Гностичката Езотерична Работа

Итно е да се проучува Гнозата и да се користат практичните идеи што ги даваме во ова дело за сериозно да се работи на себе.

Сепак, не би можеле да работиме на себе со намера да го раствориме тој или оној „Јас“ без претходно да сме го набљудувале.

Набљудувањето на себеси овозможува да проникне зрак светлина во нашата внатрешност.

Секој „Јас“ се изразува во главата на еден начин, во срцето на друг начин и во сексот на друг начин.

Треба да го набљудуваме „Јас“-от кој во даден момент ќе го најдеме заробен, итно е да го видиме во секој од овие три центри на нашиот организам.

Во однос на другите луѓе, ако сме будни и внимателни како стражарот во време на војна, се самооткриваме.

Се сеќавате ли во колку часот ви ја повредија суетата? Гордоста? Што најмногу ве вознемирило во денот? Зошто ја имавте таа непријатност? Која е нејзината тајна причина? Проучете го ова, набљудувајте ја вашата глава, срце и секс…

Практичниот живот е прекрасно училиште; во меѓусебниот однос можеме да ги откриеме тие „Јас“-ови што ги носиме во себе.

Секоја непријатност, секој инцидент може да нè доведе, преку интимно самонабљудување, до откривање на „Јас“, било тоа да е самољубие, завист, љубомора, гнев, алчност, сомнеж, клевета, похота итн., итн., итн.

Треба да се познаваме себеси пред да можеме да ги познаваме другите. Итно е да научиме да го гледаме туѓото гледиште.

Ако се ставиме на местото на другите, откриваме дека психолошките дефекти што им ги препишуваме на другите, ги имаме во изобилство во нашата внатрешност.

Да се сака ближниот е неопходно, но не може да се сакаат другите ако претходно не се научи да се стави во позиција на друга личност во езотеричната работа.

Суровоста ќе продолжи да постои на лицето на земјата, сѐ додека не научиме да се ставаме на местото на другите.

Но, ако некој нема храброст да се види себеси, како би можел да се стави на местото на другите?

Зошто би ја гледале исклучиво лошата страна на другите луѓе?

Механичката антипатија кон друга личност што ја запознаваме за прв пат, покажува дека не знаеме да се ставиме на местото на ближниот, дека не го сакаме ближниот, дека свеста ни е премногу заспана.

Ни е многу антипатична одредена личност? По кој повод? Можеби пие? Да се набљудуваме… Дали сме сигурни во нашата доблест? Дали сме сигурни дека не го носиме во себе „Јас“-от на пијанството?

Подобро би било кога ќе видиме пијаница како прави глупости да речеме: „Ова сум јас, какви глупости правам.

Вие сте чесна и доблесна жена и затоа не ви се допаѓа одредена дама; чувствувате антипатија кон неа. Зошто? Се чувствувате многу сигурна во себе? Дали верувате дека во вашата внатрешност не го имате „Јас“-от на похотата? Мислите ли дека таа дама дискредитирана од нејзините скандали и разврати е изопачена? Дали сте сигурни дека во вашата внатрешност не постои развратот и изопаченоста што ја гледате во таа жена?

Подобро би било интимно да се самонабљудувате и во длабока медитација да се ставите на местото на таа жена што ја мразите.

Итно е да се цени езотеричната гностичка работа, неопходно е да се разбере и цени ако навистина копнееме за радикална промена.

Станува неопходно да ги сакаме нашите ближни, да ја проучуваме Гнозата и да го пренесеме ова учење на сите луѓе, во спротивно ќе паднеме во егоизам.

Ако некој се посвети на езотеричната работа на себе, но не го дава учењето на другите, неговиот интимен напредок станува многу тежок поради недостиг на љубов кон ближниот.

„Кој дава, добива и колку повеќе дава, толку повеќе ќе добие, но на оној што ништо не дава, дури и она што го има ќе му биде одземено“. Тоа е Законот.