Rinia

Rinia ndahet në dy periudha nga shtatë vjet secila. Periudha e parë fillon në moshën 21 vjeç dhe përfundon në moshën 28 vjeç. Periudha e dytë fillon në moshën 28 vjeç dhe përfundon në moshën 35 vjeç.

Themelet e rinisë gjenden në shtëpi, shkollë dhe rrugë. Rinia e ngritur mbi bazën e ARSIMIT THEMELOR rezulton në fakt NGRITËSE dhe esencialisht DINJITETDHËNËSE.

Rinia e ngritur mbi themelet e rreme është si pasojë logjike një rrugë e gabuar.

Shumica e burrave e përdorin pjesën e parë të jetës për ta bërë pjesën tjetër të mjerë.

Të rinjtë për një koncept të gabuar të burrërisë së rreme, shpesh bien në krahët e prostitutave.

Eksceset e rinisë janë letra të këmbyera kundër pleqërisë që paguhen me interesa shumë të shtrenjta pas tridhjetë vjetësh.

Pa ARSIM THEMELOR rinia rezulton një deheri i përhershëm: është ethet e gabimit, likeri dhe pasioni shtazor.

Gjithçka që njeriu duhet të jetë në jetën e tij gjendet në gjendje potenciale gjatë tridhjetë viteve të para të ekzistencës.

Nga të gjitha veprimet e mëdha njerëzore që kemi njohuri, si në epokat e mëparshme ashtu edhe në tonën, pjesa më e madhe e tyre kanë filluar para të tridhjetave.

Burri që ka mbushur të tridhjetat ndihet ndonjëherë sikur po del nga një betejë e madhe në të cilën ka parë shumë shokë të bien njëri pas tjetrit.

Në të tridhjetat, burrat dhe gratë e kanë humbur tashmë gjithë gjallërinë dhe entuziazmin e tyre dhe nëse dështojnë në sipërmarrjet e tyre të para, mbushen me pesimizëm dhe e braktisin lojën.

Iluzionet e pjekurisë pasojnë iluzionet e rinisë. Pa Arsim Themelor trashëgimia e pleqërisë shpesh është dëshpërimi.

Rinia është e shpejtë. Bukuria është shkëlqimi i rinisë, por është iluzore, nuk zgjat.

Rinia e ka Gjeniun e gjallë dhe Gjykimin e dobët. Të rrallë në jetë janë të rinjtë me Gjykim të fortë dhe Gjeni të gjallë.

Pa ARSIM THEMELOR të rinjtë rezultojnë pasionantë, të dehur, zuzarë, thumbues, lakmitarë, epshorë, grykës, kopracë, ziliqarë, xhelozë, matrapazë, hajdutë, krenarë, dembelë, etj.

Rinia është një Diell vere që shpejt fshihet. Të rinjtë e adhurojnë të shpërdorojnë vlerat jetësore të rinisë.

Të Moshuarit bëjnë gabimin t’i shfrytëzojnë të rinjtë dhe t’i çojnë në luftë.

Njerëzit e rinj mund të transformohen dhe ta transformojnë Botën nëse orientohen nga shtegu i ARSIMIT THEMELOR.

Në rini jemi plot iluzione që na çojnë vetëm në zhgënjim.

UNËJA shfrytëzon zjarrin e rinisë për t’u forcuar dhe bërë e fuqishme.

Unëja kërkon kënaqësi pasiononte me çdo kusht edhe nëse pleqëria është plotësisht katastrofike.

Njerëzit e rinj janë të interesuar vetëm të dorëzohen në krahët e kurvërisë, verës dhe kënaqësive të çdo lloji.

Të rinjtë nuk duan ta kuptojnë se të jesh skllevër i kënaqësisë është karakteristikë e lavireve, por jo e burrave të vërtetë.

Asnjë kënaqësi nuk zgjat mjaftueshëm. Etja për kënaqësi është sëmundja që i bën më të neveritshëm KAFSHËT INTELEKTUALE. Poeti i madh i gjuhës spanjolle Jorge Manrique, tha:

“Sa shpejt shkon kënaqësia, si pas kujtesës, jep dhimbje, si sipas mendimit tonë çdo kohë e kaluar ishte më e mirë”

Aristoteli duke folur për kënaqësinë tha: “Kur bëhet fjalë për të gjykuar kënaqësinë, ne njerëzit nuk jemi gjyqtarë të paanshëm”.

KAFSHA INTELEKTUALE gëzon duke justifikuar kënaqësinë. Frederiku i Madh nuk pati problem të pohojë me forcë: “KËNAQËSIA ËSHTË E MIRA MË E VËRTETË E KËSAJ JETE”.

Dhimbja më e padurueshme është ajo e shkaktuar nga zgjatja e kënaqësisë më intensive.

