ലോസ് ത്രെസ് സെറെബ്രോസ്

പുതിയ യുഗത്തിലെ വിപ്ലവകരമായ മനഃശാസ്ത്രം പറയുന്നത്, തെറ്റായി മനുഷ്യൻ എന്ന് വിളിക്കപ്പെടുന്ന ബുദ്ധിപരമായ മൃഗത്തിന്റെ ജൈവ യന്ത്രം ത്രികേന്ദ്രീകൃതമായോ ത്രിമസ്തിഷ്കമായോ നിലനിൽക്കുന്നു എന്നാണ്.

ഒന്നാമത്തെ മസ്തിഷ്കം തലയോട്ടിയിൽ അടക്കം ചെയ്തിരിക്കുന്നു. രണ്ടാമത്തെ മസ്തിഷ്കം നട്ടെല്ലിനും അതിന്റെ കേന്ദ്ര മജ്ജയ്ക്കും എല്ലാ നാഡി ശാഖകൾക്കും അനുയോജ്യമാണ്. മൂന്നാമത്തെ മസ്തിഷ്കം ഒരു പ്രത്യേക സ്ഥലത്ത് സ്ഥിതി ചെയ്യുന്നില്ല, ഒരു പ്രത്യേക അവയവവുമല്ല. യഥാർത്ഥത്തിൽ മൂന്നാമത്തെ മസ്തിഷ്കം സഹാനുഭൂതിയുള്ള നാഡി ഞരമ്പുകളും പൊതുവെ മനുഷ്യ ശരീരത്തിലെ എല്ലാ പ്രത്യേക നാഡി കേന്ദ്രങ്ങളും ചേർന്നതാണ്.

ഒന്നാമത്തെ മസ്തിഷ്കം ചിന്താ കേന്ദ്രമാണ്. രണ്ടാമത്തെ മസ്തിഷ്കം ചലന കേന്ദ്രമാണ്, സാധാരണയായി മോട്ടോർ സെന്റർ എന്ന് വിളിക്കുന്നു. മൂന്നാമത്തെ മസ്തിഷ്കം വൈകാരിക കേന്ദ്രമാണ്.

ചിന്താശേഷിയുള്ള മസ്തിഷ്കം അമിതമായി ഉപയോഗിക്കുന്നത് ബുദ്ധിപരമായ ഊർജ്ജം അമിതമായി ചെലവഴിക്കാൻ കാരണമാകുമെന്ന് പ്രായോഗികമായി തെളിയിക്കപ്പെട്ടിട്ടുണ്ട്. അതിനാൽ ഭ്രാന്താലയങ്ങൾ ബുദ്ധിപരമായ മരിച്ചവരുടെ ശവപ്പറമ്പുകളാണ് എന്ന് ഭയമില്ലാതെ പറയാൻ സാധിക്കും.

സമീകൃതാവസ്ഥയിലുള്ള കായിക വിനോദങ്ങൾ മോട്ടോർ മസ്തിഷ്കത്തിന് ഉപയോഗപ്രദമാണ്, എന്നാൽ കായിക വിനോദങ്ങളുടെ ദുരുപയോഗം മോട്ടോർ എനർജിയുടെ അമിതമായ ചെലവിടലിന് കാരണമാകുകയും അതിന്റെ ഫലം വിനാശകരമാവുകയും ചെയ്യും. മോട്ടോർ മസ്തിഷ്കത്തിന്റെ മരണം സംഭവിക്കുന്നു എന്ന് പറയുന്നത് അസംബന്ധമല്ല. പക്ഷാഘാതം, പരാപ്ലീജിയ, പുരോഗമനപരമായ തളർച്ച തുടങ്ങിയ രോഗങ്ങളുള്ളവരെ മോട്ടോർ മസ്തിഷ്കത്തിന്റെ മരണം സംഭവിച്ചവർ എന്ന് വിളിക്കാം.

