Virgen

22 DI AGUSTU LI 23 DI SETENBRU

PRAKRITI é MÃI DIVINA, SUSTÂNSIA PRIMORDIAL di natureza.

Na Universu ten vários sustânsia, diferenti elementus y sub-elementus, mas tudu esu é diferenti mudifikason di un SUSTÂNSIA ÚNIKU.

MATÉRIA PRIMORDIAL é AKASA PURU kontidu na tudu espasu, GRANDI MÃI, PRAKRITI.

MAHANVANTARA y PRALAYA é dôs térmus SÂNSKRITU mutu inportanti ku kal estudantes GNÓSTIKUS debe familiariza.

MAHANVANTARA é GRANDI DIA KÓSMIKU. PRALAYA é GRANDI NOTI KÓSMIKA. Duranti GRANDI DIA izisti universu. Kantu txiga GRANDI NOTI, universu ta dexa di izisti, ta disolve na seiu di PRAKRITI.

Spasu inkunmensurável infinitu sta txêu di SISTEMAS SULAR ki ten se MAHANVANTARAS y se PRALAYAS.

Enkuantu alguns sta na MAHANVANTARA, otus sta na PRALAYA.

Milhons y bilhons di UNIVERSUS ta naxi y ta muri na seiu di PRAKRITI.

Tudu KOSMUS ta naxi di PRAKRITI y ta disolve na PRAKRITI. Tudu mundu é un bóla di fogu ki ta atxa y ta paga na seiu di PRAKRITI.

Tudu ta naxi di PRAKRITI, tudu ta volta pa PRAKRITI. El é GRANDI MÃI.

BHAGAVAD GITA ta fla: “GRANDI PRAKRITI é nha matriz, la mi ta pô germi y di el, ô Bharata!, ta naxi tudu seres”.

“Ô Kountreya!, PRAKRITI é verdadeiru matriz di kualker kusa ki ta naxi di diferenti matriz, y mi é germinador PATERNO”.

“SATTVA, RAJO y TAMO, es três GUNAS (aspetus ô kualidadis), nasidu di PRAKRITI, Ô bo di brasu puderozus!, ta mareta kurpu forti na ser inkarnadu”.

“Di es, SATTVA ki é puru, luminosu y bon, ta mareta ser inkarnadu!, Ô inpekável!, através di apegu na felisidad y na konximentu”.

“Ô KOUNTREYA!, sabe ma RAYAS é di natureza pasional y é fonti di DÉZEJU y di apegu; es GUNA ta mareta ser inkarnadu forti na ason”.

Ô Bharata!, sabe ma TAMO ta naxi di inoránsia y ta alusina tudu seres; el ta mareta ser inkarnadu através di inadverténsia, pregisa y son». (KONSIÊNSIA DURMIDA, SON DI KONSIÊNSIA.)

Duranti GRANDI PRALAYA es TRÊS GUNAS sta na perfetu ekilíbriu na GRANDI BALANSA di JUSTISA; kantu produzi dizekilíbriu di três GUNAS, ta inisia alvorada di MAHANVANTARA y ta naxi UNIVERSU di entri seiu di PRAKRITI.

Duranti GRANDI PRALAYA, PRAKRITI é UNITOTAL, INTEGRA. Na MANIFESTASON, na MAHANVANTARA, PRAKRITI ta diferensia na TRÊS ASPETUS KÓSMIKUS.

Três aspetus di PRAKRITI duranti MANIFESTASON, é: Primeru, kel di SPASU INFINITU; Sigundu, kel di NATUREZA; Terseru, kel di ÓMI.

MÃI DIVINA, na spasu infinitu; MÃI DIVINA na NATUREZA; MÃI DIVINA na ómi. Es é TRÊS MÃIS; TRÊS MARIAS DI KRISTIANIZMU.

Studantes GNÓSTIKUS debe konprende mutu ben es três aspetus di PRAKRITI, pamodi es é fundamental na trabadju EZOTÉRIKU. Além di más, é URJENTI sabe ma PRAKRITI ten se partikularidadi na kada ómi.

