Ilay Kristy Akaiky

Kristy no Afon’ny Afo, Ilay Lelafon’ny Lehafo, Ilay Sonian’ny Astral’ny Afo.

Eo amin’ny Hazofijalian’ny Martirin’i Kalvary no voafaritra ny Misterin’i Kristy amin’ny teny tokana misy litera efatra: INRI. Ignis Natura Renovatur Integram - Manavao Hatrany ny Natiora ny Afo.

Ny Fiavian’i Kristy ao am-pon’ny olona dia manova antsika tanteraka.

Kristy no LOGOS SOLAR, Firaisana Maro tsy manan-tsahala. Kristy no fiainana mikopakopa manerana izao rehetra izao, Izy no ilay Izy, ilay efa nisy hatrizay ary ilay ho avy mandrakizay.

Maro no efa voalaza momba ny Drama Kosmika; tsy azo lavina fa ireo Filazantsara efatra no mamorona io Drama io.

Voalaza amintsika fa ny Elohim no nitondra ny Drama Kosmika teto an-tany; ilay Tompo Lehibe avy any Atlantida no naneho io drama io tamin’ny nofo aman-drà.

Tsy maintsy naneho io Drama io ampahibemaso tany amin’ny Tany Masina ihany koa ilay KABIR JESOSY Lehibe.

Na teraka im-polo heny aza i Kristy any Betlehema, dia tsy misy dikany izany raha tsy teraka ao am-pontsika koa.

Na maty sy nitsangana tamin’ny maty aza izy tamin’ny andro fahatelo, dia tsy misy dikany izany raha tsy maty sy mitsangana ao anatintsika koa izy.

Ny fiezahana mamantatra ny natiora sy ny votoatin’ny afo dia ny fiezahana mamantatra an’Andriamanitra, izay niseho foana teo ambanin’ny endrika mirehitra.

Ilay roimemy mirehitra (Eksodosy, III, 2) sy ny afo tao Sinay taorian’ny nanomezana ny Didy Folo (Eksodosy, XIX, 18): dia fisehoana roa nisehoan’Andriamanitra tamin’i Mosesy.

Teo ambanin’ny endrika olona vita amin’ny Jasper sy Sardônika miloko lelafo, mipetraka eo amin’ny seza fiandrianana mirehitra sy mamirapiratra, no ilazan’i Md. Joany ny tompon’izao rehetra izao. (Apokalypsy, IV, 3,5). “Afo Mandevona Andriamanitsika”, hoy i Md. Paoly nanoratra tao amin’ny Epistiliny ho an’ny Hebreo.

Tsy maintsy teraka ao anatintsika i Kristy akaiky, ilay Afo any An-danitra, ary tena teraka tokoa izy rehefa nandroso tsara isika tamin’ny asa Psikolojika.

Tsy maintsy esorin’i Kristy akaiky ao amin’ny Natiorantsika Psikolojika ireo antony mahatonga ny fahadisoana; ireo IZaho ANTONY.

Tsy ho azo atao ny fandravana ireo antony mahatonga ny EGO raha tsy teraka ao anatintsika i Kristy Intima.

Ilay afo velona sy Filôzôfaly, i Kristy akaiky, no Afon’ny Afo, ny madio amin’ny madio.

Manodidina sy mandro antsika amin’ny lafiny rehetra ny afo, tonga aty amintsika izy amin’ny alàlan’ny rivotra, ny rano ary ny tany mihitsy izay mpiaro sy ireo fitaovany isan-karazany.

Tsy maintsy mitombo ao anatintsika ny Afo any An-danitra, izy no Kristy akaiky, ilay Mpamonjy anatiny lalina antsika.

Tsy maintsy mikarakara ny Psika rehetra misy antsika ilay Tompo akaiky, ireo Silindera Dimy amin’ny milina Ôrganika; ny fizotrantsika ara-tsaina, ara-pihetseham-po, ara-motera, ara-tsaina ary ara-pananahana rehetra.