Të rinjtë kokëkrisur janë të shumtë si barërat e këqija. UNËJA kokëkrisur gjithmonë e justifikon kënaqësinë.

Kokëkrisuri KRONIK e urren Martesën ose preferon ta shtyjë atë. Është gjë e rëndë të shtysh Martesën me pretekstin për të shijuar të gjitha kënaqësitë e tokës.

Është absurde të shkatërrosh vitalitetin e rinisë dhe pastaj të martohesh, viktimat e një budallallëku të tillë janë fëmijët.

Shumë burra martohen sepse janë të lodhur, shumë gra martohen nga kurioziteti dhe rezultati i absurditeteve të tilla është gjithmonë zhgënjimi.

Çdo burrë i urtë e do vërtetë dhe me gjithë zemër gruan që ka zgjedhur.

Duhet të martohemi gjithmonë në rini nëse nuk duam vërtet të kemi një pleqëri të mjerë.

Për gjithçka ka kohë në jetë. Që një i ri të martohet është normale, por që një plak të martohet është budallallëk.

Të rinjtë duhet të martohen dhe të dinë të formojnë shtëpinë e tyre. Nuk duhet të harrojmë se përbindëshi i xhelozisë shkatërron shtëpitë.

Salomoni tha: “Xhelozia është e pamëshirshme si varri; prushët e saj janë prushë zjarri”.

Raca e KAFSHËVE INTELEKTUALE është xheloze si qentë. Xhelozitë janë plotësisht SHTAZORE.

Burri që e bën xheloze një grua nuk e di me kë ka të bëjë. Më mirë mos e bëj xheloze për të ditur se çfarë lloj gruaje kemi.

Ulërima helmuese e një gruaje xheloze rezulton më vdekjeprurëse se dhëmbët e një qeni të tërbuar.

Është e rreme të thuhet se aty ku ka xhelozi ka dashuri. Xhelozia kurrë nuk lind nga dashuria, dashuria dhe xhelozia janë të papajtueshme. Origjina e xhelozisë gjendet në frikë.

UNËJA e justifikon xhelozinë me arsye të shumë llojeve. UNËJA ka frikë të humbasë qenien e dashur.

Kushdo që dëshiron vërtet ta shpërndajë UNËN duhet të jetë gjithmonë i gatshëm të humbasë atë që e do më shumë.

Në praktikë kemi mundur të vërtetojmë pas shumë vitesh vëzhgim, se çdo beqar libertin kthehet në burrë xheloz.

Çdo burrë ka qenë tmerrësisht kurvar.

Burri dhe gruaja duhet të jenë të bashkuar në mënyrë vullnetare dhe nga dashuria, por jo nga frika dhe xhelozia.

Para LIGJIT TË MADH burri duhet të përgjigjet për sjelljen e tij dhe gruaja për të sajën. Burri nuk mund të përgjigjet për sjelljen e gruas dhe as gruaja nuk mund të përgjigjet për sjelljen e burrit të saj. Të përgjigjet secili për sjelljen e vet dhe të shpërndahen xhelozitë.

Problemi bazë i rinisë është Martesa.

Vajza e re koketuese me disa të dashur mbetet beqare “sepse si njëri ashtu edhe tjetri zhgënjehen nga ajo.

Është e nevojshme që vajzat e reja të dinë ta ruajnë të dashurin e tyre nëse vërtet duan të martohen.

Është e nevojshme të mos e ngatërrosh DASHURINË me PASIONIN. Të rinjtë e dashuruar dhe vajzat, nuk dinë të dallojnë midis dashurisë dhe pasionit.

Është urgjente të dish se PASIONI është një helm që mashtron mendjen dhe zemrën.

Çdo burrë pasionant dhe çdo grua pasionante mund të betohen edhe me lot gjaku se janë vërtet të dashuruar.

Pasi të jetë kënaqur pasioni shtazor, kështjella e letrave bie në tokë.

Dështimi i kaq shumë martesave i atribuohet faktit se u martuan nga pasioni shtazor, por jo nga DASHURIA.

Hapi më i rëndë që hedhim gjatë rinisë është Martesa dhe në Shkolla, Kolegje dhe Universitete duhet të përgatiten të rinjtë dhe zonjushat për këtë hap të rëndësishëm.

Është për të ardhur keq që shumë të rinj dhe zonjusha martohen për interes ekonomik ose interesa të thjeshta sociale.

Kur Martesa realizohet nga pasioni shtazor ose nga interesa sociale ose interesi ekonomik, rezultati është dështimi.

Ka shumë çifte që dështojnë në martesë për shkak të papajtueshmërisë së karaktereve.

Gruaja që martohet me një të ri xheloz, të zemëruar, të furishëm, do të bëhet viktima e një xhelati.

