Antikrishti

Intelektualizmi vezullues si funksionalizëm i manifestuar i Vetë-s psikologjike, padyshim është ANTIKRISHTI.

Ata që supozojnë se ANTIKRISHTI është një personazh i çuditshëm i lindur në këtë apo atë vend të tokës ose që vjen nga ky apo ai vend, padyshim që gabojnë plotësisht.

E kemi thënë në mënyrë të theksuar se ANTIKRISHTI nuk është në asnjë mënyrë një subjekt i përcaktuar, por të gjithë subjektet.

Evidentisht, ANTIKRISHTI qëndron në thelb të çdo personi dhe shprehet në mënyra të shumta.

Intelekti i vënë në shërbim të shpirtit rezulton i dobishëm; intelekti i divorcuar nga shpirti bëhet i padobishëm.

Nga intelektualizmi pa spiritualitet lindin horrat, shprehje e gjallë e ANTIKRISHTIT.

Evidentisht, horri në vetvete dhe për vete është ANTIKRISHTI. Fatkeqësisht, bota e sotme me të gjitha tragjeditë dhe mjerimet e saj qeveriset nga ANTIKRISHTI.

Gjendja kaotike në të cilën ndodhet njerëzimi i sotëm padyshim që i atribuohet ANTIKRISHTIT.

I ligu për të cilin foli Pali i Tarsit në letrat e tij është padyshim një realizëm i ashpër i këtyre kohëve.

I ligu tashmë ka ardhur dhe shfaqet kudo, sigurisht që ka dhuntinë e gjithëpranisë.

Diskuton në kafene, bën negociata në OKB, ulet rehat në Gjenevë, kryen eksperimente laboratorike, shpik bomba atomike, raketa të telekomanduara, gaze asfiksuese, bomba bakteriologjike, etj., etj., etj.

I fascinuar ANTIKRISHTI me intelektualizmin e tij, ekskluzivitet absolut i dijetarëve, beson se i njeh të gjitha fenomenet e natyrës.

ANTIKRISHTI duke e konsideruar veten të gjithëdijshëm, i futur në gjithë ndyrësirat e teorive të tij, refuzon kategorikisht çdo gjë që i ngjan Zotit ose që adhurohet.

Vetë-mjaftueshmëria e ANTIKRISHTIT, krenaria dhe kryelartësia që ai zotëron, është diçka e padurueshme.

ANTIKRISHTI i urren vdekshmërisht virtytet e krishtera të besimit, durimit dhe përulësisë.

Çdo gjunjë ulet para ANTIKRISHTIT. Evidentisht, ai ka shpikur avionë tejzanorë, anije të mrekullueshme, automobila të shkëlqyeshëm, ilaçe befasuese, etj.

Në këto kushte, kush mund të dyshojë tek ANTIKRISHTI? Kush guxon në këto kohë të shprehet kundër të gjitha këtyre mrekullive dhe mrekullive të birit të humbjes, e dënon veten me talljen e të tjerëve, me sarkazëm, me ironi, me cilësimin si budalla dhe injorant.

Është e vështirë t’ua shpjegosh këtë njerëzve seriozë dhe studiues, ata vetë reagojnë, i rezistojnë.

Është e qartë se kafsha intelektuale e quajtur gabimisht njeri, është një robot i programuar me kopsht, fillore, shkolla 9-vjeçare, të mesme, universitet, etj.

Askush nuk mund të mohojë se një robot i programuar funksionon sipas programit, në asnjë mënyrë nuk mund të funksionojë nëse hiqet nga programi.

ANTIKRISHTI ka hartuar programin me të cilin programohen robotët humanoidë të këtyre kohëve dekadente.

Të bësh këto sqarime, të theksosh atë që po them, rezulton tepër e vështirë sepse është jashtë programit, asnjë humanoid robot nuk mund të pranojë gjëra që janë jashtë programit.

Kjo çështje është aq e rëndë dhe aq të mëdha janë ngatërresat e mendjes, saqë në asnjë mënyrë, një robot humanoid çfarëdo, nuk do të dyshonte as nga larg se programi nuk shërben, sepse ai është rregulluar sipas programit, dhe të dyshosh tek ai do t’i dukej herezi, diçka e papërshtatshme dhe absurde.

Që një robot të dyshojë tek programi i tij është një shëmtim, diçka absolutisht e pamundur sepse vetë ekzistenca e tij i detyrohet programit.

Fatkeqësisht, gjërat nuk janë siç i mendon roboti humanoid; ekziston një shkencë tjetër, një mençuri tjetër, e papranueshme për robotin humanoid.

Reagon roboti humanoid dhe ka të drejtë të reagojë sepse nuk është programuar për një shkencë tjetër as për një kulturë tjetër, as për asgjë të ndryshme nga programi i tij i njohur.

ANTIKRISHTI ka hartuar programet e robotit humanoid, roboti përkulet i përulur para zotërisë së tij. Si mund të dyshojë roboti për urtësinë e zotërisë së tij?

Lind fëmija i pafajshëm dhe i pastër; esenca që shprehet në çdo krijesë është shumë e çmuar.

Padyshim që natyra depoziton në trurin e të porsalindurve të gjitha ato të dhëna të egra, natyrore, pyjore, kozmike, spontane, të domosdoshme për kapjen ose përvetësimin e të vërtetave të përfshira në çdo fenomen natyror të perceptueshëm për shqisat.

Kjo do të thotë se fëmija i porsalindur mund të zbulojë vetë realitetin e çdo fenomeni natyror, fatkeqësisht ndërhyn programi i ANTIKRISHTIT dhe cilësitë e mrekullueshme që natyra ka depozituar në trurin e të porsalindurit shpejt shkatërrohen.

ANTIKRISHTI ndalon të menduarit ndryshe; çdo krijesë që lind, me urdhër të ANTIKRISHTIT duhet të programohet.

Nuk ka dyshim se ANTIKRISHTI e urren vdekshmërisht atë ndjenjë të çmuar të Qenies, të njohur si “aftësia e perceptimit instinktiv të të vërtetave kozmike”.

Shkenca e pastër, e ndryshme nga gjithë ndyrësirat e teorive universitare që ekzistojnë këtu, atje dhe atje, është diçka e papranueshme për robotët e ANTIKRISHTIT.

Shumë luftëra, uri dhe sëmundje ka përhapur ANTIKRISHTI në të gjithë rruzullin tokësor dhe nuk ka dyshim se do të vazhdojë t’i përhapë përpara se të vijë katastrofa përfundimtare.

Për fat të keq, ka ardhur koha e apostazisë së madhe të paralajmëruar nga të gjithë profetët dhe asnjë qenie njerëzore nuk do të guxonte të shprehej kundër ANTIKRISHTIT.