Parathënie

PARATHËNIE

NGA MËSUESI GARGHA KUICHINES

Ekziston Astrologjia Shkencore ose Numerike që kërkon studime të gjera për t’u mësuar, me të cilën astrologët e të gjitha kohërave kanë bërë parashikime për ngjarje të rëndësishme. Gjithashtu, nga këto njohuri kanë përfituar personalitete të mëdha si Hitleri në Gjermani, i cili përdori astrologë të specializuar për t’i drejtuar në sulmet e tij luftarake.

Ne Gnostikët ndahemi nga kjo formë studimi, sepse me të njeriu është një lodër sipas parashikimeve, i pambrojtur përballë shenjave që shënojnë katroret e ndryshme dhe kalimin e yjeve. Ne njohim një astrologji që na mëson të manipulojmë me yjet dhe kështu mund të shmangim ngjarjet që mund të na parashikojnë specialistët e Astrologjisë Numerike. Për këtë kërkohet ndryshimi i trupave hënorë me të cilët lindim, me trupa diellorë ose ndriçues, duke shfrytëzuar vetë rrënjën e qenies sonë, pra farën tonë.

Armiku që na pengon të ngjitemi në njohurinë hyjnore është Joi ynë Satanik ose Shefi i legjioneve që qeveris trupin tonë fizik. Mënyra më e përsosur për të hequr qafe Rojtarin e Pragut, siç e quajnë ata të dorës së majtë, është nëpërmjet procesit të Iniciimit që për ne gnostikët fillon me hyrjen në faltoret ose Lumisiales, duke shfrytëzuar mësimet që drejton dhe promovon Avatari i Ujorit “Samael Aun Weor”.

Në kohën kur i Iniciuari Jezus dha mësimet e tij te besimtarët e shtegut tha: “Unë jam udha, unë jam e vërteta, unë jam jeta”. Në ato kohëra kishte një magjistar të madh të quajtur Simon Magjistari, i mbushur me fuqi dhe pasuri të mëdha, i cili u shfaqej dishepujve të tij: “Nëse Jezusi arriti te ati i tij me meritat e tij, unë Simoni gjithashtu do të arrij te ati im me meritat e mia dhe ajo që bëri ishte të ndiqte rrugën e majtë, duke u larguar nga i dashuri i tij. Ky rrezik është gjithmonë i fshehtë kur besimtarët e shtegut besojnë se ata vetë mund ta tejkalojnë shtegun.

Për ata që për herë të parë u vjen në duar ky urtësi, ju informojmë se kërkohen gjashtë muaj studime paraprake, duke studiuar veprat e Samael Aun Weor dhe duke vënë në praktikë njohuritë e tij. Më pas, nëse jep prova se kërkon të realizohet thellësisht dhe dëshiron një jetë superiore, atëherë, ai futet në Lumisiales nëpërmjet një procesi trajnimi të veçantë.

