Медитација

Во животот, единствено важно е радикална, тотална и дефинитивна промена; сѐ останато искрено нема никаква важност.

Медитацијата е од суштинско значење кога искрено ја сакаме таквата промена.

Никако не сакаме незначајна, површна и суетна медитација.

Треба да станеме сериозни и да ги оставиме настрана толку многу глупости што изобилуваат таму во псевдоезотеризмот и евтиниот псевдоокултизам.

Треба да знаеме да бидеме сериозни, треба да знаеме да се смениме ако навистина не сакаме да пропаднеме во езотериската работа.

Оној кој не знае да медитира, површниот, глупавиот, никогаш нема да може да го раствори Егото; секогаш ќе биде немоќен трупец во бесниот морски живот.

Дефект откриен на теренот на практичниот живот, мора да биде длабоко разбран преку техниката на медитација.

Материјалот за медитација се наоѓа токму во различните настани или секојдневните околности на практичниот живот, ова е непобитно.

Луѓето секогаш протестираат против непријатните настани, никогаш не знаат да ја видат корисноста од таквите настани.

Ние, наместо да протестираме против непријатните околности, мора да ги извлечеме од нив, преку медитација, корисните елементи за нашиот анимички раст.

Длабинската медитација за таа или онаа пријатна или непријатна околност ни овозможува да го почувствуваме во себе вкусот, резултатот.

Неопходно е да се направи целосна психолошка диференцијација помеѓу она што е вкус работа и вкус живот.

Во секој случај, за да се почувствува во себе вкусот работа, потребна е тотална инверзија на ставот со кој нормално се земаат околностите на постоењето.

Никој не би можел да го вкуси вкусот работа сè додека ја прави грешката да се идентификува со различните настани.

Секако, идентификацијата ја спречува соодветната психолошка проценка на настаните.

Кога некој се идентификува со таков или онаков настан, на никаков начин не успева да ги извлече од него корисните елементи за самооткривање и внатрешен раст на свеста.

Езотерискиот работник кој се враќа на идентификацијата откако ја загубил стражата, повторно го чувствува вкусот живот наместо вкусот работа.

Ова покажува дека претходно инвертираниот психолошки став се вратил во својата состојба на идентификација.

Секоја непријатна околност мора да се реконструира со помош на свесна имагинација преку техниката на медитација.

Реконструкцијата на која било сцена ни овозможува да ја потврдиме сами и директно интервенцијата на неколку јас-ови кои учествуваат во неа.

Примери: Сцена на љубоморна љубов; во неа интервенираат јас-ови на гнев, љубомора и дури омраза.

Разбирањето на секое од овие јас-ови, секој од овие фактори, подразбира всушност длабока рефлексија, концентрација, медитација.

Нагласената тенденција да се обвинуваат другите е пречка за разбирање на сопствените грешки.

За жал, многу тешка задача е да ја уништиме во нас тенденцијата да ги обвинуваме другите.

Во име на вистината треба да кажеме дека ние сме единствените виновници за различните непријатни околности во животот.

Различните пријатни или непријатни настани постојат со нас или без нас и механички се повторуваат континуирано.

Поаѓајќи од овој принцип, ниту еден проблем не може да има конечно решение.

Проблемите се од животот и ако имаше конечно решение животот не би бил живот туку смрт.

Тогаш може да има модификација на околностите и проблемите, но никогаш нема да престанат да се повторуваат и никогаш нема да имаат конечно решение.

Животот е тркало кое механички се врти со сите пријатни и непријатни околности, секогаш повратни.

Не можеме да го запреме тркалото, добрите или лошите околности се процесираат секогаш механички, единствено можеме да го промениме нашиот став кон настаните во животот.

Колку што научиме да го извлекуваме материјалот за медитација од самите околности на постоењето, ќе се самооткриваме.

Во секоја пријатна или непријатна околност постојат различни јас-ови кои мора да бидат разбрани во целост со техниката на медитација.

Ова значи дека која било група на јас-ови кои интервенираат во таква или онаква драма, комедија или трагедија на практичниот живот, откако ќе бидат разбрани во целост, треба да бидат елиминирани преку моќта на Божествената Мајка Кундалини.

Како што го користиме чувството за психолошко набљудување, тоа последното исто така ќе се развива прекрасно. Тогаш ќе можеме да ги согледаме внатрешно не само јас-овите пред да бидат обработени, туку и за време на целата работа.

Кога овие јас-ови се обезглавуваат и дезинтегрираат, чувствуваме големо олеснување, голема среќа.