സൗന്ദര്യബോധം, ആത്മീയത, പരമാനന്ദം, മികച്ച സംഗീതം എന്നിവ വൈകാരിക കേന്ദ്രത്തെ പരിപോഷിപ്പിക്കുന്നതിന് ആവശ്യമാണ്, എന്നാൽ ഈ മസ്തിഷ്കത്തിന്റെ ദുരുപയോഗം ഉപയോഗശൂന്യമായ തേയ്മാനത്തിനും വൈകാരിക ഊർജ്ജത്തിന്റെ പാഴാകലിനും കാരണമാകും. പുതിയ തരംഗക്കാരായ അസ്തിത്വവാദികൾ, റോക്ക് സംഗീതത്തിന്റെ ആരാധകർ, ആധുനിക കലയിലെ കപട-കാമുക കലാകാരന്മാർ, ഇന്ദ്രിയപരമായ ലൈംഗികതയുടെ രോഗാതുരരായ അഭിനിവേശക്കാർ തുടങ്ങിയവർ വൈകാരിക മസ്തിഷ്കത്തെ ദുരുപയോഗം ചെയ്യുന്നു.

വിശ്വസിക്കാൻ പ്രയാസമാണെങ്കിലും, മരണം ഓരോ വ്യക്തിയിലും മൂന്നിലൊന്നായി സംഭവിക്കുന്നു. ഏതൊരു രോഗത്തിനും ഈ മൂന്ന് മസ്തിഷ്കങ്ങളിൽ ഏതെങ്കിലും ഒന്നുമായി ബന്ധമുണ്ടെന്ന് ഇത് വരെ ധാരാളം പഠനങ്ങളിൽ തെളിഞ്ഞിട്ടുണ്ട്.

മനുഷ്യന്റെ ബുദ്ധിപരമായ മൃഗത്തിന്റെ ഓരോ മസ്തിഷ്കത്തിലും വലിയ നിയമം വിവേകപൂർവ്വം നിർണ്ണയിച്ചിട്ടുള്ള മൂല്യവത്തായ മൂലധനം നിക്ഷേപിച്ചിട്ടുണ്ട്. ഈ മൂലധനം ലാഭിക്കുന്നത് ജീവിതം ദീർഘിപ്പിക്കാൻ സഹായിക്കുന്നു, ഈ മൂലധനം പാഴാക്കുന്നത് മരണത്തിലേക്ക് നയിക്കുന്നു.

നൂറ്റാണ്ടുകളായി നമ്മളിലേക്ക് എത്തിയ പുരാതന പാരമ്പര്യങ്ങൾ പറയുന്നത് പസഫിക് സമുദ്രത്തിൽ സ്ഥിതി ചെയ്യുന്ന MU എന്ന പഴയ ഭൂഖണ്ഡത്തിലെ മനുഷ്യായുസ്സ് പന്ത്രണ്ടും പതിനഞ്ചും നൂറ്റാണ്ടുകൾക്കിടയിലായിരുന്നു എന്നാണ്.

എല്ലാ യുഗങ്ങളിലും നൂറ്റാണ്ടുകൾ പിന്നിട്ടപ്പോൾ മൂന്ന് മസ്തിഷ്കങ്ങളുടെ തെറ്റായ ഉപയോഗം ആയുസ്സ് കുറച്ചു.

സൂര്യരശ്മിയുള്ള കെം രാജ്യത്ത്, ഫറവോമാരുടെ പഴയ ഈജിപ്തിൽ മനുഷ്യായുസ്സ് ഏകദേശം നൂറ്റി നാൽപ്പത് വർഷമായിരുന്നു.

പെട്രോളും സെല്ലുലോയിഡും നിറഞ്ഞ ഈ ആധുനിക കാലഘട്ടത്തിൽ, അസ്തിത്വവാദികളും റോക്ക് വിമതരും നിറഞ്ഞ ഈ യുഗത്തിൽ ചില ഇൻഷുറൻസ് കമ്പനികളുടെ കണക്കനുസരിച്ച് മനുഷ്യായുസ്സ് ഏകദേശം അൻപത് വർഷമാണ്.

