Обвини Се Себеси

Суштината што секој од нас ја носи во себе доаѓа од горе, од Небото, од ѕвездите… Несомнено чудесната Суштина потекнува од нотата „ЛА“ (Млечниот Пат, галаксијата во која живееме).

Драгоцената Суштина минува низ нотата „СОЛ“ (Сонцето) и потоа низ нотата „ФА“ (Планетарната Зона) влегува во овој свет и продира во нашата внатрешност. Нашите родители го создадоа соодветното тело за прием на оваа Суштина што доаѓа од ѕвездите…

Работејќи интензивно на себе и жртвувајќи се за нашите ближни, ќе се вратиме победоносно во длабокото лоно на Уранија… Ние живееме во овој свет со некоја причина, за нешто, поради некој посебен фактор…

Очигледно во нас има многу што треба да видиме, да проучиме и да разбереме, ако навистина копнееме да знаеме нешто за себе, за сопствениот живот… Трагична е егзистенцијата на оној што умира без да ја запознае причината за својот живот…

Секој од нас мора самиот да ја открие смислата на сопствениот живот, она што го држи заробен во затворот на болката… Очигледно има во секој од нас нешто што ни го горчи животот и против кое треба цврсто да се бориме… Не е неопходно да продолжиме во несреќа, неодложно е да го сведеме на космичка прашина она што нè прави толку слаби и несреќни.

Не помага ништо да се гордееме со титули, почести, дипломи, пари, залуден субјективен рационализам, познати доблести итн., итн., итн. Не смееме никогаш да заборавиме дека лицемерието и глупавите суети на лажниот карактер нè прават тромави, стари, заостанати, реакционерни луѓе, неспособни да видат нешто ново…

Смртта има многу значења, и позитивни и негативни. Да го разгледаме она одлично набљудување на „Големиот КАБИР Исус Христос“: „Мртвите нека ги погребуваат своите мртви“. Многу луѓе, иако живеат, всушност се мртви за секаква можна работа на себе и следствено, за секаква интимна трансформација.

Тоа се луѓе затворени во нивните догми и верувања; луѓе скаменети во сеќавањата на многу минати времиња; поединци полни со предрасуди од предците; луѓе робови на тоа што ќе кажат другите, ужасно млаки, рамнодушни, понекогаш „сезнајковци“ убедени дека се во вистината затоа што така им било кажано итн., итн., итн.

Тие луѓе не сакаат да разберат дека овој свет е „Психолошка Гимназија“ преку која би било можно да се уништи таа тајна грдотија што сите ја носиме во себе… Ако тие кутри луѓе ја разбереа толку жалната состојба во која се наоѓаат, ќе трепереа од ужас…

Сепак, таквите луѓе секогаш мислат за себе најдобро; се фалат со своите доблести, се чувствуваат совршени, љубезни, услужливи, благородни, дарежливи, интелигентни, ги исполнуваат своите должности итн. Практичниот живот како школа е страшен, но да се земе како цел сам по себе, е очигледно апсурдно.

Оние кои го земаат животот сам по себе, како што се живее секојдневно, не ја разбрале потребата да работат на себе за да постигнат „Радикална Трансформација“. За жал, луѓето живеат механички, никогаш не слушнале ништо за внатрешната работа…

Потребно е да се менуваме, но луѓето не знаат како да се менуваат; страдаат многу и дури не знаат зошто страдаат… Да се има пари не е сè. Животот на многу богати луѓе често е навистина трагичен…