Studantes GNÓSTIKUS ka debe stranha si nu afirma-s ma PRAKRITI partikular di kada ómi ten até se nómi individual. Es ta sinifika ma nu ten tanbê kada un di nós un MÃI DIVINA. Konprende es, é FUNDAMENTAL pa TRABADJU EZOTÉRIKU.

NASIMENTU SIGUNDU é otu kusa. TERSEIRU LOGUS, FOGU SAGRADU, debe primeru faze fértil bariga sagrada di MÃI DIVINA, dipôs ta ben NASIMENTU SIGUNDU.

El, PRAKRITI, é senpri VIRJEN, antis di partu, na partu y dipôs di partu.

Na oitavu kapítulu di es livru nu ta trata a fundu trabadju prátiku relasonadu ku SIGUNDU NASIMENTU. Agora só nu ta da alguns ideia orintador.

Tudu MESTRI di LÓJIA BRANKA ten se mái divina, partikular, se PRAKRITI.

Tudu MESTRI é fidju di un virjen inakulada. Si nu studa Relijions konparadas, nu ta diskubri pa tudu lugá inkakulada konsepsons; JESUZ é konsibidu pa obra y grasa di ESPÍRITU SANTU, MÃI di JESUZ foi un VIRJEN INAKULADA.

Skrituras Relijiozus ta fla ma BUDHA, JÚPITER, ZEUS, APOLO, QUETZALCOATL, FUJI, LAOTSE, etc., etc., foi fidjus di VÍRJENS INAKULADAS, virjens antis di partu, na partu y dipôs di partu.

Na tera sagrada di VEDAS, DEVAKI, VIRJEN INDOSTÁN konsibe KRISHNA y na BELEM VIRJEN MARIA ta konsibe JESUZ.

Na TXINA AMARÉLA, na beira di riu FUJI, VIRJEN HO-AE, ta piza planta di GRANDI ÓMI, ta kubri-l un brilu maravilhosa y se entranya ta konsibe pa obra y grasa di ESPÍRITU SANTU KRISTU TXINÊS FUJI.

É kondison báziku pa NASIMENTU SIGUNDU ki primeru ta intervín TERSEIRU LOGUS, ESPÍRITU SANTU, ta faze fértil BARIGA VIRJINAL di MÃI DIVINA.

FOGU SEXUAL di TERSEIRU LOGUS na INDOSTÁN é konxedu ku nómi di KUNDALINI y ta simboliza-l ku un kobra di fogu ardenti.

MÃI DIVINA é ISIS, TONANTZÍN, KALI ô PARVATI, mudjer di SHIVA, TERSEIRU LOGUS y se símbulu más puderozu é VAKA SAGRADA.

Kobra debe subi pa kanal medular di VAKA SAGRADA, kobra debe faze fértil bariga di MÃI DIVINA, só asina ta ben inkakulada konsepson y NASIMENTU SIGUNDU.

KUNDALINI, na sí mésmu, é un fogu SULAR ki ta atxa inxidadu dentu di un sentru MAGNÉTIKU situadu na osu di koksix, bazi di spina dorsal.

Kantu fogu sagradu ta diskorda, ta subi pa kanal medular a longu di spina dorsal, ta abri setis sentrus di spina dorsal y ta faze fértil PRAKRITI.

FOGU di KUNDALINI ten setis gradus di puder y é nesesáriu subi es skala septenária di FOGU pa alkansa nasimentu sigundu.

Kantu PRAKRITI ta faze fértil ku fogu flamíjeru ta dispô di puderis furmidável pa djuda-nu.

NAXI di nóvu ta ekivale ENTRA na REINU. É mutu raramentu atxa un dôs bes nasidu. Raru é kel ki ta NAXI pa SIGUNDA BES.

Kenha ki kre NAXI di nóvu, kenha ki kre alkansa LIBERTASON FINAL, debe ilimina di se natureza TRÊS GUNAS di PRAKRITI.

Kenha ki ka ilimina GUNA SATTVA, ta perde entri labirintu di TEORIAS y ta bandona TRABADJU EZOTÉRIKU.

Kenha ki ka ilimina RAYAS, ta fortifika EGO LUNAR através di IRA, KOBISA, LUXÚRIA.