സോവിയറ്റ് യൂണിയനിലെ മാർക്സിസ്റ്റ്-ലെനിനിസ്റ്റ് പ്രഭുക്കന്മാർ എപ്പോഴും ചെയ്യുന്നതുപോലെ ഇപ്പൊഴും തട്ടിപ്പ് പറയുകയാണ്, ആയുസ്സ് വർദ്ധിപ്പിക്കാൻ സഹായിക്കുന്ന പ്രത്യേക സിറം കണ്ടുപിടിച്ചു എന്ന്, എന്നാൽ വൃദ്ധനായ ക്രൂഷ്ചേവിന് ഇപ്പോഴും എൺപത് വയസ്സ് തികഞ്ഞിട്ടില്ല, ഒരു കാൽ ഉയർത്താൻ പോലും മറ്റേ കാൽ നിലത്തുറപ്പിക്കേണ്ട അവസ്ഥയാണ്.

ഏഷ്യയുടെ മധ്യഭാഗത്ത് തങ്ങളുടെ യൗവനം പോലും ഓർമ്മയില്ലാത്ത ഒരു കൂട്ടം സന്യാസിമാർ താമസിക്കുന്നുണ്ട്. ഈ സന്യാസിമാരുടെ ശരാശരി ആയുസ്സ് നാനൂറ്റി അഞ്ഞൂറ് വർഷമാണ്.

ഈ ഏഷ്യൻ സന്യാസിമാരുടെ ദീർഘായുസ്സിന്റെ രഹസ്യം മൂന്ന് മസ്തിഷ്കങ്ങളുടെ വിവേകപൂർണ്ണമായ ഉപയോഗമാണ്.

മൂന്ന് മസ്തിഷ്കങ്ങളുടെ സന്തുലിതവും യോജിപ്പുള്ളതുമായ പ്രവർത്തനം മൂല്യവത്തായ മൂലധനം ലാഭിക്കാൻ സഹായിക്കുന്നു, അതുപോലെ ജീവിതം കൂടുതൽ കാലം നിലനിർത്താനും സഹായിക്കുന്നു.

“പല ഉറവിടങ്ങളിൽ നിന്നുമുള്ള വൈബ്രേഷനുകളുടെ തുല്യത” എന്ന് അറിയപ്പെടുന്ന ഒരു കോസ്മിക് നിയമമുണ്ട്. ഈ നിയമം ഉപയോഗിച്ച് മൂന്ന് മസ്തിഷ്കങ്ങളേയും എങ്ങനെ ഉപയോഗിക്കാമെന്ന് ഈ ആശ്രമത്തിലെ സന്യാസിമാർക്ക് അറിയാം.

സമയബന്ധിതമല്ലാത്ത വിദ്യാഭ്യാസം വിദ്യാർത്ഥികളെ ചിന്താശേഷിയുള്ള മസ്തിഷ്കം ദുരുപയോഗം ചെയ്യാൻ പ്രേരിപ്പിക്കുന്നു, ഇതിന്റെ ഫലങ്ങൾ മനശാസ്ത്രത്തിന് അറിയാവുന്നതാണ്.

മൂന്ന് മസ്തിഷ്കങ്ങളെയും ബുദ്ധിപരമായി പരിപോഷിപ്പിക്കുന്നത് അടിസ്ഥാനപരമായ വിദ്യാഭ്യാസമാണ്. ബാബിലോണിയ, ഗ്രീസ്, ഇന്ത്യ, പേർഷ്യ, ഈജിപ്ത് തുടങ്ങിയ പുരാതന രഹസ്യ വിദ്യാലയങ്ങളിൽ വിദ്യാർത്ഥികൾക്ക് അവരുടെ മൂന്ന് മസ്തിഷ്കങ്ങളിലേക്കും നേരിട്ടുള്ള വിവരങ്ങൾ നൽകിയിരുന്നത് ഉപദേശം, നൃത്തം, സംഗീതം തുടങ്ങിയവ ബുദ്ധിപരമായി സംയോജിപ്പിച്ചുകൊണ്ടായിരുന്നു.

