Мудрост и Љубов

МУДРОСТА и ЉУБОВТА се двата главни столба на секоја вистинска цивилизација.

Во еден тас на вагата на правдата треба да ја ставиме МУДРОСТА, во другиот тас треба да ја ставиме ЉУБОВТА.

Мудроста и Љубовта треба меѓусебно да се балансираат. Мудроста без Љубов е деструктивен елемент. Љубовта без Мудрост може да нѐ доведе до грешка “ЉУБОВТА Е ЗАКОН НО ЉУБОВ СО СВЕСТ”.

Неопходно е многу да се учи и да се стекнуваат знаења, но исто така е ИТНО да го развиеме во нас ДУХОВНОТО БИТИЕ.

Знаењето без добро развиеното ДУХОВНО БИТИЕ во хармонична форма во нас, станува причина за она што се нарекува ИЗМАМА.

Добро развиеното БИТИЕ во нас, но без интелектуални знаења од било каков вид, дава потекло на глупави светци.

Глупавиот светец има многу развиено ДУХОВНО БИТИЕ, но бидејќи нема интелектуални знаења, не може да направи ништо затоа што не знае како да направи.

ГЛУПАВИОТ СВЕТЕЦ има моќ да направи, но не може да направи затоа што не знае како да направи.

Интелектуалното знаење без добро развиено ДУХОВНО БИТИЕ произведува интелектуална конфузија, изопаченост, гордост итн., итн.

За време на Втората светска војна, илјадници научници лишени од секаков Духовен елемент во име на науката и човештвото, извршија страшни злосторства со цел да прават научни експерименти.

Треба да формираме моќна интелектуална култура, но крајно балансирана со вистинска свесна Духовност.

Ни треба РЕВОЛУЦИОНЕРНА ЕТИКА и РЕВОЛУЦИОНЕРНА ПСИХОЛОГИЈА ако навистина сакаме да го распуштиме ЈАСОТ за да го развиеме легитимно Духовното БИТИЕ во нас.

За жалење е што поради недостаток на ЉУБОВ, луѓето го користат ИНТЕЛЕКТОТ на деструктивен начин.

Учениците треба да изучуваат науки, историја, математика итн., итн.

Неопходно е да се стекнат вокациски знаења, со цел да се биде корисен за ближниот.

Учењето е неопходно. Акумулирањето на основни знаења е незаменливо, но стравот не е незаменлив.

Многу луѓе акумулираат знаења од страв; имаат Страв од животот, од смртта, од гладта, од бедата, од тоа што ќе кажат, итн., и поради тоа учат.

Треба да се учи од Љубов кон нашите ближни со желба подобро да им служиме, но никогаш не треба да се учи од страв.

Во практичниот живот можевме да потврдиме дека сите оние студенти кои учат од страв, порано или подоцна стануваат измамници.

Треба да бидеме искрени со себе за да се само-набљудуваме и да ги откриеме во себе сите процеси на страв.

Никогаш не смееме да заборавиме во животот дека стравот има многу фази. Понекогаш стравот се меша со храброста. Војниците на бојното поле изгледаат многу храбри, но всушност се движат и се борат поради стравот. Самоубиецот исто така на прв поглед изгледа многу храбар, но всушност е кукавица која се плаши од животот.

Секој измамник во животот изгледа многу храбар, но во основа е кукавица. Измамниците обично ја користат професијата и моќта на деструктивен начин кога се плашат. Пример; Кастро Руа; во Куба.

Ние никогаш не се изјаснуваме против искуството на практичниот живот ниту против култивирањето на интелектот, но го осудуваме недостатокот на ЉУБОВ.

Знаењето и искуствата од животот се деструктивни кога недостасува ЉУБОВ.

ЕГОТО обично ги заробува искуствата и интелектуалните знаења кога постои отсуство на она што се нарекува ЉУБОВ.

ЕГОТО злоупотребува искуства и интелект кога ги користи за да се зајакне.

Дезинтегрирајќи го ЕГОТО, ЈАС, МОЕТО ЈАС, искуствата и Интелектот остануваат во рацете на ВНАТРЕШНОТО БИТИЕ и секоја злоупотреба станува невозможна.

Секој студент треба да се води по вокацискиот пат и темелно да ги проучи сите теории кои се однесуваат на неговата вокација.

Учењето, интелектот, не му штетат на никого, но не треба да го злоупотребуваме интелектот.

Треба да учиме за да не го злоупотребуваме умот. Го злоупотребува умот оној кој сака да ги изучува теориите на различни вокации, кој сака да им наштети на другите со интелектот, кој врши насилство врз туѓиот ум итн. итн. итн.

Неопходно е да се изучуваат професионалните предмети и духовните предмети за да се има избалансиран ум.

ИТНО е да се дојде до интелектуална СИНТЕЗА и до Духовна синтеза ако навистина сакаме избалансиран ум.

Наставниците и професорите во училиштата, колеџите, универзитетите итн., треба темелно да ја изучуваат нашата Револуционерна психологија ако навистина сакаат да ги водат своите студенти по патот на ФУНДАМЕНТАЛНАТА РЕВОЛУЦИЈА.

Неопходно е студентите да го стекнат ДУХОВНОТО БИТИЕ, да го развијат во себе ВИСТИНСКОТО БИТИЕ, за да излезат од Училиштето претворени во одговорни индивидуи а не во глупави ИЗМАМНИЦИ.

Ништо не вреди Мудроста без Љубов. Интелектот без Љубов произведува само Измамници.

Мудроста сама по себе е Атомска Суштина, Атомски капитал кој треба да биде администриран само од индивидуи полни со вистинска Љубов.