Kur besimtari i shtegut është i përgatitur për kursin provues, prova e parë që duhet të kalojë është ajo e Rojtarit të Pragut ose përballja me Satanin e tij, i cili ka qenë udhërrëfyesi dhe Mësuesi ynë për shumë shekuj. Më kujtohet se aty nga viti 1949, një dishepull i atëhershëm Hierofantit të Mistereve të Vogla Aun Weor, dhe pas më shumë se katër muajsh kaste absolute iu nënshtrua provës së Rojtarit një ditë 27 korrik. Ai fillestar ndodhej në një vend të vetmuar, ai ishte brenda, por nuk e dinte, kur thirri Rojtarin e Pragut, ky i fundit nuk vonoi, ai fillestar tregonte se fillimisht ndjeu një të ftohtë vdekjeje, koha që ishte e kthjellët po errësohej gjithnjë e më shumë, duke u rritur edhe ai i ftohtë dhe një erë e neveritshme që e bënte të dridhej nga tmerri, ndjeu dëshirën të ikte me vrap, por forca Krishtërore që tashmë e kishte grumbulluar në organizmin e tij nëpërmjet transmutimit alkimik, Arkanit A. Z. F., i dha kurajo të qëndronte në atë vend të padëshirueshëm. Papritur pa që po vinte drejt tij një bishë me figurë majmuni, tërësisht leshatore, me brirë në ballë që shkëlqenin dhe cingëronin kur lëviznin, me hundë dhe gojë si të mushkës, dhe i tha: Kështu që do të më braktisësh? Kështu ma shpërblen gjithë të mirën që të kam bërë? Më ndërron me atë njeri që nuk e njeh? Dhe ai iu përgjigj i mbushur me tmerr se po e braktiste, bisha iu hodh sipër me qëndrim sulmues, fillestari e përbuzi, por nuk i vlejti asgjë ajo përbuzje e dobët e një njeriu të dobët dhe të frikësuar, por i kujtohet se ishte një Chela i Krishtit dhe e përbuzi në emër të Krishtit dhe kështu u tërhoq pak, sa herë që i hidhej sipër, i kërkonte mbrojtje Krishtit dhe Mësuesve të tij të dashur dhe i thoshte: ti nuk mundesh më kundër meje, unë do të të mund dhe bisha u tërhoq duke shqiptuar kërcënime të çdo lloji. Shqetësimi i atij dishepulli ishte i madh, për shkak se Hierofanti kishte dalë në drejtim të një qyteti tjetër dhe kjo kërkonte të paktën tre ditë mungesë, por me t’u kthyer e pyeti dhe ky iu përgjigj: Ju përgëzoj, dole mirë nga prova e parë me Rojtarin e Pragut, kjo qenie është Satani juaj, atij i keni shërbyer dhe e keni ushqyer për shumë shekuj, dhe si e ushqej? Pyeti studenti i frikësuar dhe Mësuesi iu përgjigj, ai ushqehet me pasionet tuaja të ulëta, ushqehet me dëshirat tona të ulëta, pasionet morbide, kurvërinë, tradhtinë bashkëshortore, bordelet dhe jetën e pistë, e gjithë kjo përbën tregtarët e tempullit për të cilët na fliste Krishti, tregtojnë me vetë tempullin tonë, tani të takon me kamxhikun e vullnetit të nxjerrësh jashtë vetes të gjithë ata tregtarë që të mbajtën të skllavëruar Satanit, tani të takon t’i mundësh secilin prej tyre nëse me të vërtetë dëshiron të çlirohesh nga e keqja dhe të marrësh rrugën e bardhë.

Nëpërmjet kësaj vepre do të mund të vizitojmë të gjithë gjeniun yjor, duke asistuar në tempullin zemër të yjeve, duke kërkuar dhe punuar me engjëjt yjorë, që të mos jemi lodra të rrethanave, por së pari duhet të dëbojmë tregtarët nga tempulli ynë, duhet të mësojmë të manipulojmë në altarin tonë. Për këtë besimtari shkon rregullisht në ritet e Lumisiales; atje mëson të dojë dhe t’i shërbejë Zotit mbi të gjitha gjërat dhe të afërmin, njihet me ato rite dhe më vonë kupton se e gjithë informacioni i ritit të kultit ka lidhje të ngushtë me altarin e gjallë dhe zbulon mrekulli të pashprehshme. JACHIN dhe BOAZ i altarëve kërkohen për menaxhimin e altarit të tij dhe madje vjen momenti kur mëson të japë shtatë hapat që kërkohen për të punuar të vetëdijshëm në altarin e Zotit të gjallë dhe në prani të perëndeshës së bekuar.

Me doktrinën e ringjalljes mësojmë të vrasim kecin që kemi brenda dhe kështu me kalimin e kohës do të formojmë kopenë e Qengjit Pashkë. Kështu çlirohemi nga Zoti i Kohës për të jetuar një ekzistencë të pafundme të mbushur me lumturi të përjetshme.