Buku Ya Bomoi

Moto azali ndenge bomoi na ye ezali. Oyo ekokoba koleka liwa, ezali bomoi. Oyo nde ndimbola ya buku ya bomoi oyo efungwami na liwa.

Tala likambo oyo uta na likanisi ya psychologie ya solosolo, mokolo moko ya bomoi na biso, ezali mpenza elilingi moke ya mobimba ya bomoi.

Uta na makambo nyonso oyo tokoki kosukisa makambo oyo elandi: Soki moto asali te likolo na ye moko lelo, akobongwana te ata mokolo moko.

Ntango moto alobi ete alingi kosala likolo na ye moko, mpe asali te lelo mpe azongi yango sima mpo na lobi, maloba ya ndenge wana ekozala kaka projet moko mpe eloko mosusu te, mpo ete na kati na yango lelo ezali elilingi ya bomoi na biso mobimba.

Ezali na lisese moko ya bato mpamba oyo elobi: “Kotika te mpo na lobi oyo okoki kosala yango lelo mpenza”.

Soki moto alobi: “Nakosala likolo na ngai moko, lobi”, akosala ata mokolo moko te likolo na ye moko, mpo ete lobi ekozala ntango nyonso.

Oyo ekokani mpenza na likebisi, liyebisi to elembo moko boye oyo bato mosusu ya mombongo batyaka na bamagazini na bango: “LELO NAKOPESI NYONGO TE, LOBI EKOSALEMA”.

Ntango moto moko oyo azali na mposa akomi kosenga credit, akutani na likebisi ya nsomo, mpe soki azongi mokolo mosusu, akuti lisusu liyebisi to elembo wana ya mawa.

Oyo nde babengi na psychologie “maladi ya lobi”. Ntango moto alobi “lobi”, akobongwana ata mokolo moko te.

Tozali na mposa ya lombango makasi, oyo tokoki kozongisa te sima, kosala likolo na biso moko lelo, kolota te na goso na mikolo mizali koya to na libaku moko ya kokamwa.

Baoyo balobi: “Nakokende liboso kosala oyo to wana mpe na nsima nakosala”. Bakosala ata mokolo moko te likolo na bango moko, baoyo bazali bafandi ya mokili oyo balobelami na Makomami Mosantu.

Nayebanaki na nkolo moko ya mabele ya nguya oyo azalaki koloba: “Nasengeli liboso kozala libungutulu mpe na nsima kosala likolo na ngai moko”.

Ntango abelaki liwa, nakendeki kotala ye, na nsima natunaki ye motuna oyo: “Bozali naino kolinga kozala libungutulu?”

“Nazali koyoka mawa mpenza mpo nabebisi ntango”, apesaki ngai eyano. Mikolo nsima akufaki, nsima ya kondima libunga na ye.

Moto wana azalaki na mabele mingi, kasi azalaki kolinga kozwa biloko ya bazalani, “kozala libungutulu”, mpo ete ferme na ye etikala mpenza likoló na banzela minei.

“Mokolo na mokolo ezala na mitungisi na yango!”, elobaki KABIR MONENE YESU. Tóbimela biso moko lelo mpenza, na oyo etali mokolo oyo ezongaka ntango nyonso, elilingi moke ya bomoi na biso mobimba.

Ntango moto abandi kosala likolo na ye moko, lelo mpenza ntango azali komona matata mpe mawa na ye, azali kotambola na nzela ya elonga.

Ekozala likoki te ya kolongola oyo toyebi te. Tosengeli liboso kotala mabunga na biso moko.

Tozali na mposa bobele te ya koyeba mokolo na biso, kasi lisusu boyokani, elongo na yango. Ezali na mokolo moko ya pɛtɛɛ oyo moto na moto amekaka mbala moko, longola makambo ya kokamwa, oyo esalemaka mingi te.

Ekozala likambo ya kosepelisa kotala bozongeli ya mikolo nyonso, bozongeli ya maloba mpe makambo, mpo na moto na moto, etc.

Bozongeli to kozonga wana ya makambo mpe maloba, esengeli koyekolama, ememi biso na koyeba biso moko.