പുരാതന കാലത്തെ നാടകശാലകൾ വിദ്യാലയത്തിന്റെ ഭാഗമായിരുന്നു. നാടകം, കോമഡി, ദുരന്തം എന്നിവ പ്രത്യേക ആംഗ്യവിക്ഷേപങ്ങൾ, സംഗീതം, വാമൊഴിയുള്ള പഠിപ്പിക്കലുകൾ തുടങ്ങിയവയുമായി സംയോജിപ്പിച്ച് ഓരോ വ്യക്തിയുടെയും മൂന്ന് മസ്തിഷ്കങ്ങളെയും അറിയിക്കാൻ ഉപയോഗിച്ചു.

അന്നത്തെ വിദ്യാർത്ഥികൾ ചിന്താശേഷിയുള്ള മസ്തിഷ്കം ദുരുപയോഗം ചെയ്തിരുന്നില്ല. അവർ അവരുടെ മൂന്ന് മസ്തിഷ്കങ്ങളെയും ബുദ്ധിപരമായും സമതുലിതമായും ഉപയോഗിക്കാൻ പഠിച്ചിരുന്നു.

ഗ്രീസിലെ എല്യൂസിസിലെ രഹസ്യങ്ങളുടെ നൃത്തങ്ങൾ, ബാബിലോണിയയിലെ നാടകം, ഗ്രീസിലെ ശിൽപം എന്നിവയെല്ലാം ശിഷ്യന്മാർക്ക് അറിവ് പകർന്നു നൽകാൻ ഉപയോഗിച്ചിരുന്നു.

എന്നാൽ ഇന്ന് റോക്കിന്റെ അധഃപതിച്ച ഈ കാലഘട്ടത്തിൽ ആശയക്കുഴപ്പത്തിലായ വിദ്യാർത്ഥികൾ മാനസികമായ ദുരുപയോഗത്തിന്റെ ഇരുണ്ട പാതയിലൂടെ സഞ്ചരിക്കുകയാണ്.

മൂന്ന് മസ്തിഷ്കങ്ങളെയും യോജിപ്പിച്ച് പരിപോഷിപ്പിക്കുന്നതിന് നിലവിൽ ശരിയായ രീതിയിലുള്ള സംവിധാനങ്ങളില്ല.

സ്കൂളുകളിലെയും കോളേജുകളിലെയും സർവ്വകലാശാലകളിലെയും അധ്യാപകർ, ക്ലാസ് മുറിയിൽ നിന്ന് പുറത്തുപോകാൻ ആകാംഷയോടെ കാത്തിരിക്കുന്ന വിരസരായ വിദ്യാർത്ഥികളുടെ ഓർമ്മശക്തിയിലേക്ക് മാത്രമാണ് ശ്രദ്ധ ചെലുത്തുന്നത്.

വിദ്യാർത്ഥികളുടെ മൂന്ന് മസ്തിഷ്കങ്ങളിലേക്കും പൂർണ്ണമായ വിവരങ്ങൾ എത്തിക്കുന്നതിന് ബുദ്ധി, ചലനം, വികാരം എന്നിവയെല്ലാം സംയോജിപ്പിക്കേണ്ടത് അത്യാവശ്യമാണ്.

ഒറ്റ മസ്തിഷ്കത്തിലേക്ക് മാത്രം വിവരങ്ങൾ നൽകുന്നത് അസംബന്ധമാണ്. ആദ്യത്തെ മസ്തിഷ്കം മാത്രമല്ല വിവരങ്ങൾ സ്വീകരിക്കുന്നത്. വിദ്യാർത്ഥികളുടെ ചിന്താശേഷിയുള്ള മസ്തിഷ്കം ദുരുപയോഗം ചെയ്യുന്നത് കുറ്റകരമാണ്.

