Thika e Ndërgjegjes

Disa psikologë e simbolizojnë ndërgjegjen si një thikë shumë të aftë për të na ndarë nga ajo që është ngjitur pas nesh dhe na nxjerr forcën.

Psikologë të tillë besojnë se mënyra e vetme për t’i shpëtuar pushtetit të një EGU të tillë është ta vëzhgosh atë gjithnjë e më qartë me qëllim që ta kuptosh për t’u bërë të vetëdijshëm për të.

Ata njerëz mendojnë se kështu njeriu ndahet përfundimisht nga ky ose ai Ego, qoftë edhe me trashësinë e tehut të një thike.

Në këtë mënyrë, thonë ata, Egoja e ndarë nga ndërgjegja, duket si një bimë e prerë.

Të bëhesh i vetëdijshëm për çdo Ego, sipas tyre, do të thotë ta ndash atë nga Psikia jonë dhe ta dënosh me vdekje.

Pa dyshim, një koncept i tillë, me sa duket shumë bindës, dështon në praktikë.

Egoja që nëpërmjet thikës së ndërgjegjes është prerë nga personaliteti ynë, e flakur nga shtëpia si dele e zezë, vazhdon në hapësirën psikologjike, shndërrohet në demon tundues, këmbëngul të kthehet në shtëpi, nuk dorëzohet aq lehtë, nuk do në asnjë mënyrë të hajë bukën e hidhur të dëbimit, kërkon një mundësi dhe me pakujdesinë më të vogël të rojes, akomodohet përsëri brenda psiqikës sonë.

Më e rënda është se brenda Egos së dëbuar gjendet gjithmonë e mbyllur një përqindje e caktuar e esencës, e ndërgjegjes.

Të gjithë ata psikologë që mendojnë kështu, nuk kanë arritur kurrë të shpërbëjnë asnjë nga Ego-t e tyre, në të vërtetë kanë dështuar.

Sado që të tentohet t’i shmangemi çështjes së KUNDALINI-t, problemi është shumë i rëndë.

Në realitet, “Biri Mosmirënjohës” nuk përparon kurrë në punën ezoterike mbi vetveten.

Evidentisht “Biri Mosmirënjohës” është çdo kush që e përbuz “ISIS”-in, Nënën tonë Hyjnore Kozmike, të veçantë, individuale.

ISIS është një nga pjesët autonome të qenies sonë, por e derivuar, Gjarpri i zjarrtë i fuqive tona magjike, KUNDALINI.

Duket qartë se vetëm “ISIS” ka fuqi absolute për të çintegruar çdo Ego; kjo është e pakundërshtueshme, e pathyeshme, e pakontestueshme.

KUNDALINI është një fjalë e përbërë: “KUNDA na kujton organin e neveritshëm KUNDARTIGUADOR”, “LINI është një term Atlantas që do të thotë Fund”.

“KUNDALINI” do të thotë: “Fundi i organit të neveritshëm KUNDARTIGUADOR”. Është pra urgjente të mos e ngatërrojmë “KUNDALINI”-n me “KUNDARTIGUADOR”-in.

E thamë tashmë në një kapitull të kaluar se Gjarpri i zjarrtë i fuqive tona magjike gjendet i mbështjellë tre herë e gjysmë brenda një Qendre të caktuar Magnetike të vendosur në kockën Coxígeo, bazë e shtyllës kurrizore.

Kur Gjarpri ngjitet, është KUNDALINI, kur zbret, është organi i neveritshëm KUNDARTIGUADOR.

Nëpërmjet “TANTRISMËS SË BARDHË” gjarpri ngjitet fitimtar nëpër kanalin medular kurrizor, duke zgjuar fuqitë që hyjnizojnë.

Nëpërmjet “TANTRISMËS SË ZEZË” gjarpri precipitohet nga koksiksi drejt ferreve atomike të njeriut. Kështu është se shumë shndërrohen në Demonë jashtëzakonisht të perversë.

Ata që bëjnë gabimin t’i atribuohen gjarprit ngjitës të gjitha karakteristikat e majta dhe të errëta të gjarprit zbritës, dështojnë përfundimisht në punën mbi vetveten.

Pasoja e keqe e “ORGANIT TË NEVERITSHËM KUNDARTIGUADOR”, mund të asgjësohet vetëm me “KUNDALINI”-n.

Nuk është keq të sqarojmë se pasoja të tilla janë të kristalizuara në EGON E PLURALIZUAR të Psikologjisë revolucionare.

Fuqia Hipnotike e Gjarprit zbritës e ka zhytur njerëzimin në pavetëdije.

Vetëm Gjarpri ngjitës, përkundrejt, mund të na zgjojë; kjo e vërtetë është një aksiomë e Urtisë Hermetike. Tani do ta kuptojmë më mirë kuptimin e thellë të fjalës së shenjtë “KUNDALINI”.

Vullneti i vetëdijshëm është gjithmonë i përfaqësuar nga gruaja e shenjtë, Maria, ISIS, që shtyp kokën e Gjarprit zbritës.

Deklaroj këtu sinqerisht dhe pa mëdyshje se rryma e dyfishtë e dritës, zjarri i gjallë dhe astral i tokës, është figuruar nga gjarpri me kokë demi, dhie ose qeni në Misteret e Lashta.

Është Gjarpri i dyfishtë i Kaduceut të Merkurit; është Gjarpri tundues i Edenit; por është gjithashtu pa dyshimin më të vogël, Gjarpri i Bakrit i Moisiut i ndërthurur në “TAU”, domethënë, në “LINGAM Gjenerues”.

Është “Dhia” e Sabatit dhe Baphometo i Templarëve Gnostikë; HYLE e Gnosticizmit Universal; bishti i dyfishtë i gjarprit që formon këmbët e Gjelit Diellor të ABRAXAS.

Në “LINGAM-in E ZEZË” të futur në “YONI”-n metalike, simbole të Zotit SHIVA, Hyjnisë Hindu, gjendet çelësi sekret për të zgjuar dhe zhvilluar Gjarprin ngjitës ose KUNDALINI, me kusht që të mos derdhet kurrë në jetë “Vazoja e Hermes Trimegisto”, i madhi Zot tre herë “IBIS I THOT”-it.

Kemi folur mes rreshtash për ata që dinë të kuptojnë. Kush ka mendje, le të kuptojë sepse këtu ka urtësi.

TANTRISTËT e zinj janë të ndryshëm, ata zgjojnë dhe zhvillojnë organin e neveritshëm KUNDARTIGUADOR, Gjarprin tundues të Edenit, kur kryejnë në ritet e tyre krimin e pafalshëm të derdhjes së “Verës së Shenjtë”.