Tâ Ngangu Biani ti Aye

Biani azo kutuku na ndo gi gbogbo azo ti Afrika, Azi tî Amerika Latine alingbi ti kui na nzala.

Ngangu so ayeke sigigi na yâ ti “Spray” alingbi ti futi gbogbo Ozono so ayeke na yâ ti ndo ti aye na ndö ti sese.

Ambeni zo ti ndara afa so na ngu Deux Mille, tere ti sese ti e ayeke hunzi kue.

Aye so ayeke na yâ ti ngu ayeke kui ndali ti saleté ti ngu, a fa ni awe.

Na biani, tongana e ngbâ gi tongaso, na hunzingo ti siècle so, a lingbi azo kue so ayeke na yâ ti gbata amû Maske ti Oxigène ti kanga na lê ti ala ti kanga lege na guru.

Tongana saleté angbâ gi tongaso, a ninga pëpe, e lingbi ti te asusu mbeni pëpe, a yeke sioni teti seni ti zo.

Kozoni si ngu Deux Mille aga, a yeke ngangu ti wara mbeni yanga ti ngu so zo alingbi ti sukula na ngu so ayeke nzoni.

Ndali ti so azo ayeke sara kusala mingi na sese nga na tere ni, a ninga pëpe, sese alingbi ti sara aye ti yaka so ayeke na bezoin ti te kobe.

“Nyama ti hingango ye”, so a iri zo na lege ti handa, na saleté ti ngu na gbogbo ye ti sioni, na poison ti pupu na guru ti kutukutu nga na usine ti lo, nga na futi sese na lege ti ngangu ti atomique so ayeke na gbe ti sese nga na sarango ye ahon ndo ni na aye so ayeke sioni teti yanga ti sese, a yeke polele so lo sara si Planète Sese ayeke na yâ ti vundu so ayeke ninga mingi na so ayeke sara si ye ti ngangu ayeke si.

A yeke ngangu ti tene dunia alï na yâ ti ngu Deux Mille, ndali ti so “Nyama ti hingango ye” ayeke futi ndo so aye ayeke dä na vitesse.

“Mamifère ti hingango ndo”, so a iri zo na lege ti handa, ayeke na bê ti futi Sese, lo ye ti sara si a duti mbeni pëpe, na a yeke polele so lo yeke sara ni.

Na ndo ti angu, a yeke polele so amara kue asara si angu aga mara ti Kota Damba.

Pourcentage 70 ti gbogbo sioni ti dunia ayeke gue na yâ ti angu oko oko.

Gbogbo quantité ti essence, ayongoro ti kiri na peko ti abungu ti mara kue, mingi ti aye ti chimie, agaz ti poison, agaz neurotoxique, detergent, etc., ayeke futi mara ti aye kue so ayeke na yâ ti Océan.

Andeke so ayeke na ndo ti ngu nga na Plancton so ayeke kota ye mingi teti fini ayeke futi.

Na biani, futingo ti Plancton ti Ngu-ingo ayeke na kota vundu so zo alingbi ti diko ni pëpe ndali ti so kete ye so asigigi pourcentage 70 ti Oxigène ti Sese.

Na lege ti gingo nda ti ye ti science, a wara lege ti bâ so ambeni mbage ti Atlantique nga na ti Pacifique asara saleté awe na aye ti radioactif, produit ti ngangu ti atomique.

Na yâ ti Kota Gbata nde nde ti dunia na mbilimbili na Europe, a yeke nyon ngu ti sukulengo, a yeke zi ni, a yeke zi ni na pekoni a yeke nyon ni mbeni.

Na yâ ti akota gbata “Sûper-civilisées”, ngu so a yeke sara kusala na ni na ndo ti mesa ayeke hon na yâ ti tere ti zo mingi.

Na yâ ti gbata ti Cúcuta, frontière na Venezuela, République ti Colombie, Amérique du Sud, azo ayeke na bezoin ti nyon ngu ti vukere nga na ngu ti saleté ti ngu so ayeke yô gbogbo aye ti sioni so ayeke sigigi na Pamplona.

Mbi ye ti sara tënë na ngangu na ndo ti ngu ti Pamplonita so asara sioni mingi na “Perle du Nord” (Cúcuta).