അടിസ്ഥാന വിദ്യാഭ്യാസം വിദ്യാർത്ഥികളെ സമഗ്രമായ വികസനത്തിന്റെ പാതയിലേക്ക് നയിക്കണം.

മൂന്ന് മസ്തിഷ്കങ്ങൾക്കും പൂർണ്ണമായും വ്യത്യസ്തമായ മൂന്ന് തരത്തിലുള്ള സ്വതന്ത്ര ബന്ധങ്ങളുണ്ടെന്ന് വിപ്ലവകരമായ മനഃശാസ്ത്രം വ്യക്തമായി പഠിപ്പിക്കുന്നു. ഈ മൂന്ന് തരത്തിലുള്ള ബന്ധങ്ങളും വ്യത്യസ്ത തരത്തിലുള്ള പ്രേരണകളെ ഉണർത്തുന്നു.

ഇത് നമ്മുക്ക് നൽകുന്നത് സ്വഭാവത്തിലോ പ്രകടനത്തിലോ യാതൊരു പൊതുവുമില്ലാത്ത മൂന്ന് വ്യത്യസ്ത വ്യക്തിത്വങ്ങളെയാണ്.

ഓരോ വ്യക്തിയിലും വ്യത്യസ്തമായ മൂന്ന് മാനസികവശങ്ങൾ ഉണ്ടെന്ന് പുതിയ യുഗത്തിലെ വിപ്ലവകരമായ മനഃശാസ്ത്രം പഠിപ്പിക്കുന്നു. മാനസിക സത്തയുടെ ഒരു ഭാഗം ഒരു കാര്യം ആഗ്രഹിക്കുന്നു, മറ്റൊരു ഭാഗം തീർത്തും വ്യത്യസ്തമായ മറ്റൊന്ന് ആഗ്രഹിക്കുന്നു, മൂന്നാമത്തെ ഭാഗമാകട്ടെ ഇതിന് നേർവിപരീതമായി പ്രവർത്തിക്കുന്നു.

ഏറ്റവും വലിയ ദുഃഖമുണ്ടാകുന്ന ഒരവസരത്തിൽ, ഒരു പ്രിയപ്പെട്ട വ്യക്തിയുടെ നഷ്ട്ടമോ അല്ലെങ്കിൽ മറ്റേതെങ്കിലും തരത്തിലുള്ള ദുരന്തമോ ഉണ്ടാകുമ്പോൾ വൈകാരികമായ വ്യക്തിത്വം നിരാശയിലേക്ക് എത്തുന്നു, അതേസമയം ബുദ്ധിപരമായ വ്യക്തിത്വം ഈ ദുരന്തത്തിന്റെ കാരണം അന്വേഷിക്കുന്നു, ചലനാത്മകമായ വ്യക്തിത്വം ആ സ്ഥലത്ത് നിന്ന് ഓടി രക്ഷപെടാൻ ശ്രമിക്കുന്നു.

വ്യത്യസ്തവും പരസ്പരം വിരുദ്ധവുമായ ഈ മൂന്ന് വ്യക്തിത്വങ്ങളെയും എല്ലാ സ്കൂളുകളിലും കോളേജുകളിലും സർവ്വകലാശാലകളിലും പ്രത്യേക രീതികളും സംവിധാനങ്ങളും ഉപയോഗിച്ച് ബുദ്ധിപരമായി പഠിപ്പിക്കുകയും പരിപോഷിപ്പിക്കുകയും വേണം.

മാനസികപരമായ കാഴ്ചപ്പാടിൽ നിന്ന് നോക്കിയാൽ ബുദ്ധിപരമായ വ്യക്തിത്വത്തെ മാത്രം പഠിപ്പിക്കുന്നത് അസംബന്ധമാണ്. മനുഷ്യന് അടിസ്ഥാന വിദ്യാഭ്യാസം അടിയന്തിരമായി ആവശ്യമുള്ള മൂന്ന് വ്യക്തിത്വങ്ങളുണ്ട്.