Kuaïkusala Gnostique ti Ndimo

A yeke hunda ti manda Gnose na ti sara kusala na apensé so e yeke fa na yâ ti buku so ti sara kua biani na ndö ti tere ti e wani.

Ye oko, e lingbi pëpe ti sara kua na ndö ti tere ti e wani na bê ti zi mara ti “Moi” so wala so sân ti bâ ni kozoni.

Bango tere ti zo wani amû lege na mbeni rayon ti lumière ti lï na yâ ti tere ti e.

Mbeni “Moi” kue afa tere ti lo na li ti zo na mbeni lege, na bê ti zo na mbeni lege nde, nga na yâ ti bungbi ti koli na wali na mbeni lege nde.

A lingbi e bâ “Moi” so e wara lo na yâ ti kpale na mbeni ngoi, a hunda ti bâ lo na yâ ti akota ndo ota so kue ti tere ti e.

Tongana e yeke na yâ ti songo na amba ti e, tongana e yeke nduru na e yeke sara hange tongana zo ti bâ ndo na ngoi ti bira, e yeke fa tere ti e mveni.

Mo dabe ti mo na ngbonga so a zoa mo na yâ ti baba? Baba ti mo? Ye nyen la ason mo mingi na yâ ti lango ni? Ngbanga ti nyen la mo wara kpale so? Kpale so ahonde tele ti lo na ndo wa? Mo manda ye so, bâ li ti mo, bê ti mo na bungbi ti mo ti koli na wali…

Dutingo na fini so e yeke sara ni lakue ayeke mbeni pendere da-mbeti; na yâ ti songo so e yeke na ni na amba ti e, e lingbi ti fa “aMoi” so e yeke yô na yâ ti tere ti e.

Mbeni kpale kue, mbeni ye kue so asi, alingbi ti gue na e, na lege ti bango tere ti e mveni, na fa tere ti mbeni “Moi”, atâa a yeke ti ndoye ti tere, bê ti wâ, jaloux, ngonzo, bê ti ye, dengo kite, zonga, sioni nzara, etc., etc., etc.

A hunda ti hinga tere ti e mveni kozoni si e lingbi ti hinga amba ti e. A yeke hunda ti manda ti bâ bango ndo ti mbeni zo.

Tongana e zia tere ti e na place ti amba ti e, e yeke bâ so sioni sarango ye ti psychologie so e yeke bi na li ti amba ti e, e yeke na ni mingi na yâ ti tere ti e.

Ti ndoye zo ti vaka ayeke kota ye, me zo alingbi pëpe ti ndoye amba ti lo tongana lo manda kozoni pëpe ti zia tere ti lo na place ti mbeni zo na yâ ti kua ti nda-gigi.

Sioni sarango ye ayeke ngbâ ti duti na ndö ti fango ti sese, teti so e manda pëpe ti zia tere ti e na place ti amba ti e.

Me tongana zo ayeke na courage pëpe ti bâ tere ti lo mveni, tongana nyen la lo lingbi ti zia tere ti lo na place ti amba ti lo?

Ngbanga ti nyen la a lingbi e bâ gï sioni mbage ti amba ti e?

Sioni bê so ayeke ga lakue na mbage ti mbeni zo so e hinga lo kozoni, afa so e hinga pëpe ti zia tere ti e na place ti zo ti vaka, so e ndoye zo ti vaka pëpe, so conscience ti e ayeke lango mingi.

Mbeni zo ason bê ti e mingi? Ngbanga ti nyen? Peut-être lo yeke nyon sämba? Bâ tere ti e… E yeke sûr ti sarango ye ti e ti mbilimbili? E yeke sûr ti yô na yâ ti tere ti e “Moi” ti ngbâ ti nyon sämba pëpe?

A yeke nzoni mingi tongana e bâ mbeni zo ti nyon sämba ayeke sara asioni ye e tene: “Mbi la so, asioni ye so mbi yeke sara so.

Mo yeke mbeni wali ti mbilimbili na zo ti sarango ye ti nzoni na ndo ni, ye so asara si mbeni wali ason bê ti mo; mo bâ lo na sioni lê. Ngbanga ti nyen? Mo bâ tere ti mo na sûr mingi? Mo pensé so na yâ ti tere ti mo mo yeke na “Moi” ti sioni nzara pëpe? Mo pensé so wali so iri ti lo abuba ndali ti asioni ye ti ngangu so lo sara na ndali ti sioni nzara ti lo ayeke sioni? Mo yeke sûr so na yâ ti tere ti mo sioni nzara na sioni sarango ye so mo bâ na yâ ti wali so ayeke dä pëpe?

A yeke nzoni mingi tongana mo bâ tere ti mo mveni mingi na tongana na yâ ti gbungo li mingi mo zia tere ti mo na place ti wali so mo ke lo.

A yeke hunda ti mû ngele na kua ti Gnostique so ayeke ti nda-gigi, a yeke kota ye ti mä yâ ni na ti bâ ngele ni tongana na yâ ti tâ tënë e yeke na nzara ti mbeni changement so alï mingi.

A ga kota ye ti hinga ti ndoye amba ti e, ti manda Gnose na ti mû afango ye so na azo kue, tongana a yeke tongaso pëpe e yeke tï na yâ ti bê ti ye.

Tongana zo amû tere ti lo na kua ti nda-gigi na ndö ti tere ti lo mveni, me lo mû afango ye ni na amba ti lo pëpe, maïngo ti lo ti nda-gigi aga ngangu mingi ndali ti so lo ndoye amba ti lo pëpe.

“Zo so amû ye, lo yeke wara ye na tongana lo mû ye mingi, lo yeke wara ye mingi, me zo so amû ye oko pëpe, a yeke zi ye so lo yeke na ni na tere ti lo”. So ayeke Ndia ni.