Na ngia, a yeke wara fadeso mbeni ngu nde so ayeke mû ye na Gbata ni, sân ti zia ti nyon ngu ti vukere ti ngu ti Pamplonita.

Akota filtre, agrosse ngangu ti masini, aye ti chimie, ayeke gi ti zi ngu ti vukere ti akota gbata ti Europe, me kobela angbâ ti yeke mû yeke yeke na ngu ti vukere so ayeke sioni so ahon na yâ ti tere ti zo mingi.

Azo ti bactérie so ayeke gbâ ni gbâ ni awara na yâ ti ngu ti nyongo ti akota kodoro-mokonzi mara ti: virus, colibacilles, patogènes, bactérie ti Tuberculosis, Tifo, Viruela, Larves, etc.

Atâa so a kpa ye ti gonda pëpe na yâ ti même angangu ti ngu ti Potabilizadoras ti akodoro ti Europe, a wara virus ti vaka ti Poliomielitis.

Na ndö ni, futingo ti ngu ayeke ye ti mû wanda: Awandara ti laso afa so na ngu 1990 humanoïde ti hingango ye ayeke kui na nzara ti ngu.

Ye so ayeke sioni ahon aye so kue ayeke so ayanda ti ngu ti sukulengo so ayeke na gbe ti sese ayeke na yâ ti kpale ndali ti sarango ye ahon ndo ni ti Nyama ti hingango ye.

Sarango kusala sân ti sara nzoni bê na adû ti essence angbâ ti sara ye ti vundu. Essence so a zi na yâ ti sese ayeke fâ yâ ti ngu so ayeke na gbe ti sese na ayeke sara si ngu asala sioni.

Tongana ye so ayeke si na pekoni, essence asara si ngu so ayeke na gbe ti sese ti Sese alingbi ti nyon pëpe teti angu ahon saki oko.

Polele so tongana ye so kue asi, akeke ayeke kui nga même gbogbo zo.

Zia e sara tënë fadeso kete na ndö ti pupu so ayeke kota ye mingi teti fini ti aye.

Na ngoi so zo ayeke gboto pupu na zo ayeke gboto pupu, poumon ayeke mû mbeni mètre ti pupu oko, wala mètre cube bale-oko na use na lango oko, a gboto quantité ni so na Azo Saki Ota na Ngbangbo Ise na Million so ayeke na Sese, tongaso e yeke wara quantité so alingbi kue ti oxigène so gbogbo azo ayeke nyon na lango oko, sân ti diko aye ti nyama so ayeke sara si yanga ti Sese ayeke dä.

Gbogbo Oxigène so e yeke gboto ayeke na yâ ti ndo so aye ayeke dä na a yeke ndali ti Plancton so e yeke futi fadeso na saleté nga na kusala ti photosynthétique ti akeke.

Na pekoni, a yeke hunda ti zi aye ti oxigène.

Mamifère ti hingango ye so a iri zo na lege ti handa, na lege ti mingi ti usine ti lo ayeke yeke yeke ndiki quantité ti ngangu ti lâ, so ayeke kota ye mingi nga so ayeke hunda teti photosynthèse, na ndali ti so quantité ti Oxigène so akeke ayeke sigigi fadeso ayeke mingi mingi pëpe ahon ti so ayeke na siècle so ahon.

Ye so ayeke sioni ahon aye so kue ayeke so “Nyama ti hingango ye” angbâ ti sara saleté ti ngu, ti futi Plancton nga ti hunzi na akeke.

“Nyama ti hingango ye”, ayeke ngbâ ti futi na vundu gbogbo ndo so Oxigène ayeke sigigi dä.

“Smog”, so “Humanoïde ti hingango ye” ayeke sigigi na ngangu na yâ ti pupu; na ndö ti fango zo, a yeke sara si fini ti Planète Sese ayeke na yâ ti kpale.

“Smog”, ayeke futi pëpe gi aye ti oxigène, me nga ayeke fâ azo.

“Smog”, ayeke sigigi na akobela so ayeke nde nga na akobela so ayeke sioni so zo alingbi ti sava pëpe, a fa ni awe.