Nu ka debe skese ma RAYAS é RAI mésmu di dezeju animal y di paixons más violentus.

RAYAS é RAI di tudu konkupsiénsia. Es últimu, na sí mésmu, é orijen di tudu dezeju.

Kenha ki kre ilimina DÉZEJU, debe primeru ilimina GUNA RAYAS.

Kenha ki ka ilimina TAMO, ta ten senpri KONSIÊNSIA durmida, ta ser pregizu, ta bandona TRABADJU EZOTÉRIKU, pa kauza di moleza, inérsia, pregisa, falta di vontadi, tibieza, falta di entuziasmu spirital, ta ser vítima di ilusons tonta di es mundu y ta sukumbi na inoránsia.

Sta fladu ma dipôs di mortu, gentis di tenperamentu SATTVIKU ta bai di férias pa paraízus ô REINUS mulikular y eletróniku undi ta goza di alegria infinita antis di TORNA pa un nóvu matriz.

INISIADUS sabe mutu ben, pa spiriénsia direta, ma gentis di tenperamentu RAYASIKU ta REINKORPORA ô TORNA pa es mundu na forma INIMEDIATA ô ta permanese na unbral ta aguarda oportunidadi pa entra na un nóvu matriz, mas sen tene alegria di un férias na diferenti REINUS di felisidadi.

Tudu ILUMINADU sabe ku entera SEGURANSA ma dipôs di mortu pesoas di tenperamentu TAMOSIKU ta entra na MUNDUS-INFERNUS situadus pa DANTE na se DIVINA KUMÉDIA, baxo di korresa di tera dentu di entranya di mundu subterâniu.

É URJENTI ilimina di nos natureza interior três GUNAS, si é ki di verdadi nu kre realiza ku susesu TRABADJU EZOTÉRIKU.

BHAGAVAD GITA ta fla: “Kantu sabedoria ta odja ma só GUNAS ki ta atuá, y ta konxe KEL ki sta além di GUNAS, enton ta txiga nha SER”.

Mutus ta kreba un téknika pa ilimina três GUNAS nós nu ta afirma ma só DISOLVE EGO LUNAR ki ta pode ilimina ku susesu três GUNAS.

Kel ki ta fika indiferenti y ka ta perturba pa GUNAS, ki dja realiza ma só GUNAS ki ta funsiona, y ta permanese firmi sen vasila, é pamodi dja DISOLVE EGO LUNAR.

Kel ki ta sinti igual na prazer ô na dor, ki ta mora na se própiu SER; ki ta da igual valor pa un pedasu di argila pa un pedrita ô pa un pepita di oru; ki ta manté ekánimi antis di agradável y di dezagradável, antis di sensura ô di elojiu, na onra ô na dezeonra, antis di amigu ô di inimigu y ki dja renunsia na tudu nóvu enpreza EGOÍSTA y terénu, é pamodi dja ilimina TRÊS GUNAS y DISOLVE EGO LUNAR.

Kel ki ka ten más konkupsiénsia, ki stingi fogu di LUXÚRIA na tudu kuarenta y novi dipartamentus SUBKONSIENTIS di menti, ilimina TRÊS GUNAS y disolve EGO LUNAR.

“Tera, agu, fogu, ária, spasu, menti, inteletu y EGO, é otu kategorii na ki sta divididu nha PRAKRITI”. Asina sta skritu, es é palavras di benziradu.

“Kantu ta amanese GRANDI DIA KÓSMIKU, tudu seres ta manifesta prosedendu di INMANIFESTADA PRAKRITI; y na okazu, ta dizaparese na mésmu INMANIFESTADA”.

Dretu di INMANIFESTADA PRAKRITI sta INMANIFESTADU ABSOLUTU. É nesesáriu ingresa primeru na INMANIFESTADA antis di submerji entri SEIU di INMANIFESTADU ABSOLUTU.

Benzida DIOZA MÃI DI MUNDU é kel ki ta txoma AMOR. El é ISIS, a kenha ninhun mortal ka levanta véu; na flama di SIRPENTI nu ta adora-l.

