Mwangalizi na Mwangaliwa

Ni wazi kabisa na haiko ngumu kuelewa kama mutu anaanza kujitazama yeye mwenyewe kwa makini kuenda mbele vile yeye haiko Moja lakini Wengi, anaanza kweli kufanya kazi juu ya ile yote iko ndani yake.

Ni kizuizi, kikwazo, pingamizi, kwa kazi ya kujitazama ndani ndani, makosa ya kisaikolojia yafuatayo: Mitomania (Ugonjwa wa kujiona Mukubwa, kujiona Mungu), Egolatria (Imani katika Mimi ya Kudumu; ibada ya aina yoyote ya Alter-Ego), Paranoia (Kujua sana, Kujitosheleza, majivuno, kujiona haukosei, kiburi cha kimistico, mutu asiyejua kuona mawazo ya wengine).

Wakati unaendelea na uaminifu wa kipuuzi kwamba wewe ni Mmoja, kwamba unamiliki MIMI ya kudumu, inakuwa kitu zaidi ya haiwezekani kufanya kazi kwa umakini juu yako mwenyewe. Yeye ambaye daima anajiona kama Mmoja, hatakuwa na uwezo wa kujitenga na vitu vyake visivyohitajika. Ataona kila wazo, hisia, hamu, msisimko, shauku, upendo, n.k., n.k., n.k., kama utendaji tofauti, usiobadilika, wa asili yake mwenyewe na hata atajieleza kwa wengine akisema kwamba kasoro fulani za kibinafsi ni za kurithi…

Yeye anaye kubali Mafundisho ya Mimi Nyingi, anaelewa kupitia uchunguzi kwamba kila hamu, wazo, tendo, shauku, n.k., inalingana na MIMI hii au ile tofauti, tofauti… Mwanariadha yeyote wa Kujitazama ndani, anafanya kazi kwa umakini sana ndani yake mwenyewe na anajitahidi kuondoa kutoka kwa akili yake vitu mbalimbali visivyohitajika ambavyo anabeba ndani…

Kama mutu kwa kweli na kwa unyofu sana anaanza kujichunguza ndani, anajikuta anagawanyika mara mbili: Mwangalizi na Anayeangaliwa. Kama mgawanyiko kama huo haukutokea, ni wazi kwamba hatutawahi kupiga hatua mbele katika Njia ya ajabu ya Kujijua. Tunawezaje kujichunguza sisi wenyewe kama tunafanya kosa la kutotaka kujigawanya kati ya Mwangalizi na Anayeangaliwa?

Kama mgawanyiko kama huo hautokei, ni wazi kwamba hatutawahi kupiga hatua mbele katika njia ya Kujijua. Bila shaka, wakati mgawanyiko huu hautokei, tunaendelea kujitambulisha na michakato yote ya MIMI Iliyo Wingi… Yeye ambaye anajitambulisha na michakato mbalimbali ya MIMI Iliyo Wingi, daima ni mwathirika wa mazingira.

Mtu ambaye hajijui anawezaje kubadilisha mazingira? Mtu ambaye hajawahi kujichunguza ndani anawezaje kujijua? Mtu anawezaje kujichunguza ikiwa hajagawanyika hapo awali katika Mwangalizi na Anayeangaliwa?

Sasa, hakuna mutu anayeweza kuanza kubadilika kabisa hadi aweze kusema: “Hamu hii ni MIMI mnyama ambayo lazima niondoe”; “wazo hili la ubinafsi ni MIMI ingine ambayo inanitesa na ninahitaji kuliangamiza”; “hisia hii inayo umiza moyo wangu ni MIMI mgeni ambayo ninahitaji kuipunguza kuwa vumbi la ulimwengu”; n.k., n.k., n.k. Kwa kawaida, hili haliwezekani kwa yule ambaye hajawahi kugawanyika kati ya Mwangalizi na Anayeangaliwa.

Yeye anachukua michakato yake yote ya kisaikolojia kama utendaji wa MIMI Moja, ya Kibinafsi na ya Kudumu, anajikuta amejitambulisha sana na makosa yake yote, anayo karibu sana naye mwenyewe, kwamba amepoteza kwa sababu hiyo uwezo wa kuyatenganisha na akili yake. Ni wazi, watu kama hao hawawezi kamwe kubadilika kabisa, ni watu walio hukumiwa kushindwa kabisa.