L-Għażiż Ego

Peress li superjuri u inferjuri huma żewġ sezzjonijiet tal-istess ħaġa, mhux żejjed ngħidu l-korollarju li ġej: “L-I SUPERJURI, L-I INFERJURI” huma żewġ aspetti tal-istess Ego mudlam u pluralizzat.

L-hekk imsejjaħ “I DIVIN” jew “I SUPERJURI”, “ALTER EGO” jew xi ħaġa simili, huwa ċertament qerq tal-”JIEN STESS”, mod kif wieħed IQARRAQ B’RASU STESS. Meta l-I jrid ikompli hawn u lil hinn, iqarraq b’rasu stess bil-kunċett falz ta’ I Divin Immortali…

Ħadd minna m’għandu “Jien” veru, permanenti, immutabbli, etern, ineffabbli, eċċ., eċċ., eċċ. Ħadd minna fil-verità m’għandu Unità ta’ Esseri vera u awtentika; sfortunatament lanqas biss għandna individwalità leġittima.

L-Ego, għalkemm ikompli lil hinn mill-qabar, madankollu għandu bidu u tmiem. L-Ego, il-JIEN, qatt mhu xi ħaġa individwali, unitarja, unitotal. Ovvjament il-JIEN huwa “JIENIJIET”.

Fit-Tibet tal-Lvant il-”JIENIJIET” jissejħu “AGGREGATI PSIKIĊI” jew sempliċement “Valuri”, kemm jekk dawn tal-aħħar huma pożittivi jew negattivi. Jekk naħsbu f’kull “Jien” bħala persuna differenti, nistgħu nasserixxu b’mod enfatiku dan li ġej: “Ġewwa kull persuna li tgħix fid-dinja, jeżistu ħafna nies”.

Inkużjonabbilment ġewwa kull wieħed minna jgħixu ħafna nies differenti, xi wħud aħjar, oħrajn agħar… Kull wieħed minn dawn il-JIENIJET, kull waħda minn dawn in-nies tiġġieled għas-supremazija, trid tkun esklussiva, tikkontrolla l-moħħ intellettwali jew iċ-ċentri emozzjonali u muturi kull meta tista’, filwaqt li oħra tbiddelha…

Id-Duttrina tal-ħafna JIENIJET ġiet mgħallma fit-Tibet tal-Lvant mill-Klarividenzi veri, mill-Illuminati awtentiċi… Kull wieħed mid-difetti psikoloġiċi tagħna huwa personifikat f’dan jew f’dak il-JIEN. Peress li għandna eluf u anke miljuni ta’ difetti, ostensibbilment jgħixu ħafna nies ġewwa fina.

Fi kwistjonijiet psikoloġiċi stajna evidenzjaw b’mod ċar li s-suġġetti paranojċi, egolatri u mitomani għalxejn fid-dinja ma jabbandunawx il-kult tal-Ego għażiż. Inkwestjonabbilment nies bħal dawn jobogħdu mortalment id-duttrina tal-ħafna “JIENIJET”.

Meta wieħed verament irid jiskopri lilu nnifsu, irid josserva lilu nnifsu u jipprova jiskopri l-“JIENIJET” differenti li jinsabu ġewwa l-personalità. Jekk xi ħadd mill-qarrejja tagħna għadu ma jifhimx din id-duttrina tal-ħafna “JIENIJET”, dan huwa esklussivament minħabba n-nuqqas ta’ prattika fil-qasam tal-Awtosservazzjoni.

Hekk kif wieħed jipprattika l-Awtosservazzjoni Interjuri, jiskopri waħdu ħafna nies, ħafna “JIENIJET”, li jgħixu ġewwa l-personalità tagħna stess. Dawk li jiċħdu d-duttrina tal-ħafna JIENIJET, dawk li jaduraw Jien Divin, indubitalment qatt ma Osservaw Lilhom Infushom bis-serjetà. Meta nitkellmu din id-darba fi stil Sokratiku ngħidu li dawk in-nies mhux biss ma jafux imma wkoll ma jafux li ma jafux.

Ċertament qatt ma stajna nkunu nafu lilna nfusna, mingħajr l-awtosservazzjoni serja u profonda. Sakemm suġġett kwalunkwe jibqa’ jikkunsidra lilu nnifsu bħala Wieħed, huwa ċar li kwalunkwe bidla interjuri tkun xi ħaġa aktar milli impossibbli.