Tudu GRANDI RELIJIONS renda kultu pa MÃI KÓSMIKA; el é ADONÍA, INSOBERTA, REA, CIBELES, TONANTZÍN, etc., etc., etc.

DEVOTU di VIRJEN MÃI pode pidi; sagradu skrituras ta fla: Pidi y ta da-bu, tok-bu y ta abri-bu.

Na GRANDI BARIGA di MÃI DIVINA ta jesta mundus. VIRGO ta governa BARIGA.

Virgo sta mutu íntimamente relasonadu ku intistinus y na forma mutu spesial ku Pâncreas y ISLOTES di LARGEHANS ki ta segrega INSULINA tan inportanti pa dijeston di asúkaris.

Forsas ki ta subi di tera, kantu txiga na bariga, ta txiga ku ormónius adrenal ki ta pripara-s y ta purifika-s pa se asenson pa korason.

Duranti es sinau di VIRGO (VIRJEN SELESTIAL), nós, deitadu di kustadu ku kurpu rilaixadu, nu debe da bariga saltitus pikinoti, ku propózitu di ki forsas ki ta subi di tera, ta txiga na bariga ku ormónius adrenal.

Studanti GNÓSTIKU debe konprende inportánsia di kel kaldeira txomadu stómagu y kaba pa senpri ku vísiu di glutoneria.

Désipulus di sinhor BUDHA só ta manté ku un bon kumedura pa dia.

Pexi y frutas ta konstitui alimentu prinsipal di abitanti di planeta VENUS.

Na gron y verdura di tudu tipu, ten prinsípius vital maravilhosa.

Sakrifika GANADU, vakas, toru, é un krimi orível própiu di es gentis y di es rasa LUNAR.

Na mundu dja izisti senpri dôs Rasas na eternu konfliktu SULAR y LUNAR.

ABRAHAM, IA-SAC, IA-CAB, IO-SEP, foi senpri adoradoris di VAKA SAGRADA, IO, ô, di DIOZA EJÍPSIA IS-IS; enkuantu ki dja Moisés, ô midjor nu fla REFORMADOR EZDRAS ki altera insinansas di Moisés, ta exiji SAKRIFÍSIU di VAKA y tineru y ki se sangre ta kai sobri kabesa di tudu, spesialmenti di se fidjus.

VAKA SAGRADA é símbulu di MÃI DIVINA, ISIS, a kenha ninhun mortal ka levanta véu.

DÔS BES NASIDUS ta forma RAZA SULAR, POVU SULAR. GENTI di RAZA SULAR djanês ka ta asasinaba un VAKA SAGRADA. Dôs BES NASIDUS é fidjus di VAKA SAGRADA.

ÉXODO, kapítulu XXIX, é pura y lejítima MAJIA NÊGRA. Na dizedu kapítulu injustamenti atribuídu pa MOISÉS, ta diskrevi minuziozamenti serimónia ritual di sakrifísiu di ganadu.

RAZA LUNAR ta odia mortalmenti VAKA SAGRADA. RAZA sular ta adora VAKA SAGRADA.

H.P.B., odja rilmenti un VAKA di SINCU PATA. Kintu pata ta sai di se jiba, ku el ta raska, ta spanta moskas, etc.

Tal vaka ta konduzidu pa un joven di Setu SADHU, na tera di INDOSTÁN.

VAKA SAGRADA DI SINCU PATA é GUARDION di tera y ténplus di JINAS; PRAKRITI, MÃI DIVINA, ta dizenvolve na ÓMI SULAR, puder ki ta permiti-nu entra na TERAS DI JINAS, na se palásius, na se ténplus, na JARDINS DI DEUZES.

Úniku kusa ki ta separa-nu di tera di enkantus y maravilhas JINAS, é un GRANDI PEDRA ki nu debe sabe kure.

KÁBALA é SIÊNSIA di VAKA; lendu três sílabas di KÁBALA a invertersu, nu ten LA-VA-CA.

PEDRA di KABA na MEKA lidu a invertersu VAKA ô PEDRA di VAKA.

GRANDI SANTUÁRIU DI KABA é rilmenti SANTUÁRIU DI VAKA. PRAKRITI na ómi ta faze fértil ku fogu sagradu y ta konverte na VAKA SAGRADA di sinku patas.

