu subterráneu.

TAURUS ta kunvida-nu pa RIFLESON. Nu lenbra ki MERKÚRIU raba BAKAS DI SOL.

TAURUS ta governa LARINGI KRIADORA. É urjenti ki KUNDALINI flurise na nos labios fikundus fitu VERBU, só asina nu pode uza fogu JAINU pa entra na REINU di JINAS.

Na es époka di TAURUS nu debe leba LUZ pa nos laringi kriadora ku propózitu di pripara-l pa adiventu di FOGU.

Sinta disípulu na un silon kónfúrtavel; sera ólus físikus pa nada di es mundu vanu i kabés-duru ka distra-l, vazia menti, jita di se menti tudu klas di pinsamentus, dizéjus, priokupasons, etc. Imajina agóra ki LUZ akumuladu duranti ARIES na se cális, na se kabesa, ta pasa ku TAURUS pa laringi kriadora.

Kanta devotu kel MANTRAM AUM. Abre ben boka ku A, imajina ki LUZ ta desxi di kabesa pa laringi; vokaliiza U, imajinadu vivamenti ki luz ta inunda garganta; debe rintonba ben boka pa kanta U.

Últimu létra é M, serandu labios, ispili ô jita alentu ku forsa kumu eliminandu iskorias di garganta. Es trabaju ta fitu ta kanta kuartu bês poderózu Mantram AUM.

Na GLÁNDULA TIROIDES ki ta sikreta iódu biolójiku, ta atxa-se sentru magnétiku di ODJUDU MÁJIKU. Ku prátikas di TAURUS, ta dizenvolve ODJUDU MÁJIKU, poder di skuta sinfonias kósmikus, múzika di sféras, RITMUS DI FOGU ki ta sustenta séti kosmus di akordu ku lei di otavas.

GLÁNDULA TIROIDES sta situadu na kódu, na laringi kriadora.

GLÁNDULA TIROIDES sta governadu pa VÉNUS i PARATIROIDES sta governadu pa MARTI.

TAURUS é kaza di VÉNUS. Pédra di TAURUS é ÁGATA, metal di es signu é KOBRI.

Na prátika nu pode évidensia ki TAURINUS ka debe kaza ku pesoas di AKUÁRIU, pamodi es ta frakasa inevitabelmenti, dibidu a inkonpatibilidadi di karátis.

Signu di TAURUS é fixu, di téra, ta ten tendénsia pa stablidadi i kumu signu di AKUÁRIU é aéreu, móvel rivolusioanáriu, é klaru ki ta rizilta inkonpatíveis.

TAURINUS é kumu boi, mansu i trabadjadoris, mas kantu ta enfurese es é térêtis kumu TORU.

TAURINUS ta pasa na se vida pa GRANDI DISILUSONS AMOROZAS, é rizervadus, konservadoris, ta sigi pasu a pasu, kumu boi, pa kaminu trasadu.

TAURINUS é mutu sensíveis, ira na TAURINUS é di lentu kresimentu i suel ta kulmina na fortis istalus vulkánikus.

Tipu mediókri di TAURUS suel ser mutu egoísta, gluton, pendenson, pasional, irakundu, orgulhosu.

Tipu superior di TAURUS sta xeiu di AMOR, ta ama múzika klásiku, Sabeduria, ta trabadja ku alegria pa umanidadi, é mutu intelijenti, konprensivu, fiel, sinséru na amizadi, bon Pai, bon Mãi, bon amigu, bon irmon, bon sidadaon, etc.

GRANDÉZA MÍSTIKA di MITRÁIKU TORU ka konprendidu pa jinti supérfisial di es époka TENEBROZA di sékulu vinti, ta dizenera más tardi na kultu pa BITELU DI ORU.

VAKA SAGRADU ta sinboliza ISIS, MÃI DIVINA i se BITELU ô BITELIN ta ripresenta MERKÚRIU Mensajeru di DEUS, KABIR, LOGUS.

Na signu di TORU ta inklui ezotérikamenti PLEIADIS, CABRILLAS ô BAKAS SILÉSTIS, es últimus ta parse séti, mas na rialidadi é más di dôz mil, ku se nebulozas Maias, se strela prinsipal ALCYONE, i se konpanheirus ATLAS, TAIGETE, etc.

En tornu di odju kermedju di TORU ô ALDEBARÁN, uniku ki ku ANTARES, korason di ESKORPION, pode konpeti na kolorason ku MARTI, ta agrupa na forma straordináriu i maraviozu HYADAS teleksópikus, otu BAKADA SILÉSTI.

Tras di TORU ta ben jigantésku ORION. Pa riba i pa Norti di KONSTELASON DI TORU, izisti es grupu silésti, sinbóliku di REI CEFEO, ZÉFIRU Ô ZÉFIRO, di RÍÑA Kasiopea; di Libertador Perseu ku kabesa di Meduza entri se mons i Andrómeda, liberadu; en kantu ki anti sai baleia kuxiadu di PISCIS i AKUÁRIU.

Panórama di TAURUS i se rijons siderais vizinhu é rialmenti asombrozu.