“Smog”, ayeke kanga lege na singo ti lumière ti lâ nga na ayongoro ti ultraviolet, na sarango mara ti ye so, akpale so ayeke nzoni pëpe ayeke sigigi na yâ ti ndo so aye ayeke dä.

Mbeni ngoi ti gbiango ti ndo ayeke ga, glaciations, guengo na li ni ti aye ti polaire so ayeke gue na ndo ti Equateur, acyclone so ayeke mû wanda, abiani ti sese, etc.

Ndali ti sarango kusala pëpe, me na sarango kusala ahon ndo ni na ngangu ti kouran na ngu Deux Mille, wâ ayeke gbâ ahon ndo ni na ambeni kodoro ti Planète Sese na ye so ayeke sara kusala na yâ ti kusala ti Revolution ti Axe ti Sese.

A ninga pëpe, ayongoro ayeke ga tongana Equateur ti Sese, na Equateur ti nda ni ayeke ga Ayongoro.

Ziango ti aye ti Ayongoro amû ndo awe na mbeni Kota Ndá ti Ngu so ayeke sigigi na gbe ti wâ ayeke pusu nduru.

Na yâ ti akiringo na peko so ayeke ga, “Dioxyde ti Carbone” ayeke gbâ, tongaso kete ye ti chimie so ayeke sara mbeni kete couche na yâ ti ndo ti Sese.

Mara ti filtre wala couche tongaso, ayeke gboto na vundu rayonnement thermique na ayeke sara kusala tongana mbeni serre ti akpale.

Ndo ti sese ayeke ga wâ mingi na ambeni ndo na wâ ayeke sara si aye ti glace ti Ayongoro ayeke hon, na sarango tongaso niveau ti angu ayeke gue na li ni na ngangu.

Dutingo ti aye ayeke sioni mingi, sese so ayeke sara ye ayeke hon na lâ oko oko azo Ngbangbo Use na Saki ayeke dü so ayeke na bezoin ti kobe.

Kota vundu ti nzala ti dunia so ayeke pusu nduru ayeke ga tâ ye ti mû wanda; a yeke nduru na yanga.

Fadeso azo million Ngbangbo Ise ayeke kui ngu oko oko na nzala, ndali ti so kobe ayeke dä pëpe.

Sarango usine na ngangu na yâ ti gbogbo ngonda nga na sarango kusala sân ti sara nzoni bê na Mine nga na essence ayeke zia Sese na yâ ti mbeni désert.

Atâa so a yeke tâ tënë so ngangu ti atomique ayeke fâ zo teti azo, a yeke tâ tënë nga so fadeso “Ayongoro ti Kuâ”, “Bombe Microbienne” nga na mingi ti ambeni ye so ayeke futi ye mingi, so ayeke sioni; so awandara asigi na ni.

Na biani, ti wara ngangu ti atomique, a yeke hunda gbogbo quantité ti wâ so a yeke ngangu ti komande ni na so na ngoi kue alingbi ti sara si ye ti ngangu asi.

Ti wara ngangu ti atomique, a yeke hunda gbogbo quantité ti aye ti ngangu ti radioactif, so a yeke sara kusala gi na pourcentage Ngbangbo Ota, ye so asara si tere ti sese ahunzi hio.

Aye ti sioni ti atomique so angbâ na gbe ti sese ayeke sioni mingi. Ndo ti bata ye ti sioni ti atomique ayeke dä pëpe.

Tongana agaz ti mbeni damba ti atomique asigigi, atâa so a yeke kete ye, azo million mingi ayeke kui.

Saleté ti kobe nga na ngu ayeke ga na gbiango ti gene nga na aye ti zo so ayeke mawa: aye so ayeke dü so agbisa tere nga so ayeke mawa.

Kozoni si ngu 1999 aga, mbeni kota ye ti atomique ayeke si so ayeke sara si mbeto agbâ.

Biani, azo ahinga ti duti na fini pëpe, a sara sioni mingi nga na biani a pusu nduru na yâ ti dû.

Ye so ayeke sioni ahon aye so kue ayeke so aye so ayeke sara si vundu aga, so ayeke: nzala, bira, futingo ti Planète so e duti na ndö ni, etc., ayeke na yâ ti e mveni, e yeke yô ni na yâ ti e, na yâ ti Psyquie ti e.