La Vìwa

Na yâ ti gigi ti lâ oko oko kue, e yeke wara lakue aye so ague nde nde so ayeke dö bê ti zo. Azo ti mosoro so ayeke na pendere da nga so ayeke na akamarade mingi, ambeni na popo ti ala ayeke bâ pasi mingi… Azo so ayeke sara kua na ngangu na likongo na zangazanga wala azo ti ngonda so ayeke na ngangu pëpe, ala yeke ngbâ na yâ ti ngia kue.

Mingi ti azo ti mosoro so ayeke na ngangu pëpe ti sara kusala ti mariage, na awali so ayeke na mosoro mingi ayeke toto na vundu ndali ti so akoli ti ala ayeke be-ta-zo pëpe… Azo ti mosoro ti sese ayeke bâ ndo na popo ti adabagere ti lor, na ngoi so ala lingbi pëpe ti ngbâ na fini tongana zo ayeke bata ala pëpe… Akoli ti kodoro ayeke gbá na chaîne, ala yeke na liberté lâ oko pëpe, ala yeke tambela na ndo kue na popo ti azo so ayeke na aye ti bira juska na yanga ti ngbenda ti ala…

Zia e bâ ye so nzoni mingi ahon. A lingbi e hinga ye so gigi ayeke. Zo oko oko kue ayeke na liberté ti tene ye so bê ti lo aye… Atâa ala tene nyen, biani zo oko ahinga ye oko pëpe, gigi ayeke ga kpale so zo oko ahinga nda ni pëpe…

Tongana azo aye ti fa na e senge senge mbaï ti gigi ti ala, ala yeke fa aye so asi, iri na iri ti sewa, angoi so aye ni asi dä, na ala yeke wara ngia na sarango ambaï ti ala… Azo so ayeke na mawa ayeke hinga pëpe so ambaï ti ala ague na li ni pëpe ngbanga ti so aye so asi, iri na angoi so aye ni asi dä ayeke gi aye so lê abâ, ye so ayeke na yâ ti bê ayeke dä pëpe…

A lingbi e hinga hio “dutingo ti bibe”, dutingo so ague oko na ye so asi. Adutingo ayeke na yâ ti bê na aye so asi ayeke na gigi, aye so asi na gigi ayeke pëpe ye kue…

A lingbi e hinga na yâ ti adutingo so ayeke na yâ ti bê ayeke nzoni wala sioni bibe, agingo bê, vundu, akpara, mbito, beku, be-nzoni, bango tere, bango tere ti kota ahon ti so zo ayeke, adutingo ti warango ngia, adutingo ti warango ngia, na ambeni ye nde…

Na kite oko pëpe, adutingo so ayeke na yâ ti bê alingbi ti gue oko biani na aye so ayeke na gigi wala ala lingbi ti sara si aye ni asi, wala ti duti na songo oko pëpe na aye ni… Atâa a yeke tongana nyen, adutingo na aye so asi ayeke nde. Lakue pëpe aye so asi ayeke gue oko biani na adutingo so ague oko na ni.

Dutingo so ayeke na yâ ti bê ti mbeni ye so anzere na zo alingbi ti gue oko pëpe na ye ni. Dutingo so ayeke na yâ ti bê ti mbeni ye so anzere na zo pëpe alingbi ti gue oko pëpe na ye ni. Aye so e ku ni lani aninga mingi, tongana ala ga, e bâ so mbeni ye amanke…

Biani dutingo so ague oko na ye ni amanke, so a lingbi a bungbi na ye so ayeke na gigi… Mingi ni ye so zo aku pëpe ayeke ga ye so amû na e anzoni ngoi mingi ahon…