SURA 68 di KORAN é maravilhosa; na el ta papia di mémbrus di VAKA, komu di un kusa straordinária, kapaz di rizussita até mortus, ô sia ómis LUNARES (ANIMAIS INTELEKTUAIS), pa konduzi-s pa LUZ PRIMITIVA di RELIJION SULAR.

Nós, GNÓSTIKUS, nu ta adora VAKA SAGRADA nu ta renda kultu pa MÃI DIVINA.

Ku djuda di VAKA SAGRADA DI SINCU PATA, nu pode entra ku kurpu físiku na stadu di JINAS dentu di TÉNPLUS di DEUZES.

Si studanti miedita profundamenti na VAKA DI SINCU PATA, na MÃI DIVINA y ta roga-l ki el ta pô se kurpu físiku na stadu JINAS, pode triunfa.

Kunporta é levanta dipôs di kama sen perde son, komu un sonânbulu.

Mete KURPU FÍSIKU dentu di KUARTA DIMENSION é un kusa straordinária, un kusa maravilhosa, y es só é pusível ku djuda di VAKA SAGRADA di sinku patas.

Nu meste dizenvolve VAKA SAGRADA totalmenti dentu di nós mésmu, pa realiza maravilhas y prodíjius di siênsia JINAS.

MÃI DIVINA sta mutu pertu di se fidju, sta dentu di ÍNTIMU mésmu di kada un di nós y pa el, prezizamenti pa el, nu debe pidi djuda na momentus difísil di izisténsia.

Izisti três klasi di alimentus: SATTVICUS, RAYASICUS y TAMASICUS. Alimentus SATTVICUS sta konstituídu pa flôr, gron, fruta y kel ki ta txoma AMOR.

Alimentus RAYASICUS é forti, pasional, pimenti na esesu, dimaizi salgadu, esajeradamente dusi, etc.

Alimentus TAMASICUS na rialidadi sta konstituídu pa sangre y karni vermelhu, ka ten AMOR, ta kunpra y ta bende ô ta oferese ku vanidadi, soberba y orgulhu.

Kume kel nesesáriu pa bibi, ni dimaizi poku, ni na esesu, bebe agu puru, benzi alimentus.

VIRGO é sinau zodiakal di VIRJEN MÃI di MUNDU, é kaza di MERCÚRIO, se minerais é JASPE y ESMERALDA.

Na prátika nu pode verifica ma nativus di VIRGO é dizgrasadamente mutu razonautivus na esesu, más além di normal y sétikus pa natureza.

Rason, inteletu, é mutu nesesáriu, mas kantu ta sai di se órbitra, ta rizulta enton perudisial.

Nativus di VIRGO ta sirbi pa siênsia, Psikiatria, midisina, naturismu, labaratóriu, pidagojia, etc., etc., etc.

Nativus di VIRGO ka pode intende ku genti di PISCIS y pa es nu ta akonselha-s ivita kazamentus ku pesoas Piskianas.

Kel más lamentável di gentis di VIRGO é kel inérsia y setisismu ki ta karakteriza-s. Nunka dimenos, ta rizulta interisantis sabe ma kel tensu inérsia ta tende pasa di kel material pa kel spirital, até undi é asesível através di spiriénsia.

Talentu KRÍTIKU-ANALÍTIKU di VIRGO é furmidável y entri GRANDI JENIUS di es sinau, sta GOETHE, kenha ki alkansa trassende kel material, inérsia y entra na altu spiritalidadi sientífiku.

Emperu, tudu nativus di VIRGO, KA é GOETHE. Pa kumu abundau entri miediókris di es sinau, MATERIALISTAS ATEUS, inimigus di tudu kel ki ta xinti pa SPIRITALIDADI.

EGOÍZMU di genti MIEDIÓKRI di VIRGO, é un kusa dimaizi grotesku y nojentu, mas GOETHE di VIRGO é jeniais, altamenti altruistas y profundamenti dezinteresadu.

Nativus di VIRGO ta sufri na amor y ta pasa pa grandi dizepson, debidu a ki VENUS, astru di amor, na VIRGO sta na dezteru.