I riu që martohet me një grua xheloze, të furishme, të zemëruar, është e qartë se do ta kalojë jetën e tij në ferr.

Për të pasur dashuri të vërtetë midis dy qenieve, është urgjente që të mos ekzistojë pasion shtazor, është e domosdoshme të shpërndahet UNËJA e xhelozisë, është e nevojshme të çintegrohet zemërimi, është thelbësor një mosinteresim i çdo prove.

UNËJA dëmton shtëpitë, UNË VETË shkatërron harmoninë. Nëse të rinjtë dhe zonjushat studiojnë ARSIMIN tonë THEMELOR dhe propozojnë ta shpërndajnë UNËN, është e qartë për të gjithë se do të mund të gjejnë shtegun e MARTESËS PERFEKTE.

Vetëm duke shpërndarë EGO-n do të mund të ketë lumturi të vërtetë në shtëpi. Të rinjve dhe zonjushave që duan të jenë të lumtur në martesë u rekomandojmë të studiojnë thellë ARSIMIN tonë THEMELOR dhe ta shpërndajnë UNËN.

Shumë Prindër celojnë bijat në mënyrë të tmerrshme dhe nuk duan që këto të kenë të dashur. Një procedurë e tillë është absurde njëqind për qind sepse vajzat kanë nevojë të kenë të dashur dhe të martohen.

Rezultati i një mungese të tillë të kuptuarit janë të dashurit fshehurazi, në rrugë, me rrezikun gjithmonë të bien në duart e galantit joshës.

Vajzat e reja duhet të kenë gjithmonë liri për të pasur të dashurin e tyre, por për shkak se ende nuk e kanë shpërndarë UNËN, është e përshtatshme të mos i lini vetëm me të dashurin.

Të rinjtë dhe zonjushat duhet të kenë liri për të bërë festat e tyre në shtëpi. Shpërqendrimet e shëndetshme nuk dëmtojnë askënd dhe Rinia ka nevojë të ketë shpërqendrime.

Ajo që e dëmton rininë është likeri, cigaret, kurvëria, orgjitë, libertinizmi, kantinat, kabaretë, etj.

Festat e familjes, vallet e denja, muzika e mirë, shëtitjet në fshat, etj, nuk mund të dëmtojnë askënd.

Mendja e dëmton dashurinë. Shumë të rinj e kanë humbur mundësinë e martesës me gra të mrekullueshme për shkak të frikës së tyre ekonomike, kujtimeve të së djeshmes, shqetësimeve për të nesërmen.

Frika nga jeta, nga uria, nga mjerimi dhe projektet e kota të mendjes kthehen në shkakun themelor të çdo shtyrjeje martesore.

Shumë janë të rinjtë që propozojnë të mos martohen derisa të zotërojnë një sasi të caktuar parash, shtëpi të vetë, makinë të modelit të fundit dhe mijëra budallallëqe të tjera sikur e gjithë kjo të ishte lumturia.

Është për të ardhur keq që ai lloj burrash humbasin mundësi të bukura martesore për shkak të frikës nga jeta, nga vdekja, nga çfarë do të thonë, etj.

Ai lloj burrash mbeten beqarë për gjithë jetën e tyre ose martohen tashmë shumë vonë, kur nuk u ka mbetur kohë për të ngritur një familje dhe për t’i edukuar fëmijët e tyre.

Në të vërtetë gjithçka që i nevojitet një burri për të mbajtur gruan dhe fëmijët e tij është të ketë një profesion ose një zanat të thjeshtë, kjo është e gjitha.

Shumë vajza mbeten beqare sepse po zgjedhin burrë. Gratë llogaritëse, të interesuara, egoiste mbeten beqare ose dështojnë plotësisht në martesë.

Është e nevojshme që vajzat të kuptojnë se çdo burrë zhgënjehet nga gruaja e interesuar, llogaritëse dhe egoiste.

Disa gra të reja të etura për të peshkuar burrë e pikturojnë fytyrën në mënyrë të ekzagjeruar, i depilojnë vetullat, i kaçurrejnë flokët, vënë paruke dhe rrathë të rremë, këto gra nuk e kuptojnë psikologjinë mashkullore.

Burri nga natyra i urren kukullat e pikturuara dhe e admiron bukurinë plotësisht natyrale dhe buzëqeshjen naive.

Burri dëshiron të shohë te gruaja sinqeritetin, thjeshtësinë, dashurinë e vërtetë dhe të pa interes, naivitetin e natyrës.

Zonjushat që duan të martohen duhet ta kuptojnë thellë psikologjinë e seksit mashkullor.

DASHURIA është SUMUM i urtësisë. Dashuria ushqehet me dashuri. Zjarri i rinisë së përjetshme është dashuria.